منتديات شمس الحب - فزعتكم يالربع عن جمس سوبربان بعض المشاكل

السلام عليكم ورحمة الله وبركاته

صباح // مساء الخير للجميع

ولله الحمد طلعت
سوبربان
lt
2012
بتاريخ 3/11/1433هـ

من معرض والمعرض مطلعها من وكالة العيسى

طلعت الموتر وكاله

وسافرت عليه المدينه

وطلع لي

رجه في السياره اذا تعديت 120
حذفه يمين

تهريب في الرديتر

رجعت الرياض

وقد مشيت عليه 2900 كيلو

ووديته الجميح واستقبل السياره وصلح الاعطال

الا الكفر رفض يقول ارجع للعيسى رحت للعيسى الي في مخرج 25 رفض و قالو روح الي في الشمال مخرج 4 رحت قال الضمان انشال من عندنا مالنا دخل

قلت اكلم راعي المعرض وللاسف ما حصلت تجاوب غير روح الوكاله

طبعا الجمس تم شرائه المعرض من عند العيسى من 7 شهوور تقريباً طبعا المعرض هو الي علمني طلعه من الجهاز وانا سئلت راعي المعرض هل هو جديد او من زمان واقف قال جديد

رجعت للجميح وماقصروا قالو قير مكينه غيره اصلحه الا الكفر لانه فيه مشكله يا من المعرض او العيسى ومنها سووو تخزين او تحبيل

وش رايكم وش السواه

هو باقي الوكاله العيسى الي في شارع الجامعه طبعاً ردهم راح يكون زي فروووعهم الباقي

وش السوووووواه فزعتكم مطلع سياره وبملغ وقدره ويطلع لي كذا

الضحيه في الاول والاخير المواطن :hawamer4412

..