bom

صباح الخير ...




في نوفمبر 2021 ( قبل 4 شهور تقريباً ) نزل موقع نمشي عرض استرداد نقدي بنسبة 100 % على الطلبات فوق 1000 ريال ، طبعاً بمجرد تدخل على موقعهم تشوف صورة و بنر العرض محتلة واجهة الموقع ، في هذا العرض و غيره من عروض نمشي يلعب لعبة قذذرة بألخصها لكم في نقطتين حتى تأخذون الحذر :


1 - موقع نمشي ما يكتب أي شروط و أحكام للعرض في الموقع ، يكتب لك على صورة العرض ( حسب الشروط و الاحكام ) و لكن الشروط و الاحكام غير موجودة لا على البنر و لا في داخل العرض ، و بمجرد تضغط على صورة العرض ينقلك للمنتجات على طوووول و جربوها بأنفسكم ، و هذا لوحدة المفروض يكون ريد فلاج و جرس انذار للمستهلك على طول و يشكك الواحد فيهم لأنه ما ذكر لك الشروط و الأحكام اللي المفروض تكون الفيصل بينك و بينهم ، يعني انا ايش يضمني كمستهلك ما تخترع لي بعدين شروط و أحكام تطلعني من العرض بعد ما تأخذ فلوسي ؟؟؟ الشروط و الأحكام لازم تكون مذكورة بوضوح مع العرض حتى الكل يكون على بينة .

2 - موقع نمشي يفتح الطلب من العرض قبل بدايته و هذي النقطة النصبية الكارثية اللي يترفع عنها حتى كبار النصابين !!! ، يعني مثلاً لو فرضنا أن العرض يبدأ يوم 25 من الشهر ، ممكن أنه نمشي يحط لك بكل حقاارة و نصب صورة العرض يوم 20 مثلاً و يفتح الطلبات من داخل العرض من يوم 20 و بدون ما يكتب تاريخ بداية العرض ... و اذا جيت بعدين تسألهم عن العرض يقولون لك العرض بدأ يوم 25 ما يشملك ... طيب يا حرامي فاتح الطلب من العرض من يوم 20 لييييش ؟ و حاطه في واجهة الموقع ؟


هذا بالضبط اللي صار معي ، حطوا صورة عرضهم و كانت تحتل واجهة الموقع و لا زلت أذكر المكتوب في الصورة و واجهة الموقع وقتها لا زالت محفوظة عندي بسكرين شوت ... كان مكتوب : كاش باك 100% للطلبات فوق 1000 ريال / درهم ((( " اطلب الحين " ))) و ركز لي على ((( الحين ))) ... طبعاً مكتوبة على صورة العرض و هذي يُفهم منها طبعاً أن العرض بدأ و لا كانوا كاتبين أي تاريخ بداية و لا شيء .

المهم نقرت على صورة العرض و دخلت و تسوقت من داخل العرض نفسه بأكثر من 1000 ريال ( أخذت أشياء أعجبتني و سعرها مناسب و لو بدون عرض كان ممكن أيضاً أخذها و هذا اللي هون الموضوع ) ... المهم تواصلت معهم في نوفمبر سألتهم متى الكاش باك ؟ قالوا في يناير نبدأ نوزعه ... و في يناير تواصلت معهم ، قالوا لي بالحرف " ما يشملك العرض " قلت انا متسوق من داخل العرض و من واجهة الموقع نفسه و من صورة العرض نفسه اللي تقول : تسوق الحين هههههه كيف ما يشملني ؟!!

قالوا : لا انت تسوقت قبل بداية العرض بيوم !!! قلت طيب العرض ليش مفتوح الطلب منه قبل بدايته بيوم و ليش كاتبين (((( تسوق الحين )))) و فاتحين التسوق من داخل العرض ؟!

طبعاً ما قدروا يردون و موظفهم توتر و عرفوا أني كشفت نصبتهم ، حاولوا يرضوني بقسيمة 100 ريال النصابين ، قلت خلوها عندكم !

طبعاً لاحظوا الكاش باك ما يتوزع بعدها الا بشهرين ، عشان اذا كشفت نصبتهم بعد شهرين و لا اعطوك الكاش باك تكون فترة ترجيع منتجاتك انتهت و ما تقدر ترجعها !

و تحسبون بس انا ؟؟؟ موظفة خدمة العملاء بنفسها تقول مو انت لوحدك كثير يطالبون بكاش باكهم الآن و مشكلتهم نفس مشكلتك .

و للأسف هذي عقلية بعض المواقع العربية و القائمين عليها عقلية مريضة غبية متخلفة قصيرة نظر ، انا كنت زبون دائم عندهم و اشتري منهم كثير و خسروا واحد كان ممكن يستمر يشتري منهم عشرات السنين قدام عشان عرض وهمي تافه !!! من وقتها حذفت تطبيقهم و الله و لا اشتريت بهللة و لا راح أشتري !


هذي تجربتي نقلتها لكم كما حدثت بالضبط .... تحياتي .

هذا الموضوع منقول من :: موقع البوابة الرقمية :: يمكنك زيارته في اي وقت للاطلاع على مواضيعه
كما يمكنك زيارة اقسام مواقعنا مثل
التجارة الإلكترونية او أقسام الآيفون والآيباد والسيديا او قسم الأندرويد وأجهزة سامسونج الذكية او قسم الجيل الرابع للإتصال بالانترنت STC او أقسام PlayStation والترفيه او شاشات التلفزيون والمسرح المنزلي او أخبار شركات الإتصالات او الأخبار التقنية او

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

hgp`v lk l,ru klad , uv,qi hg,ildm >> j[vfjd !