السلام عليكم
قبل فترة مريت واحد من الشباب ولديه محل جملة
يبيع كل شيء يطري على بالك
خذتنا السوالف يمين ويسار وماخلينا شيء ماقرقرنا فيه
حتى وصلنا لبعض المنتجات الخربوطية وعديمة الفائدة , اللي المهبل من الناس يشترونها ..
قال تذكر محلي الاول ؟
قلت ايه , وشفيه ؟
قال كنت دايم افتح الساعة 9 الصباح
وفي يوم من الايام رحت بدري الساعة حول 8 وفتحت المحل
على فتحتي للمحل ويجيني جاري قال تعال افطر معنا
يقول رحت معه لمحله القريب من محلي وجلسنا نفطر مع بعض ..
شوي دخلت زبونة قالت عندك زيت حشيش ؟
قال نعم
قالت بكم
قال 100 ريال :hawamer0012
وتاخذه وتدفع 100 ريال وتمشي !!
يقول الزيت هذا تكلفته علينا يا اصحاب المحلات خمسة ريال !
وانا اعرضه بسبعة ريال وماحد يبيه
اول مانزل حطيت سعره 10 وما مشى
نقصت سعره لثمانية ومامشى
آخرها قلت بسبعة وماحد يبيه !!
يقول طارت بوهتي وانهبلت من اللي شفته
قلت لجاري شلون تبيعه بـ 100 يامجرم
قال هذولي حريم مهبل ! ولو رخصته قالوا ماهو اصلي !
يقولي
عرفت السر وبديت اعطيهم على قد عقولهم
اول مارجعت لمحلي , واشيله كله واذبه بآخر المحل بكرتون وفوقه عشرين كرتون
واول كنت حاطه بالرف وراي ابيهم يشوفونه لعله يمشي وافتك منه ..
بعدها اذا جت مهبولة وسئلت عندك زيت حشيش
التفت يمين ثم يسار , واحيان اطلع من المحل اتلفت
ثم اقول بصوت خافت ايه فيه !!
بكم
بـ 100 ريال
واحسسها اني خايف وعلى اعصابي
ثم اجيبه من تحت الكراتين , واحطه بكيس مايكون شفاف !
يقول وعينك ماتشوف إلا النور
كل يوم كرتونين ثلاثة !!
والمهبل ناقصات العقل يشترون
على كلامه اغلب زباينه مصريات
يشترونه بـ 100 ريال ويبيعونه بالمواقع النسائية على 400 ريال :hawamer0012
وسلملي على حواء والفراشة ولكِ
بعد ما خلص سالفته
قلت من جدك تتكلم ؟
قال افا عليك بس , يعني بكذب عليك
طيب خذ عندك
وش رايك بالنمل ؟
قلت اي نمل
قال النمل ماغيره
قلت وشفيه بعد
قال هذا سلمك الله مشروع خرافي
و ا ر ب ا ح ه خرافية
قلت شلون ما فهمت
قال تصدق ان النمل يعصر ؟
قلت انت صاحي ؟
قال ايه
وازيدك من الشعر بيتين
يعصرونه ويطلعون زيته !!
قلت النمل له زيت يالخبل ؟
قال انت الخبل
نعم له زيت ويعصرونه !
منت مصدقني تعال
وياخذني لأحد الرفوف ويوريني اللي ماكنت اتوقعه ابداً ابداً
زيت النمل
المواضيع المتشابهه 
زيت الحشيش .. !! 
العرض الشجري
