السلام عليكم
اخواني الاعزاء في هذه السطور اقص عليكم ماحدث لي في التوكيلات العالمية للسيارات وكيل جي ام سي وشيفروليه ووالله ان مااسرده هنا هو الحقيقه
قبل رمضان بايام قليله نويت اشتري سيارة من التوكيلات وفعلا ذهبت لهم واخذت فكره عن السيارات وعن الاسعار وفعلا شريت السيارة وفي نفس اليوم الي شريت السياره فيه اظطريت للسفر فتركت السياره في القراج عندي في البيت وسافرت يعني ماامداني اغسل السياره او حتى امشي فيها اكثر من 30 كم وقلت لاحقين بعد ماارجع وفعلا بعد حوالي اسبوع رجعت وطلعت في السياره وغسلتها وبعد فتره يمكن حوالي 10 ايام وكنت حتى لحظتها مشيت بالسياره حوالي 1300 كم مريت مغسله وغسلت السياره ولاحظت ان احد الابواب فيه اختلاف في اللون ولما تمعنت اكثر وجدت الكارثه الباب (مرشوش بويه ) لاني وجدت اثار بويه في بعض الجلد السفليه في الباب على طول رحت للوكاله ورحت لمدير المعرض وقلت له على الموضوع طبعا قال انت اكيد غلطان السياره جديده ومستحيل يكون فيها شي قلت طيب اطلع معي شوف السياره بنفسك وفعلا خرج ولما شافها قال ياشيخ حرام عليك هذا شي بسيط يمكن يكون عيب مصنعي قلت طيب انا وش ذنبي قال مالك هم(( بنعيد لك رش الباب)) وطبعا يقولها بكل بساااااطه وكان مافيه اي شي انا قلت ياخي ماهو معقول تعطوني سياره جديده ويطلع فيها رش وبعد اقل من شهر ترجعون تصلحون خطاكم بخطا اكبر انا مالي ذنب اني ادفع مبلغ وقدره وفي الاخير تطلع الساره مرشوشه طبعا ماطلعت منه لابحق ولا بشي قال ماعندي غير هالحل تبي اهلا وسهلا ماتبي روح اشتك طبعا ماكذبت خبر ورحت سالت واحد في وزارة التجاره وعطيته الموضوع كامل قالي حتى لوشكيت مابتاخذا شي غير انهم برسلون امر للشركه بانهم يغيرون لك باب جديد ويرشونه اما غير كذا ماانت ماخذ شي وتراها صارت لغيرك ولاطالوا شي
طبعا بعد هالكلام الي يشرح الخاطر اظطريت ارجع للوكاله وبعد النقاش والصياح طلعنا للمدير الاقليمي وهو بدوره عطاني حل ثاني قالي طيب اش رايك نفك لك باب من سياره جديده قدام عينك ونركبه لك وبابك بنركبه في السياره الثانيه طبعا انا وافقت لان هذا افضل الحلول رحنا للمستودع ومالقيت نفس اللون قالوا فيه دفعه بتجي بعد 9 ايام واول ماتوصل بنكلمك وتجي نركب لك الباب في خلال ساعه يكون جاهز
المهم اني في فتره الانتظار هذي سافرت لمدينه جده وهناك رحت لوكاله الجميح وقلت لهم ان السياره هذي ابي اشتريها من واحد وابي اعرف اذا كان فيها صدوم او رش بويه وفعلا دخلت الصيانه وفحصوها وفي الاخير قالوا فيه عندك رش وهو كالتالي الباب حق الراكب والباب الخلفي الايمن (الي كان موضوع المشكله من قبل والي هو اكثر شي واضح فيه المشكله ) وكذلك الرفرف الخلفي الايمن وطلبت تقرير بالشي وفعلا حصلت على التقرير ورجعت وسالت الشخص الي في وزارة التجارة قالي طالما ان مافيه شي يثبت حادث ماراح يغيرون لك وطبعا الي عندي ماهو حادث لكن رش بويه رحت للوكاله وعطيتهم التقرير حق الجميح قالوا الي لك عندنا نغير لك الباب الخلفي لانه هو الي واضح اما غير كذا ماعندنا وقالوا لي مره ثانيه رح اشتكنا في التجاره طبعا هم يقولون هالشي لانهم واثقين ان التجاره مابتسوي لهم شي وعلى فكره انا سالت مدير الصيانه عن الرش الي في سيارتي قالي بالنسبه لسيارتك ماانرشت عندنا في فرعنا يمكن تكون انرشت في مكان ثاني قبل ماتجي لنا وقالي تراها تحصل دايما سواء عندنا في الفرع اوحتى في اي فرع ثاني لانه ممكن حد من العمال يحك بالسياره اثناء التحميل او التنزيل وحالتك فيه زيها كثييييير يعني بين كل 100 سياره تلاقي وحده فيها رش اوترقيع
طبعا بعد هالمشكله رحت بعت السياره بخساره اكثر من 10 الاف وسبب عرضي لهالموضوع هنا هو حرصي انه مايحصل لحد ثاني غيري انتبهوا يااخوان حتى لوكنت شاري السياره من الوكاله لازم تدقق في اصغر الامور لانهم اكثر من ينصب على الناس .
السياره هي يوكون 2007
الشركة هي التوكيلات العالميه للسارات فرع ابها

منقول من
http://www.assayyarat.com/forums/thread114033.html

الموضوع الأصلي: بيع سيارات مصدومة لدى وكالات السيارات للمواطنيين على انها جديدة بعد سمكرتها انتبهو || الكاتب: بقايا عشق || المصدر: منتديات

المصدر: منتديات شمس الحب - من قسم: سلة المحذوفات والمواضيع المكررة