|
صاحب العمل ...صبحي ابو كنداسه..خطبني..فايبو..الغلبان..تحت سحابة الدخان والله ماني اعرهج كيف ولا ابدا كيف صبحي ابو كنداسه صاحبي في العمل من 10 سنوات بيحوبني كتير ويحترمني ودائما مايضرب فيا المتثل ويقول لو عندنا زي فايبو 10 كان احنا بخير يمدحني وانا كتيير خجلان وخدودي مقمره وهو يقول انوه انا كولي شبوبيه وفطنه وزكاء وحيويه واحوب اساعد الغريب قبل القريب وجيبي مخروم الريال اللي بيه على طول بيخورج للمحتاج والفقير وانوه عيوني فيها بريق محبه...هههههههه..والله كشافات مو عيون ماعلينا ياصوحابي الزبده عنده اخت تؤام اسمها ..صبحيه..وهما من عيله غنيه والفلوس عندهم مالها مكان نداني وقالي اخطب لبنتك ولا تخبط لابنك واني والله يافايبو لا اراك خير بعل لاختي المشكله انوه اخته هادي ..كانت بتتعالج ..عند دكتور نفسي لانه كان فيه واحد مدير محافظ خاطبها ..واخد فلوس كتير منها بزعمه يشغلها ..وعينك ماتشوف الاالنور صك عليها وفنقش وشلع..وهرب بيها..لجزر المالديف.. وبعدها صابتها حاله صارت تمشي وتقول ..اخضر ..احمر ..لا احمر ..لا شكله بيقلب اخضر والحمدالله على كلام صاحبي صبحي ابو كنداسه انها خفت كتيير وصارت قليل ماتيجها الحاله وحددلي يوم اجي واشوفها رحت والصراحه بسم الخالق الناطق ..فلقة قمر ..يزكرني بمسم هيا..في مسلسل نمر ابو عدوان المشكله مو هنا المشكله يادوبي اقولها مساء الخير يا صبحيه قالتلي انتا احمر او لااخضر بققت عيوني وقولتلها ايه بتقولي قالتلي لاطش ولا مالطوش قولتها ياحورمه ايش بتهرجي اتنحنح اخوها صبحي وقالي هيا بتقصد انتا ربحان ولا خشران اليوم في الاسهم فريت اسي عليه وقولتله ياخويا اسهم ايه وهباب ايه انتا صاحبي وعارفني انوه هواتي تربية القطط قعد يهدي فيني ويقولي هيا بتمزح معاك والبنت خفت كتييير صوحابي فايبو المسكين الغلبان اللي البسه بتاكل عشاءه محتاج مشورتكم ورائكم لايغركم بريق عيون الا غريق وفي المسائل هادي بغرق في شبر مويه قولوي دلوني علموني نبهوني فوقوني وقولوا واحكوا ماتتركوني اصيح اني اغرق اني اغرق البنت غنيه ومريشه بس انا متوغوش حبتين من قصة مرضها النفسي وعندي شك انها خفت فايبو يجلس الان في غرقته وقد اغلق الاضواء وتلفه سحابه كثيفه من دخانه الميريت بلو والافكار بتشد بشوشة تفكيره..بكول عنف اي اي ياشوشة افكاري |
| الساعة الآن 11:30 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir