منتديات شمس الحب - يااخوان . .. بغيت قرض اتزوج ... نشبت في اسهمهم الله لايوفقهم.. نصايحكم

السلام عليكم ورحمة الله وبركاته

يااخوان انا نويت قبل اسبوع اطلع قرض بتزوج

قالولي بيع الاسهم هي الطريقه الاسلاميه الوحيده

رحت بنك البلاد وعطوني 2295 سهم في مصرف الراجحي

وقالولي بـ 72 ريال قيمه السهم الواحد

وحطوها بالمحفظه وانا ماادري وين الله حاطني فيه

وقلت لهم ابي ابيع قالولي ممكن ترتفع وممكن تنزل

قلت اقول ابي ابيع

قالي الموظف خسران الحين 1000 ريال

قلت له خلاص اجل انتظر ابي بس راس مالي وبعدين ببيع

وكلمته علمني الطريقه مااعرف شئ في الاسهم

قالي تابعه من موقع تداول وعطاني رقم وقالي دق عليه لانويت تبيع

تابعت اللي قالي عليه لقيته الحين 68.25

يعني خسران اكثر من 7000 ريال

وانا محتار مدري ابيع والا انتظر

انتم وش رايكم

اذا فيه خساره اكثر اببيع واريح ملائكتي

انا اول مره اخش بعالم الاسهم ولا ادري وين الله حاطني فيه

ابي فلوس ابي اتزوج واسافر بسس

وشششكراً لكم