الحمد لله والصلاة والسلام على رسول الله
اللي يدور في العقار حاليا يلاحظ الاتي
الاراضي اسعارها خيال وما تنلحق .. وش السبب؟؟
احد الزملاء عنده ارض وعارضها للبيع قبل العيد كان لها سعر وبعد العيد نزل سعرها
ومن كلامه ان شريطية العقار يجتمعون بعد العشاء من كل يوم كل واحد يعرض الموجود عنده وسوم يافلان وسوم يافلتان وبعدين يتفرقون ...طيب هل تم بيع هل احد شرا..الله اعلم
تجي من بكره تسأل عن الارض الفلانية .قال والله عليها سوم بكذا البارح من واحد صامل !!
انتقال النصب اللي صاير في السيارات المستخدمة الى العقار...حسبنا الله ونعم الوكيل
طيب ليش مابعت ؟؟؟والله راعيها طالب الزود واذا ودك افرق السوم وبنحاول نقنعه..
تقدر تقوله كذاب طبعا لا
كثرة المعروض وخاصة بناء شخصي طبعاً مع الضمانات وووو.وهي الله اعلم بحالها
وللاسف الضمان ما يكتب في الصك
يعني بعدين شيل الضمان وبله في موية واشربه ياحبذا تحط سكر عشان ينبلع!!
اسعار الشقق مبالغ جداَ فيها ناهيك عن الفلل والدوبلكسات
كان في عرف العقاريين رجع راس مالك خلال عشر سنوات ....وهذا يعتبر طيب
ومن يرجع راس
ماله خلال اقل من ثمان سنوات ..يعتبر في نظر الكثيرين جشع!!
الان يرجع راس
ماله مدبل! ويمكن حتى مرتين!! خلال ايام وشهور !! صراحة الى الان مالقيت له اسم!!
طيب كيف؟
تلقى شقه لو تاجرها ما تجيب 18000-20000 ريال تلقاها بــ 350000-500000
يعني تبغى راس مالك يمكن بعد 20-30 سنه هذا اذا انت بتستثمر
طيب نصبر ولا نشتري؟
الدوله تسعى لايجاد حلول للمواطن الغلبان
والعقاريين يدورون ثغرات في حلول الدولة للقضاء على ما بقي من المواطن الغلبان
طيب وش الحل
الحل
يااهل العقار خافوا الله في انفسكم وفي هذولي الضعوف
اكسب ياخي بس خلك صادق مع الله ثم نفسك والناس
يعني كل لقمة حلااااااااال
ويش رايكم عطونا حلول
المشكلة انه لكل ساقطه لاقطة
لا احد يزعل هذا الواقع
واعرف ناس تخاف الله في بيعها وشراها
الله يرزقنا واياهم من واسع فضله
بس للاسف النصابين واااااااجد
تستطيع المشاركة هنا والرد على الموضوع ومشاركة رأيك عبر حسابك في الفيس بوك