السلام عليكم
انا مدري اللي يسافر ويهايط بالبخاشيش وش يحس فيه !
اقول الكلام هذا , لأني ملاحظ دائماً اني لازم ادفع من بد خلق الله بخشيش
ومو اي بخشيش !! لازم اللي ادفعه يكون عليه الكلام ! واضعاف مايدفعه غيري من الجنسيات الاخرى !
في مصر على سبيل المثال
تروح لأي معلم سياحي , لك سعر وللمصري سعر
اذكر رحت للهرم قبل سنوات
دفع المصري معي 2 جنيه , ونا والله دفعوني 20 جنيه !!
تذاكر رسمية من السياحة !!
والفندق نفس الشيء
المصري له سعر , والخواجه له سعر , والخليجي له سعر !
طبعاً اعلى سعر للخوالقه !!
سئلت موظف الرسيبشن بإستغراب عن الفرق
قال دول يابيه حجزهم من زمان
حجزت مثلهم وبوقت كافي وطلع الفرق بالسعر نفسه !
اذا طلبت لو كاسة عصير , جلس يلف ويدور حولك ساعة !
كله علشان يدوًر البخشيش
بينما يستحيل ان يطلبه ولو تلميحاً او بالايحاء من الخواجة !
قبل شوي طلبت غدا من احد المطاعم من خارج الفندق
جابوه والفاتورة بعملتهم 590 مايعادل 80 ريال تقريباً
المفروض يجيب معه صرف 410
لقيته جايب 300 والباقي فراطة !
ليش ؟ مسوي فيها ذكي
لأنه لو جاب 410 باخذ الاربعمية وبخلي له العشرة
لكن طويل العمر مايبي العشرة ! يبي اكثر !
عناد خذيتها كلها
لأن الفندق بالاصل ماخذ 10% على الطلب الخارجي
لذلك يا سعودي يامحترم
لاتدفع بخشيش , وان دفعت فلا تدفع اكثر من غيرك
لأنك تورط باقي اخوانك
وتطمع فيهم كل الناس بكل الدول
اقولها ونا والله قادر بفضل الله ان ادفع بدل العشرة 100
لكنني اكره ان اكون مغفلاً وساذجاً ومضحوك علي
إن كانت احوالك زينة , ففقراء بلدك احوج وفيهم الاجر , لأنهم اولى من غيرهم
المواضيع المتشابهه 
السعودي وين ماراح ماكول مذموم ! 
العرض الشجري
