منتديات شمس الحب - عرض مشاركة واحدة - يماني نصب على سعودي بمليون وسبعمائة الف ريال والصدفه جابت راسه
عرض مشاركة واحدة
قديم منذ /11-27-2012, 01:30 AM   #1

لميسـ

لميسـ غير متواجد حالياً

 رقم العضوية : 9523
 تاريخ التسجيل : 23 - 9 - 2008
 الجنس : ~ الاهلي
 المشاركات : 155,340
 الحكمة المفضلة : Canada
 SMS :

Male

افتراضي يماني نصب على سعودي بمليون وسبعمائة الف ريال والصدفه جابت راسه


بسم الله الرحمن الرحيم

السلام عليكم ورحمة الله وبركاته

يأخوان شأت الاقدار قبل حوالي ثلاث سنوات ان تجمعني بشخص من الجنسيه اليمنيه

حيث انني كنت اشتغل كداد (لموزين ) وركب معي يماني يريد القصيم جاي من الرياض

المهم وحنا مع الخط تخبرون مع السواليف جلس يسب كفيله ويريد كفيل جديد وقال انه مرتاحلي ووده
يتشارك معي بمشروع النص بالنص قلتله وش المشروع قالي بوفيه بالصناعيه المهم قلتله ماعندي
فلوس قال انقل كفالتي لك ونا افتح البوفيه وعطيك بالشهر 1200 ريال قلت تم المهم بعد ماوصلته
تواعدنا وخذ رقمي بعد تقريبا اسبوع دق علي وقال تعالي الصناعيه ووراني محل لتقبيل شراه هو
وقال ابي اسجله بسمك رحنا مكتب عقاري وسجل العقد بسمي من البائع وعطاني خطاب نقل
كفاله من كفيله موجه لي المهم اتفقنا اسوي لمكتب خدمات عامه وكاله مني لاستخراج تراخيص البوفيه والسجل التجاري ونقل الكفاله له المهم جاب لي اسم المكتب وسويت الوكاله وعطيتها اليماني من شان يعطيها المكتب المهم اتفقنا كل شهر يحول الفلوس بحسابي
وكان يحول كل شهر 1200 ريال كل شهر وبعد مرور ثلاث سنوات قابلت واحد من الشباب بالاستراحه
توه متوضف بالبلديه ويسولف معي عن الوضائف وقلت له اني ادور وضيفه جلس يضحك بخبث
قال انت خلك على تجارتك وربي احسن لك من الوضيفه قلت اي تجاره قال علينا وجالس يضحك ويقول انت هامور كبير وماشالله عليك تشتغل ولا احد يدري عنك قلت يارجال والله انه ذابحني الفقر قال طيب ومحلاتك الي بشارع الصناعه البضاعه الي في المحل الواحد فوق 250 الف
الشباب نقزت عيونهم قلت انت سكران قال لاوالله انت هامور قلت تحاققني من تيس قال
تم ركبت معه بسيارت البلديه الرسميه وجينا المحل محل كبير جدا قال للعامل اليماني اعطيني الترخيص ويوريني الترخيص قال التيس ياشنب اخذته على جنب وقلت ياولد المحل وربي مهو لي قال الترخيص بسمك قال مسوي وكاله لحد ( اصح يانايم ) وعطيه سالفت اليماني
قال بس امش وراني 4 محلات اخرى كلها بسمي منها محل اجهزه بشارع الخبيب قلت والحل قال
نطلع العمال من المحلات ونقفلهن وبكرا يجيك الي مستغل اسمك رحنا للمحلات وقفلناهن بمساعدت الشرطه (قصه طويله ) المهم جاني اليماني يبكي ويترجاني ونه غلط بفتح المحلات بدون علمي ونه راح يعوضني ب30000 الف هههههه كل شهر المهم بعد صولات وجولات قلت تم
فتحت المحلات وبعد يومين من المراقبه المكثفه على المحلات لقيته يحمل من البضاعه شوي شوي ناوي يجرد فيني جيته وقفلت المحلات وقلت اعلى مابخلك اركبه وركبت اقفال جديده
للمحلات وجبت محاسبين لجرد المحلات وطلع سعر البضاعه فقط ( مليون وسبعمائة الف ريال)
ورحت للمكتب حق الخدمات وسحبت الوكاله وهددتهم اني برفع شكوى عليهم
المهم جوني سعوديين من اصول يمنيه بالبيت وترجوني وحب خشوم وعرضو علي عرض
مليون ريال كاش كتعويض و 30000 الف ريال كل شهر
مقابل التستر عليهم وستمرارهم بالمحلات
رفضت العرض وطلبت 2 مليون ريال ونقل جميع المحلات من اسمي ووافقو على طول
وحبيت استشيركم اخواني الاعزا هل تصرفي سليم ام لا


للأمانة منقول: http://www.btalah.com/showthread.php...#ixzz2DNE7Uvit


شمس الحب



تستطيع المشاركة هنا والرد على الموضوع ومشاركة رأيك عبر حسابك في الفيس بوك




dlhkd kwf ugn su,]d flgd,k ,sfulhzm hgt vdhg ,hgw]ti [hfj vhsi








آخــر مواضيعـى » رواية بنات اون لاين كاملة,تحميل رواية بنات اون لاين,رواية سعودية جريئة,على ملف وورد
» موسوعة الروايات,تحميل روايات في ملف وورد ومفكرة, أكثر من 100 رواية مشهورة
» تحميل روايات كاملة على هيئة ملف وورد او مفكرة تكست txt
» تحميل روايات فارس احلامي,الحب المستحيل,بشروه اني ابرحل,سعوديات في بريطانيا,احلى ماخلق
» قمر خالد كاملة,قمر خالد للتحميل,قمر خالد على ملف وورد,قمر خالد رواية,رواية قمر خالد
التوقيع


๑۩ التّفكير الفلسفي هو ممارسة الحرّية في أرقى أشكالها ۩๑



الحوار البناء وسيلة تبادل المعرفة
أما الحوار العقيم فهو وسيلة لإخفاء الجهل

 

  رد مع اقتباس
 
1 2 3 4 6 7 8 9 10 11 12 13 15 16 17 18 19 20 21 22 23 28 29 30 33 34 35 36 37 39 41 42 43 44 45 46 47 48 49 53 54 55 56 57 58 59 60 61 62 63 64 65 66 77 78 79 80 98