في يوم الاثنين الموافق 1440/8/10 هـ قابلت صاحبي أبو راشد وهو يذكر لي قصة جميله يقول قديما في احدى قُرى نجد كان يعيش شاب اسمه عايش ، وكان يُحب فتاة اسمها نورة ذهب عايش يخطب نوره ولكن والدها رفض لأن عايش كان فقيراً ما يملك شيء فقرر إنه يروح يدور الرزق عشان يجيب مهر نورة وكلم أبوها قال : ما يخالف ، سافر عايش وصار يشتغل في التجاره ومرت الأيام والسنين وصار عنده مال ورجع لقريته عشان يطلب يد نوره من جديد ويتزوجها ولكن لما رجع القريه تفاجأ بأولاد القرية الذين يعرفون بحب عايش لنورة يقولون له نوره تزوجت لان أبوها اصر عليها انها تتزوج وكان عندهم البنت لازم تتزوج اذا جاها الرجل المقتدر . وتفاجأ ايضا انها سافرت الى مكان ثاني مع زوجها ولا احد من القريه يعرف مكانها . قرر يسافر ويدور على نوره . وكل ما مر على قريه راح وسلم على أمير القريه وقاله أنا عندي لغز واللي يجاوب عليه بعطيه كل مالي قال الأمير وش اللغز قال ( أبنشدك عن نور القمر وشلون نوره ؟) أحد الجالسين قال ابيض والثاني قال : أصفر وكلها غلط وما أحد عرف حل اللغز . فسافر الى قريه أخرى وطرح عليهم نفس اللغز ولا أحد عرف الجواب حتى وصل للقرية التي فيها نورة سلم على أميرها وقال عندي لغز واللي يعرف يحله بعطيه كل حلالي قالهم ( أبنشدك عن نور القمر وشلون نوره ؟) ولا أحد عرف الجواب قال لهم اللي يعرف الجواب يقوله لي الصبح وكان من بين الحضور زوج نوره رجع للبيت وقالها : نوره !! قالت له : سم ؟ قال : جانا الليله واحد خبل يقول عندي لغز واللي يحله بعطيه مالي وحلالي كله, فقالت له : قول اللغز يمكن أحله قالها ( أبنشدك عن نور القمر وشلون نوره ؟) تبسمت نوره وقالت له : عرفت الجواب قال لها : صدق ؟ قالت نعم لكن بشرط ان طلع صحيح طلقني وتأخذ المال استغرب زوج نوره كلامها راح يستفسر منها وعلمته بالقصه ان ما خاب ظنها ان هذا الرجل خطيبها الأول اسمه عايش : قالت قوله ( مثل السمك في البحر وشلون عايش ؟) وفي الصباح ذهب لبيت الأمير وقاله : أنا عرفت الجواب قال عايش وش الجواب قاله ( مثل السمك في البحر وشلون عايش ؟) فبتسم عايش وقاله هذا مالي وحلالي وسلم لي على نورة عرف الرجل ان عايش كان يحب نوره فطلقها شـِيمة له وكرماً منه وأعطاه عايش المال بعد أن رفضه في البداية . رجعت نورة لوالدها وتزوجت بعد ذلك بعايش . وقد وجدت رواية أخرى تقول انه لم يتزوجها وهي من القصص اللطيفة بغض النظر عن صحتها واختلاف نهايتها ودمتم بخير .
المواضيع المتشابهه 
أبنشدك عن نور القمر وش لون نوره ؟ 
العرض الشجري
