منتديات شمس الحب - عرض مشاركة واحدة

صـ ـدى‘آلآهـ ـآت · منذ /06-13-2012, 06:32 AM

لحم بالبطاطس وصوص المحار

طبق اليوم جدددن بسيط ويمكن الإعداد المسبق ليه

*المقادير:..
لحم مقطع لقطع صغير بالكمية اللي تحبيها،،بطاطس مقطع مربعات متوسطة الحجم ،،بصلة مقطعة شراييح صغييرة

الخطوة الأولى ..
نسلق اللحم بالطريقة المعتادة ونضيف ليه 4أعواد قرفة وفلفل أسود وبعد مايستوي تمام أضيف الملح،، نصفي اللحم ونخلي المسلوقة ((حنستعملها للرز))

الخطوة الثانية..
نقلي البطاطس ونقمر البصل يلين يبدا لونو يسير ذهبي..

كدا حيسير كل شي جاهز نبدا بطريقة اللحم في الأول >>طبعن وقت الطبخ حيكون الاتنين سوا بالبطاطس وصوص المحار

نجيب قدر كبير ونضع فيه كمية من الزيت وبعد ما يسخن نضيف فصين ثوم مدقوق ... نشوح الثوم شويه ونضيف عليه اللحم وبعد كدا نضيف عليه الصوص

*مقادير الصوص:..

ملعقتين صغيرة مسطحة ملح ،،فنجالين قهوه مسطحة من السكرر،،صوص المحار الجاهز كمية كبيرة منو ،، ربع مكعب الماجي وشوية من الكاتشب الأحمر ..يفضل تخلطي المكونات في زبدية لحالها وانتي احكمي بنفسك ايش يحتاج زيادة

بعد كدا نضيف البطاطس وشوية من البصل المقمر ونستمر في التقليب ونضيف شويية مويا عشان المكونات تتجانس

نغطيه ونخليه على نار هادي

ومن فترة لفترة افتحي الغطا وقلبيه ..لما يتماسك الصوص ويسير شبه ثقييل يكون الطبق جاهزز

ونجي دحين للررز وطريفته جددن بسيطة
في البداية طبعن يتغسل ويتصفى من المويا وبالنسبة للكمية انا عملت كاسة ونصف

نسخن ملعقة ونص من السمن ونضيف عليه الرز ونقلب تماام يلين نحس الرز سار لونو اصفر من السمن في هادا الوقت تكون مسلوقة اللحم مغلية ونضيفها على الرز

ونضيف الباقي من البصل المقمر ونقلب تمام .. وحيسير بالشكل دا

نخليه على نار عالية.. وبعد 10 دقايق تقريباً نرفع الغطا ونقلب الرز حيكون في شوية مويا .. نجيب الصبغة الصفرا ونحطها فوق الرز بتوزيع متناسق ونقلب تمام ونرجع الغطا تاني

وطبعن حنعرف انو الرز استوى لما نفتح الغطا ونشوف المويا قليلة فيه وننتبه لا يلصق من تحت>>قبل ما اضيف الصبغة النار تكون واطية

الموضوع الأصلي: لحم بالبطاطس وصوص المحار || الكاتب: صـ ـدى‘آلآهـ ـآت || المصدر: منتديات

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

المصدر: منتديات شمس الحب - من قسم: مطبــخ شمس الحب - اكلات - حلويات

gpl fhgf'h's ,w,w hglphv fhgf'h's