السلام عليكم ورحمة الله وبركانه
تحيه طيبه وبعد
السالفه ومافيها انا نويت ابيع سيارتي من نوع جيب فورتشينر المهم نصحني كم واحد اني اعرضها عن طريق الانترنت سمعت نصيحته وياليتني ماسمعتها المهم عرضتها بمايقارب الـ 5 مواقع مشهوره ببيع السيارات وصارت تجيني الاتصالات وبدا يزود السوم عليها ان كان عن طريق الاتصال او عن طريق الموقع وكلن يحط رقمه مع السوم ان عجبك اتصل عليه وكذا المهم وصلت السياره بالمبلغ الي عجبني مره بعد السوم واتصلت على الرجال وتواعدنا عشان يجي يشوف السياره والاغلب انا الي اروحله المهم اول رجال رحتله شيك السياره وساقها وقلبها يمين يسار وبالاخير قال لا خلاص مابيها قلت ببصرك واتصل على الثاني ونفس الشي يخلوني اروح لمهم ويقلبونها وكذا وبالاخير يقول بردلك ويسحب علي ولا يتصل من عقبها الين طحت بباكستانين وبرضو رحت له وشيكها وقلبها وعجبه قال خلاص ابيها بسعر 57 الف مع انه كنا متفقين بسعر 63 الف انا رفضت قلت خلاص مابي ابيعك رحت اول يوم للحراج لاول مره دخلت السياره حراج النسيم وبدا السوم من 48 حتى وصل اخر شي 55 ورفضت ابيع وش قلت قلت انا اولى بالألفين الي بياخذها الباكستاني اتصلت على الباكستاني وقلتله هاه تاخذها بـ 57 قال موافق باخذها وفعلا تواعدنا بيوم نروح للمعرض ويعطيني فلوسي واعطيهم السياره رحنا المعرض وصار يقلبها من اول وجديد السياره ويشيك عليها وبالاخير قال خلاص مابيها انا تنرفزت وقلت بس عطلتني ومن الكلام هذا رحت ثاني يوم للحراج ببيع وصارت هذي المره الثانيه ادخل فيها الحراج بداء السوم من 45 حتى 48 ووقف ولا بعت قلت وين قبل يومين وصل 55 ولا بعت قال الحين حنا بالحاضر هاه تبيع بـ 48 انا رفضت وبشده قلت بجي الخميس الجاي وفعلا يوم صار الخميس الجاي دخلت السوق بداء السوم من 36 حتى وصل 40 قالولي بيع بيع انا هنا استسلمت وبعتها وقلت اخاف اجي بعد كم يوم وابيعا بـ 30 الف :hawamer6912 فانصيحه ياجماعة الخير لو ناوي تبيع سيارتك وجاد في البيعه بيعها في اول مره تدخل فيها الحراج لان الشريطين بيحفضون سيارتك ويبدون يكسرون سعرها بذات اذا كنت مستعجل بالبيعه اما اذا منت مستعجل فا بكيفك تحياتي للكل والحمدلله على كل حال ما ادري وش الخيره في البيعه
المواضيع المتشابهه 
نصيحه للكل عن طريق بيع السياره هذي تجربتي 
العرض الشجري
