منتديات شمس الحب - المواقـف تشخـل النـاس والطيّـب يبـيـن = كل عام يطيـح تسعـه ويصفـا لـي وحيـد

غاسل ٍ كفي من مصافحـة بعـض اليديـن

وقافـل ٍ بوجيـه اهلهـا صناديـق البـريـد

وشايف ٍشي ٍ لي اعـوام مالـي فيـه عيـن

وقاطـع ٍ خيـط الهقـاوي بسكيـن الوكـيـد

وخالص ٍ من طيـب ظـن ٍ موهقنـي سنيـن

وظاهر لي عقب عرف العـرب عقـل ٍ جديـد

وطايح ٍ من عيني ارجال عنـدي كـان ويـن

وحاقـر ٍ منهـو يقيـس الاوادم بالرصـيـد

ومحتمي ٍ من غدر الاصحاب في حصن ٍ حصين

ولابس ٍ لرماح الاقـراب ثـوب ٍ مـن حديـد

وماضي ٍ مني علـى اللـي تمشينـي يميـن

ما تجي منهو قريـب ٍوالـى احتجتـه بعيـد

المواقـف تشخـل النـاس والطيّـب يبـيـن

كل عام يطيـح تسعـه ويصفـا لـي وحيـد

اشهد ان خيـر المـدارس تجـارب الاوليـن

واشهد ان راي التجارب هو الـراي السديـد

واشهد انـي للبـلاوي علـى الدنيـا مديـن

كل مـاراجعـت نفسـي طلعـت المستفيـد

محمد بن فطيس