الســـــلام عليكـــم ورحمـــة الله وبركاتـــة
قصيدة
ثنتين و
ثنتين للشاعر محمد الصاعدي
تتكون من اثنين وعشرين بيتاً يتضمن كل بيت
منها على حكمة
22 حكمة في 22 بيت
ثنين ترفعك وتعزك مع الناس
خوفك من الله وإحترام المبادي
وثنتين للطيب مع العز نوماس
المجلس الواسع و نفع المنادي
وثنتين تشرح خاطر اللي به عماس
كيف الدلال وسجة بالبرادي
وثنتين تطرب صادي النفس والراس
شعر الجزاله والطيور الشوادي
وثنتين ما يلحق مداهن بقرطاس
مد الجميل و فزعة بالودادي
وثنتين تتعب كل وافي وحساس
صد الولايف وإنتظار البعادي
وثنتين في الصاحب له الود مقياس
ونيس درب وفازع في الجلادي
وثنتين ما يسبح بهن كل غطاس
تجاهل الزله و كبح الزنادي
وثنتين فيهن صايب العرق دساس
طيب و ردى وقت السعه والهدادي
وثنتين من طبع الهلايم والأنجاس
بغض القريب و ذلة للمعادي
وثنتين لا كثرن على البال وسواس
حرف النوايا وإنتهاج النكادي
وثنتين ما يمشي بهن كود بلاس
مشي النميمه وإغتراض الحسادي
وثنتين ما منهن سوى ذل وإفلاس
طرد المقفي و إرتجا كل غادي
وثنتين تحرمك المراجل و الأنفاس
هيل الظلام و كثرةٍ فالرقادي
وثنتين من يمشي بهن صدق ينداس
حقر الرجال و كشف ستر الغيادي
وثنتين ما وقفت على فعل جساس
عز القصير وضرب بيض الهنادي
وثنتين لا كيس جلبهن ولا كاس
أصلٍ و مربا للحضر والبوادي
وثنتين لا تاخذ بهن وأنت في باس
حكمة ضعيف و راي لاش يهادي
وثنتين صاليهن على الكبد محماس
ظلم القريب و صاحب لك يعادي
وثنتين لا يدري بهن منك عساس
سر خطير و ماضي به كسادي
وثنتين مامنهن ولو طولن ياس
رحمة رحيم وكشف غم و سوادي
وثنتين كل إنسان فيهن حطب فاس
ضعف بعد قوه ونوم اللحادي
الشاعر :
محمـد الصاعـــدي
تستطيع المشاركة هنا والرد على الموضوع ومشاركة رأيك عبر حسابك في الفيس بوك
ekjdk ,ekjdk >>> uk]lh j[vd hgp;lm ugn gshk hgahuv
المواضيع المتشابهه 
ثنتين وثنتين ... عندما تجري الحكمة على لسان الشاعر 
العرض الشجري
