تزعل وأراضيك وأتلذذ بتزعيلك
تبي الصراحة انا مجنون زعلاتك
لاقمت تبعد وأنا اقـــرب وأدنــيلك
وأمسك طرف غترتي وأمش دمعاتك
وتبدي تعاتب وأنا كـــلي انتباهــيلك
مانيب يمك انا عيني على شـــفاتـك
وتــعيد حـــكيـك وتفرك حيل منديلك
وتخالطت صادق حـــروفك بونــاتك
واحاول اراضيك مادري مــنين ابديلك
وأحــتار واذكــرك في بـــعض زلاتك
واسمـــعك ماكـــتبــته بك واغنـــيلك
طاروقــــك اللي تحبة واكــسر سكاتك
واستسمحك واعذرك واسمعك واشكيلك
واتلهـــف لبســمتــك وارد ضحكاتـــك
يسرقني الوقت ولا يــمديني احكــيلك
كــلامـــي اللي تحفـــظتة لـــشوفاتــك
وقت الوعـــد فــات وعيوني تراعيلك
واقفــيت واشــغلت قــلبي بـــلتفاتاتك
عيني على خطوتك والقــلب يدعيلــك
الله يحفــظك من الحاســد وشــماتك
تزعل واراضــــيك واتلذذ بـــتزعيلك
تبي الصراحه انا اعشق كل حـــالاتك..
للشاعر : حمد السعيد
تستطيع المشاركة هنا والرد على الموضوع ومشاركة رأيك عبر حسابك في الفيس بوك
::j.ug ,hvhqd;::
::تزعل واراضيك:: 
العرض الشجري
