السلام عليكم


بنقلكم تجربتي
في استخدام ZenMarket


اول شي تعريف بسيط هي شركه يابانيه تشتري بنيابه عنك من اي موقع ياباني
طريقة الدفع تشحن عندهم ببطاقة بنكيه او بيبال


بوضح نقطه هذي مب اول مره اطلب عن طريقهم لكن الي تغير ان خيارات الشحن لسعوديه فقط 3

البريد العادي/الياباني الى سبل السعودي، فيديكس، دي اتش ال


ببدا بالشحن لان كثير منكم ممكن يهون من يشوف الشحن

شحنتي وزنها 8 كيلو اي 8000 غرام


وضح فرق السعر كيف انا دفعت الشحن 200 ريال (170+30 عشان تقويه الكرتون)
بعد تقريبا 85 يوم وصلت شحنتي لسعودية/سبل يوم الاربعاء
يوم الخميس اصدوا لي فاتورة الجمارك واستلمتها يوم السبت


الشي الي ابي اوضحه اذا بتطلب عن طريقهم عند واحد من اثنين
يا تشحن بي البريد العادي وتنتظر
او تشحن بي فدكس او الدي اتش ال وتدفع مبلغ وقدره لشحن



الموقع يسمحلك تتقضى من مواقع مختلفه
وتدفع 300 ين تقريبا 9 ريال عموله على كل قطعهه تشتريها
ما عدا القطع الي في قسم Zen
لكن راح تدفع عليها شحن داخلي ممكن 10 ريال


بمعنى بتشتري قطعه بتدفع
سعر المنتج+ عموله 9 ريال+ لو فيه شحن داخلي


مع كل هذا مازلت انصح به للاشخاص الي بيشترون شي مستخدم
نعم مستخدم
كمثال اشتريت من مزاد ياهو مجموعه كتب بي 750 ين ودفعت شحن بي 850 ين وعموله مزايده 75 ين
المجموع 49 ريال للمجموعه كامله شي رخيص مره
غير هذا بحثت عن اشياء ابيها في امازون اسعارها27000ين يعني800 ريال
لقيتها في ياهو (مب مزاد ياهو ياهو العادي) بي 789 ين يعني 23 ريال بالشحن والعموله فرق بشكل


وبعض الاغراض في صفحه امازون نفسها اختار بائعين اخرين اشوفها يبيعونها مستخدم
اخذ الرابط واحطه في زن ماركت واختار اي وحده اختار


كمثال هذا المنتج من امازون الياباني
بعد ما ندخل الرابط في زن ماركت

رابط

في الصفحه حاطلك ان فيه كم دقشه في الزاويه

ملاحظه مهمه قبل تشتري جهاز او كريم تاكد من زن ماركت انه يقبل الشحن بالبريد العادي


اذا ما راح تشتري اشياء مستخدمه
من رايي ما تحتاج ZenMarket اطلب من امازون دايركت او اشحن لي شوب اند شب حقت ارامكس (8 كيلو بتكلفني مع ارامكس 538 ريال و لو اني مشترك بفلكس 333 ريال)



اذا ماراح تحتك بالبائع الياباني ما تحتاج ناس مثل زن ماركت
لكن اذا هدفك تشتري معهم عشان تشحن بي البريد العادي وتوفر فلوس
ترا ما فرقت لانهم ياخذون عنوله+ 3.5% من اي مبلغ تشحنه لهم


بمعنى هم وارامكس فلكس نفس السعر الفرق
انت وين بتطلب منه
اذا امازون ومواقع تقبل البطاقه السعوديه استخدم ارامكس فلكس
اذا تببي تطلب من مزاد وياهو انصحك بوسيط (زن ماركت)


في الاخير اغراضي وصلت
اغلبها اشياء مستخدمه ووصلتني بجوده ممتازه ولله الحمد
صحيح طولت لكن انا ما عندي مشكله
بس للعلم اغلب ما اطلب من اليابان اطلب من امازون الياباني
وسعر سحنهم يعد معقول 64 ريال لاغلب الاشياء


جرب اطلب من دول مختلفه ومواقع مختلفه وجرب

الموضوع الأصلي: الشراء من اليابان بستخدام ZenMarket || الكاتب: bom || المصدر: منتديات

المصدر: منتديات شمس الحب - من قسم: شمس الحب لبرامج الكمبيوتر والإنترنت