السلام عليكم ورحمة الله وبركاته
ياخواني كلامي ماهو عبارة عن موضوع انشائي , او مجرد تكرار لبعض النصائح
انا اتكلم بكل أمانة وصدق , وبالامكان تجربة الطريقة وشوف نتائجها بنفسك واحكم من بعدها ... لابد وان نؤمن تماماً بأن الاكتئاب عبارة عن مرض نفسي
هذا المرض النفسي له اسباب وعادة ما يكون السبب هو التخبط في وقت النوم ..
الانسان لو نام الساعة 10 مساءا يقوم الفجر وهو فايق رايق وذهنه نشيط
وممكن يكون طووول اليوم نشيط في حال الاسترخاء فقط وقت الظهر (الاسترخاء ماهو النوم) .. والنوم يكون بعد الساعة 9 .. الخ
تخيل لو كان حالك التالي ..
تنام الساعة 2 او 3 في الليل ... كيف تقوم الصباح طبعاً راح تكون الاخلاق صفر
ترجع تنام بعد العصر وتصحى العشاء او المغرب .. كيف راح تكون نفسيتك (تحس نفسك مجنون)
طبعاً اخلاقك في خشمك ومنت طايق الدنيا
خلونا نبدل الحال يا شباب ..
اداء الصلاوات في موعدها هو الحل المناسب لهذا المرض
كيف نضمن نأدي الصلاوات بموعدها ؟
نام مثل ما تفقنا على الساعة 10 مساءأ
راح تصحى فايق رايق على صلاة الفجر
واستمر .. ترجع من الدوام اضرب الغداء واسترخي شوي
روح صلي العصر بعدها اشغل نفسك بمشاوريك الخاصة حتى العشاء
صلي وخذ عشاك وتوكل على البيت .. ونام الساعة 10
اي واحد يعاني من الاكتئاب ويجرب هذي الطريقة
اضمن له ان شالله راح يتعالج في مدة ماتزيد عن الشهر
ملاحظة .. الايام الاولى راح تتعب خصوصاً في الفترة من بعد العصر وحتى العشاء
لكن مع الاستمرار راح تلاقي نفسك وحش ياوحش
المواضيع المتشابهه 
علاج الاكتئاب طريقة ناجحة 100% ان شالله 
العرض الشجري
