منتديات شمس الحب - طلب المشوره يا شباب

أفكر بالهجره لكندا تسلم عليكم وتقولكم الملاذ الأمن عندنا

5 سنوات فقط للحصول على الجنسيه سبحان الله تجيك فرص بحياتك وما تستغلها

واحد من الشباب الله يذكره بالخير قبل 6 سنوات قالي بتخاويني بهاجر كندا وبشتغل

هناك أي شغله لو أفتح لي شي أطقطق فيه جلست أضحك عليه قلت الظاهر أنهيار

الأسهم أثر فيك وطق بعقلك قال أوك المهم حصلته بعد أسبوعين بالأستراحه

وجلس معنا يطقطق له ساعه قال تبون شي قلنا على وين قال مشوار قريب أحد

بيوصلني ولا أخذ تكسي ترى مطار الملك خالد قريب نط واحد من الشباب قال ليش

ما قلتلي بخاويك بس اي دوله قال انا مهاجر ومطول المهم ضحكوا عليه الشباب وانا

ضحكت عليه للمره الثانيه الرجال سافر وأنقطعت أخباره وأنا داخل الأستراحه قبل

أمس طربان الا أشوف الرجال قدامي وبعد التمطيخ وأخذنا علومه الرجال أخذ

الجنسيه الكنديه واخذ له شقراويه كنديه

والرجال مبسوط ومرتاح وعرض علي قال تبي الجنسيه تعال عندي 5 سنوات

وتحصل عليها وعشعشت في راسي الصراحه شرايكم