فلقت .. جارنا صباح العيد
 

-

موقف أني أكون طيار وحلم ايام الثانوي أثبت ان القدر اختارلي اكون اداري
وهوو خير أختيار
http://www.hawamer.com/vb/images/icons/icon10.gif

كنت جالس مع اعيال اختي الصغار قبل ليله العيد
وكان واحد فيهم يقولي ياخالي أمي تقولي انك كنت حلمك طيار
قلت ايه طيار وأعانق السحاب لكن ماجت
فقالي : خالي تعرف تسوق الطيارات والهلكوبتير
قلت : هذي مااسوقها هذي اخليها تلعب وتتشقلب فوق السحاب

وولد اختي انبهر ان خاله يمتلك هذي المواهب ولازال جالس معهم http://www.hawamer.com/vb/images/icons/icon10.gif
ونفخت صدري وقلت شفت الطيارات الكبار الي تشوفها هذي قال ايه
قلت من اسهل القيادات ... ولولد انبسط من خاله جدا جدا حسيت
انه يقول هذا الخال ولا بلاش ..http://www.hawamer.com/vb/images/icons/icon10.gif

صباح العيد
صحيت وحصلتهم وسلمت عليهم وبعد مارجعنا من الصلاه والي يذبح
والي يصلخ وجارنا العزيز من الصباح اشوفه يضبط عدته الشقردي http://www.hawamer.com/vb/images/icons/icon10.gif


والمفاجاهـ ولد اختي جايب لعبه هيلكوبتر لاسلكية وقالي خالي ابيك
تطيرها وتوري امي عشان تخليني زيك حسيت اني توهقت لكن لازال
فيني طموح قلت حطها بنص الحوش وحاول تشوف فيه هواء ولا لا
لان الهواء يخرب القياده ولولد مبسوط ...

قالي مافيه هواء قلت جب لي كرسي عشان اقدر اتحكم فيها
وجابلي كرسي والولد وخواني يصلخون ولازلت اجرب وشوف
وللأمانه اول مره استخدمها لكن قلت شكلها حقت بزران وسهله

وحان وقلت الاقلاع خليتها تقلع ويوم اقلعت وراحت تقريباا كم متر فوق
حاولت اخليها تلف ماقدرت ولا عرفت كيف اساسا ً انزلها وولد اختي يقول
يمه شوفي خالي طيرها وحاولت اتحكم فيها وبيها تنزل ماقدرت
ويوم شفت الهيلكوبتر دحدرت ع الجيران وهي فوق طفيت اللاسلكي
قلت يمكن تنزل لو طفيته مادريت الا وهي جايه مجاوبه على راسها
على الجيران وهقوتي خبطت راسة مدري ظهره جارنا وهو يصلخ ماسمعت منه الا
لاابو ابو ابو الي جابها لكم والولد يقول خالي وراها نزلت زي الصاروخ
قلت هي بتجيك لكن خلل تقني وهجيت وشوي الا جارنا يطق الباب وجايب
اللعبه بدون مراوح كسرها وطلع جارنا زعلان

بعدها جاء وقت الغداء وقلت لازم نناديه ويوم جاء هو وعياله ويقول
هالالعاب خطره لاتجبونها لصغار قال ابوي بزارين ومادريت الا ولد اختي
جايني بالمجلس وجايبها معه بدون مراوح ويقولي خالي انت ماتعرف تلعبها
طيرتها ورجعت لي بدون مراوح جب لي جديده وشوف جارنا يناظرني بعين وبتسم
له وقمت اخبص بالجوال وبتسم لي بعد طول تكشيره http://www.hawamer.com/vb/images/icons/icon10.gif



الزبده ان الطموح اذا ماأنكتب لك فهو خير لك :hawamer3912