|
صاحب هذا المعرف..وصخ..ايوه ..وصخ وستين وصخ..فايبو بصوت عالي يقولها تقوم زي المقروص من حيه للدوام وفوريره للدوام كانك مكنسها خطها 110 وشبكوها على 220 وهاتك قطع اشارات ودحس ومداحس بين السيارت عشان تلحق بيان الحضور وصلاة الفجر تصليها قوام قوام والشمس قدها طلعت انت وصخ تنشر النميميه بين الناس وتنقل الكلام زي النسوان وانتا بعد كول صلاة تسبح وتكبر انت وصخ تنشر العصبيات القبليه والمناطقيه وتسمم اجواء المسلمين بمشاعر الكراهيه والتناحر والتباغض وتعمل حالك من ذوي الدم الازرق وانوه اجدادك كان الجن بيخاف منهم وانوه هتلر صابته ام الركب لما واحد من مستشاريه قاله ايش رائيك ياريس نغزيهم انت وصخ تظهر المثاليه والتقى وتصير اسطوانات الزهد والعباد هزي المستكه بفمك عشان الناس يمدحوا ويهللوا بحضرة جنابك ويخلوك قديس زمانك او الرجل العصري وانتاب تجيب في اجازات مرضيه عشان تكبر المخده في بيتك او تحيط نفسك بهاله اجتماعيه تخليك تاخذ حق غيرك انت وصخ تبيح التغرير والتدليس والفتاكه والفهلوه وتعتبرها شطاره ومفهوميه ولو كانت على حساب الغلابا وسرقة قوتهم وشفط دراهمهم وشقاء سنينهم انت وصخ يمتلي قلبك غل وحقد وحسد لما تشوف اللقمه في يد غيرك وتتمنا زوالها بدل ماتقول ربي اعطنى وارزقني كما رزقت اخويا كما هي الغبطه المحموده انت وصخ تكرم القوي وصاحب النفوذ واللي ليك عنده حاجه وتاخذه بالاحضان وشويا وتبوس رجوله والغلبان المسكين المهدود حيله من الدنيا والفقر او اللي مالك عنده حاجه تعبس في وشوه وترفع مناخيرك عليه وتصير نفسك معاه كيس اسمنت حتى السلام ماترميه عليه بوجه بشوش انت وصخ تنسى انوه من عاش بالحيله مات بالفقر وان الظلم ظلمات يوم القيامه انت وصخ لما تكون صاحب سلطه وجاه ومنصب ومتنفذ وتسغلها في ازدراء الناس والتنكيل بيهم وقهر الضعفاء وانت من غير السلطه القطو بتخاف منوه ويمكن هو كمان مايحسبلك حساب انت وصخ الامثله كتيره والشواهد متعدده والنماذج متواليات هندسيه لاتقف لايمكن تاطيرها او وضعها في معالم ذات حدود وماتقدم غيض من فيض حبايبي اللي حبيت انوه اصوله ليكم انوه اوحش شغله لما يحس البني ادم انوه من جوا عباره عن كومة اوساخ ويونظر لنفسه باشمئزاز وتقزز ويحاول انوه بالزبط زي صاحب المطعم الغشاش اللي يبيع اللحم الفاسده بعد مايتبله ويغمسه بالبهارات والمنكهات اللي بتخفي الريحه المنتنه والطعم الكريه ليه لكنه ابدا مايفكر انوه يمضغ منوه ولو شقفه صغيره عارفين ليه لان نفسوه ماتقبله واصعب شي على النفس والوجدان لما الانسان مايقبل حاله ويحتقرها بس يحاول انوه يجملها من برى لبرى لانه عارف قي قرارة نفسه انوه وصخ فياريت كولنا ننظف انفوسنا من كول وصاخه والله مافي احلى ولا اجمل ولا اكثر راحة بال وسلام مع النفس لما يكون الواحد مرضي ربنا وكنتيجه سببيه راح يكون راضي عن نفسه وهادي عمرها ماتكون الا لما يكون الواحد نظيف دينيا و معنويا وقيميا اخوكم فايبو |
| الساعة الآن 06:30 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir