عندي صديق شرواكم يا الربع
اليوم جاني ويفضفض لي عن زوجته الي متزوجها من سنه تقريبا
قلت بنفسي الي فيني مكفيني من مشاكل الحياه:hawamer4412
لكن الصداقه بعض الاحيان تجبرك للفزعه والوقوف مع الرفيق
هذا الي تعلمناه وعرفناه من يوم وعينا على ها الدنيا
مالكم بطول السالفه
يقول
من يوم تزوجتها وهي ماتحب المزح بارده..دائمة الانتقاد..ماتعرف المجامله..ماتحس فيني وحاولت اصلح فيها لكن مافيه فايده
قلت له: طيب هي مافيها ايجابيات؟
قال الا اكيد لكن صدقني ان سلبياتها تغطي على ايجابياتها يا ابو خالد
يقول: كم مره اتناقش معها وكم مره اهديها هدايا وكم مره اطلع انا وهي نتعشى برا واقولها على السلبيات لكن الظاهر انها تاخذني على قد عقلي...طيب ...طيب وانسى التغيير
يقول امس تخانقت انا وهي بسبب انها رفضت عمل العشاء بدعوى انها تعبانه والحقيقه انها ماهي تعبانه ولاشي وجالسه على الواتس اب تحكي مع صديقاتها
في الاخير يقول انه قالها انت اهلك ماربوك لو كانوا ربوك كان احترمتي رجلك
يقول ردت علي وقالت : انت سافل
افا ياذا العلم:hawamer3612
يقول والله يابوخالد مدري وشلون مسكت اعصابي وماضربتها ومن امس وانا في الملحق وهي بالبيت ولاقابلتها ولا ابي اشوفها ثم اضاف يقول انا سبق اني طلقت قبلها وحده بسبب اني اكتشفت بعد زواجي منها امور ماهي زينه على البنت وطلقتها بعد ان لامني الناس وخاصة اهلي وهم يعتقدون ان السبب مني في اني ما حبيتها لاني قلت لهم هذا لاني ابي استر على البنت
اخاف يا ابوخالد اطلق الثانيه ويعتقدون اني انا الي فيني البلاء والجلاء مثل ماطلقت الاولى وهم مايدرون ان والله العظيم بريء ومخدوع وحظي شين
اخواني
الان صديقنا يريد الحل مع مشكلته مع زوجته انا بصراحه عطيته الحل لكن بنتظر منكم الحلول والاراء
جزاكم الله خير
المواضيع المتشابهه 
صديقي وزوجته النكديه....افزعوله يا النشامى 
العرض الشجري
