قلــت ياراعي الدلّـه توقّف ترى من الشــرب أبيــــــت.......قال ماهو على رأيـك تحكّــم بنـا يابن الــــحـــلال.
قلت أنا الصّـدر عندي يشتكي من الحموضه لارتويت .......قـال زوّدتهـا من هيل والهيــل جانا من الـــطـوال.
بعد مافِضْيَتْ الدّلّـه تقهويت وانا مــادريــــــــــــــــــت ....... ثم طالعت فيه وقلت ياصاحبــي عيد الســــــــؤال؟
قال كم خدمتـك من لــوعة الحــب كم مــرّه بكــــيـــــت ........قلت قـدلـي ثمـان سنيــن متعلّـــيٍّ فوق الجبــــال.
بعــدها رحت انا ويــاه في طــايره صــوب الكــــــويت ........ ثم حــوّلت انا ويــاه في واحــةٍ وسـط الظـــلال.
مــرّةٍ يسحــب السّبحـه من اليــد لامنّـي سهـــــــيـــــــت ........ومرةٍ ينثــــني لاقـام يلعـب عـلى سحـت الرمـال.
آه يــاصــرم حــالي بعد مـاقال انا منك انتهيـــــــت .........قلت يانـور عيني ماقدر اوصفــك من حسن الجمال.
كلّ ماتطلبـه يفــداك بعطيــك خــذ مــالي وبيــــــت ........قــال مـالي هـدف فيما تقوله ولاارغب كــثر مــــال.
رايـح افـارقـك لكـن لــي شــرط واحـد لـو رضيت .........اتصــل بـي ولـو مــرّه في الشهـر لاريت الهــــــلال
قلت يـامنيتـي سـافر تراني على حبّـــك بـليـــــــت .........ماقدر اصبر على فرقــاك والقلــب قابل باشتعـــــــال.
ياوليفـي بغيــرك ماقدر اعيــش حتى لـو سليــــت ......... أنت ساكن بروحـي في وريدي ومن دمّـي تـنــــــــال.
مادريــت ان حبّـك داخـل القلب مبني له سويـــت ..........وانت جالس على عرشـك بصدري وفكري والخيــال.
وانت لي جنّــة الدنيــاوفي حبها همت وربيــــــت ..........وانت قــوتي وغيثــي كل ماشاهدت عينــي خيــــــال.
غير ودّعتــك اللـه وارفع لثام وجهــــك لامشيــت ,,,,,,, واترك آبو غريب بوحـدتــه منعزل بين الرجـــــــال.
وانتهـت مسرحيّتنــا ودوبي مع همّــي بديــــــــت ........ هذه قصتــي ياهل الهـوى صابني بعض الهبــــــــال.