إنكفت علي دون ان يسلم ووجهه بارد وفكره شارد ووضعه مش ولا بد قلت / انت وراك ماتسلم ؟ قال /ياخي سلمت ! قلت / لا ما سلمت! قال / يا خي ما أبغى أسلم :hawamer1912 قلت / عساك لا سلمت:hawamer6512
قمت من عنده مغاضبا وذهبت أسوي شاي وأستعرضت شريط ذكرياتي مع هذا الخبل ووش جاه مني !
أتيته مكشرا احمل الشاي وجلست وأنا أسأل نفسي / أصب له شاي ولا أطنشه ؟ شفت دمعه في عينيه تقول لي لا تقسى عليه حزنت و صبيت الشاي ليه :hawamer5312
قلت له / أنت مضروب ؟ قال/ ياليت قلت /هل تعرضت لإغتصاب مثلا قال / يابو سعد ترى اللي فيني كافيني قلت / وش اللي فيك فضفض نحن بإستراحه وعلى طراحه وكلن يشكي جراحه براحه:hawamer4112 قال / أمي تبغى تتزوج ! قلت / أخذوا عقلك أنت وأمك! تتزوج مين ؟ قال / تبغى تتزوج مصري نصاب طمعان في فلوسها وحالفه علي إني أقابله لجل يخطبها مني
قلت له / قابله وأعطيه كفين وريح نفسك قال / ما أقدر أمي تـحوووبُه قلت له / وانت تارك أمك السنين هذه كلها وينك عنها؟ قال / امي عندها مؤسسه ومدري كيف لف عليها هذا اللص قلت له / واللي يخارجك من هذا اللص وش تعطيه ؟ قال / أبوووووسُه قلت / والله انك مثل أمك كل شغلكم أحوووبُه وأبوووسُه
أخذت عنوان الشركه اللي يشتغل فيها المصري وأوصافه وأتصلت عليه تلفونيا وقلت له أنا / عماد إبن أم عماد وراح اجيك وفرح المصري ورحب بي ترحيب شديد
حصلت هذه القصه وأنا في العشرينات من عمري وكنت حينها أعاني من اللقافه ولا زال بي شئ منها دخلت على المصري في مكتب به لفيف من الموضفين المصرين والسودانين وواحد مدري وش جنسيته وبمجرد أن دخلت المكتب وقلت / السلام عليكم صاح المصري /عماد أهلا يا عماد سألته بغباء / وش دراك ؟
قال / لا إله إلا الله ! الخالق الناطق الست الوالده:hawamer4112:hawamer4112:hawamer4112 الله يأخذ عمرك وعمر عماد وأم عماد اول مره في حياتي أتمنى إن الأرض تبلعني
وزاد الطين بله يوم قال أعرفكم على عمي الاستاد / عماد :hawamer4412 وصاروا يقولون لي مبروك وانا اقول الله يبارك فيكم وفي نفسي أقول الله يلعن والدي..
المصري ذا إسمه معتز وطوله طول عنز وجااااعص ومغرور بقوه ودبل كبدي من كثر ما يمدح نفسه وانا اجامل وأتبسم
وخرجنا من الشركه وهو شابك يده في يدي ويحدثني عن امجاده الوهميه
وركبت معه في البيجو وتوجهنا لكازينو في البحر إسمه كازينو عنبر وجلسنا وهوما غير يـبربر قلت له / أطلب لك شيشه ؟ قال / أعوذ بالله البلاوي دي أنا مابـخُدهاش قلت له / أنا بخُدهاش وطلبت لي حجر :hawamer6312
ومدري وش اللي نزل علي وتشجعت وقلت له/ اسمع يا أستاد معتز إحنا بنشتري راجل .. قاطعني وقال /وأنا أوعدك... عصبت وقلت/ يامسلم اسمعني ولا تقاطعني ! إحنا ما تهمنا الفلوس لكن فيه شرط ابغاك توافق عليه وتوقع عليه ؟ قال مبتسما / انا موافق من غير ما أسمعه قلت / لا لازم تسمعه :hawamer1912 قال / إتفضل يا أستاد عماد قلت له / انا والدي الله يرحمه كان قاسي وكان يضرب أمي بإستمرار.. عصب المصري وقال / ويضربها لييييه ! قلت له / إسكت خليني أكمل ولا حاسيبك وأمشي :hawamer6512 قال مبتسما/ اتفضل يا أستاد عماد قلت / وبعد ما توفى والدي أصابتها عقده من الرجال وصرنا نعالجها في شهار وتزوجت واحد صياد لكنه طلقها بعد شهر !:hawamer3312 قال متعجبا / والصياد طلقها ليه ؟ قلت / لإنه استيقظ من النوم ذات يوم ووجدها فوق راسه تحمل قدر ماء مغلي وتريد ان تسكبه فوق راسه بعد ان تخيل لها انه والدي :hawamer0012 قال / ياساتر يارب الكلام ده ما يدخلش الدماغ !هيه عمرها ما كلمتني عن حاقه زي كده قلت / يا معتز ما في مريض يعترف بمرضه بس احب أطمنك أمي تحسنت حالتها كثير لكن حتى أخلي مسؤوليتي امام الله وأمام الحكومه لازم توقع لي بأنك عارف الشئ هذا :hawamer3912
نظر المصري يمين ويسار وصاح للهندي وقال / نزل لي شيشه يابني قمت من عنده متظاهرا بالذهاب لاحضار ورقه وشهود وأخذت انظر له من بعيد وأضحك وكل ما بغيت أقبل عليه رجعت لإخفي الضحكه
وفجأه طمر المصري من مكانه وتوجه لسيارته وركبها وحط رجله دون ان يحاسب او يرجعني لسيارتي دقيت عليه ولم يرد
وأرسلت له رساله / تعال حاسب يامدهول ورد علي / عاوز تقوزني ريه اخت سكينه.. وعاوزني أمضي كمان ياخي إنتوا عالم مفتريه بشكل وخربت القوازه:hawamer3912
عجبتكم القصه تراها من وحي الخيال :hawamer3912 وعاد عيدكم
أحــــــــــــرج موقـــــــــــف فـــــــي حيـــاتـــــــــي يـــــا حيـــاتــــــــي 
العرض الشجري
