آآآه يابحر عمري
وصرنا اغراب بعد ماكنا بالهوى احباب
يابحر .. كان صوتك هو صوته
وكان موجك ضحكت عيونه
كنت اشوفه فيك ساكن و شامخ
كنت الأمان معه حاسس وعايش
وهو قال ببقى معك لين تقولي يكفيني خلاص
منك قلبي مل ...وابعد ما أبـــــاك
ماعرف اني نويت ابتعد واقطع حبال الوصال
ولكن بعدي مو ملل ولا لان حبه بقلبي مات
ببعد لاني فيه عاشق وذايب وهايم
بس لا قربت منه اهلكته هلاك
كنت اظن بيني وبينه كلام ماهو بحروف ولقى
كنت اكلمه واسمع ردوده بحسي
وأحفظ أفكاره بقلبي
كنت أظنه بقلبي عارف وفاهم
كنت اظن إحساس قلبي يوصله بلاحواجز
كنت اظنه لامس نار غيرتي قبل رحيلي بثواني
كنت اهرب لجل ما احرقه ببركاني
كنت اظن وكنت اظن بس للأسف خابت ظنوني
تاكدت انه ماعرفني وصدق كلام وانقال عني
صدمني فيه وصدمتي فيه تعني لي موتي
آآآه يابحري وانكسرت كل مجاديفي
بواقع مر ان الصدق والاخلاص ماينفعون
واني بهذا الزمن مقدر اعيش
وانه لا زماني ولا مكاني
يابحر..صار صوتك آآآهات مخنوقه
وصار موجك دموع والآم مكبوته
يابحر.. خذ قلبي وادفنه بين احضان موجك
واذكرني له قصه بلا اسم ولا عنوان
قوله شخص حبك وغرق فيك لحد الممات
وراح كله فدوه بس لرمش الأهداب
لجل سعادتك قطع عروق المحبه
ونزفت ومات بسكات