............... ودي أغرد ..............
ياقلب غرد .. وإنثر منك الحنين
على زمان مضى .. مع مضي السنين
ياقلبي العاشق .. زاد مني الأنـيـن
وعقلي إستخف .. بعد العقل الرزين
................ لا تسكتوني ...............
خلوني أسطر أبياتي .. وبشعري أهذري
خلوا اللي يدري يدري .. وغيره ما يدري
......... أحس إني عايش وماني عايش ........
البلا اللي مشاعره .. دوم متهيجه
ومن الجنون المجنون .. غير منهجه
يتمنى مع عنوده .. لو لحظه يسرجه
وأصبح عايش مع الناس .. بس بهرجه
............... أخاف يفوت الفوت ............
قلبي إنكشف .. وأصبح اليوم مفتوح
وحالي على الملأ .. صار مفضوح
أبي العالم يقرأ .. حرفي المجروح
أبي الكون يسمع .. صوتي المبحوح
أبي أبكي .. أبي أصرخ وأنوح
أخاف قبل نوحي .. تروح الروح
................... تعبت أعاني ..................
شوكة ورا شوكة .. صارت حياتي أشواك
كل ما مشيت ردتني الدنيا .. عَوِد وراك
........... البلا إني عرفت نهايتي من سنين طويله ...........
من شفتها عرفت .. إني إنتهيت
راحت أيام الونس .. والسلتحه
ستة عشر عام(ن) .. فيها شقيت
خضت فيها الحروب .. وكتبت الملحمه
........ في النهار ألتهي وأسج .. لكن إذا جن الليل .........
الغريب إني إذا أحد سلم .. أرد السلام
أصحى الصباح .. وأعيش عيشة زماني
مثلي مثل الناس .. بالضبط وبالتمام
لكن في الليل .. غير في كل المعاني
........ تعبت من الخساير .. وفقد الحبايب .........
خسرت أغلى الناس .. من صغري
ونسيت شكل الضحك .. في كبري
تعبت أشكي على الصبر .. صبري
وعشت ما بين زقارتي .. وخمري
تقول الناس وش فيه .؟. محد يدري
.............. تعبت من حمل الهموم ...............
حملت الهم من صغري .. وساعدي مبتور
العشق ذنبي .. والزمن علي داير يدور
دار الزمان وصاحبك .. ياصاحبي مغدور
عم الظلام الكون وتاه .. في عتامه النور
......... وش الحل .؟. وين أروح .؟. وش أسوي .؟..........
على كتوفي هــم .. وحزن وحنين
وفي صدري شوق .. لعشق دفين
بالله قولوا لي .. أروح وين ..؟؟..
.......... لكن هذي الدنيا .. وهذي قوانينها .........
بين البعد .. وحب الإقتراب
أكوان وعوالم .. صارت خراب
الأمل بعيونها .. مثل السراب
ياويل قلبي .. يا فأل الغراب
.............. ليتني ما أنولدت .. ليتني ما عقلت .............
ليتني ما كتبت .. ولا عرفت شكل الحروف
ليتني ما إنولدت .. ليتني ذاك الخروف
المواضيع المتشابهه 
.. أشجان ثائرة .. وأبيات من الذاكرة .. 
العرض الشجري
