ايضا اعطته مساحه من العمل حيث يمكنه فتح شركتين موازيه لشركته الحاليه من قيمة الاكتتاب
ربما الان هو يقوم بأعماله بشركات اخرى ولكن ماذنبه بما يحدث اغلب المساهمين يريدون الارباح الوقتيه ولا يتم حضور أي جمعيه عموميه ولايعلمون عن أي شيء في الشركه
الشركه تسرق بشكل واضح وفاضح من قبل بعض المسؤولين فيها
مثال انا موظف بالشركه في السبعه شهور الماضيه المباحث ومسؤولين ارامكو والشرطه رايحه جايه كل يوم عندنا ويسحبون ناس لتحقيق ويراقبون ناس بالشركه ويدققون بالحسابات اغلب موظفين الشركه لايعرفون مناطق عملهم ومع ذلك الراتب ماشي اغلبهم من منطقة القطيف يستلمون الراتب ومايداومون كل ماعليك فعله بالشركه هو اعطى أي مسؤول ( هندي , فلبيني , بنقالي ) بطاقة شحن ويقوم بالتوقيع عنك لكامل الشهر خسارتك ببطاقات الشحن لاتتجاوز 500 ريال وينزل راتب 5500 ريال وإذا زودت قيمة الشحن يقوم المسؤول الاجنبي بزيادة ساعات العمل لكسب 1000 او 3000 ريال كل شهر اضافه على راتبك
المعدات بالشركه تسرق بالليل والنهار وتباع كقطع من الحديد او على تشليح ا واو ا واو او ارامكو تبحث عن السعوده مع جميع المقاولين بعض مسؤولين الشركه يبحث عن السرقه بدلا من ترتيب وتوزيع الموظفين بالشركه
تقوم شركة المعجل بأستئجار شركه كامله للعمل معها لانجاز اعمالها انا كنت مراقب لبعض الشركات المساعده ,, والله ماكانوا يشتغلون جالسين إلين يشوفون مسؤول ويقوومون يغبرووون على ملابسهم ( يعننا متبهذلين بالشغل ) ويعطون ساعات عمل اضافيه كمكافأه على الغبار المرشوش على ملابسهم
شركه متهالكه بما تعني الكلمه
رواتبنا اخر 3 شهور مانزلوها لنا (( تروني اطلبكم يامساهمين المعجل ,, واحد منكم يسددني )) ومع ذلك لازالت الشركه تعلن عن وظائف شاغره بالشركه
زبدة الكلام الشركه تسرق بالملائيين من اهل القطيف خاصه ,, ليس اتهام ولكن هذا ما اراه
كل ماتمشيت بالشركه نفس العماله الاجنبيه (( هنديه ,, فلبينيه ,, بنقاليه )) يسولفون معي ويقولون شفت المسؤول فلان ( طبعا مسؤول صغير ويكون يمشي قدامي ) يقوولون هذا سرق كذا مليون وفلان اخذ كذا مليون والمسؤول االاخر فلان اخذ 20 مليون
حتى اني تفاجأت ان مسوؤل لبناني كان هو المسؤول علينا بمشروع الرياض تفاجأت بعد نقلي لمشروع منيفه بين الجبيل والخفجي بالموظفين هناك يقولون ان المسؤول اللي كان علينا اللبناني سرق 24 مليون وسافر للبنان ولم يرجع ولم يرضى بالرجوع المشكله يقولون نفس الشركه اتصلت عليه واعطوه الامان وقالوا بس ارجع مانبي شيء ,, بس نبي تعدل اوضاع الشركه
قمة المسخره
هذا المسؤول اللبناني كان يرفض أي اجازه اطلبها منه ,,, ويقول لازم تداوم
شيء مضحك بالشركه تخيلوا اللي يغيب بالشركه مايخصمون عليه لكن اللي يجيب عذر للغياب ويعطيه الاداره بعض المرات يخصمون وبعض المرات يمشونها على حسب العذر والسبب اني إذا غبت مايدرون اصلا ,, وإثاريني اكشف نفسي بالعذر اللي جايبه
عموما انا الان لازلت موجود بالشركه كا أسم ولكني ما اداوم وبيني وبين الشركه 1000 كيلو الاسبوعين الجايات بروح اقدم استقالتي عشان ادور لي وظيفه ثانيه
لي ثلاث شهور ما اعطوني الراتب ,,, ماعليكم ياملاك المعجل ماراح اشكيكم وابي اساعدكم صحيح محتاج هالرواتب بس بسامحكم هالمره وياويلكم لو تكررووونها مره ثانيه مع احد غيري
عموما الشركه كبيره وقويه ,,, لو يفتكون من الحراميه اللي داخل الشركه كعمل وعمال معدات والله متواجد كل شيء ينقصهم الاداره والامانه والقوه بالعمل والثلاث الاشياء مفقوده ادوات النجاح موجوده ولكن من يدير هذه الادوات
اللي عنده اسهم كثيره وحاب يدخل على الشركه والله مستعد اني امشي معه للاداره واعطيه كل شيء شفته بالنسبه لي اشوف ان الشركه ناقصه 10 رجال اصحاب خبره وامانه ومبلغ 200 مليون وستعود المعجل نفس المعجل ايام زمان وارابح قد تتجاوز 500 مليون سنويا كحد ادنى
والله الموفق
اقتباس:
المشاركة الأصلية كتبت بواسطة شاااامخ (المشاركة 18708190) اضافه بسيطه ايضا
عندما كنت بالرياض
مات 3 عمال بالسكن خلال شهر واحد
الموت شيء طبيعي
ولكن الغير طبيعي دخول المباحث بعد كل موت على الاداره والتحقيق مع المسؤولين سعوديين واجانب
يقال انه تمت تصفيتهم من اطراف بالشركه
والسبب معلومات يملكونها
,,,,,,,,,,
طبعا انا اتكلم عن سرقات لاتقل عن 10 مليون ريال لكل سارق
كل واحد يغطي على الثاني برشوه
المرتشي بالبدايه يقبل فقط الرشوه ولكنه بالنهايه يكون هو من يرشي بسبب سرقه جديده هو بطلها هذه المره
,,,
الخساير اللي تقرونها ماهي خسائر عمل اطلاقا اطلاقا اطلاقا
الخسائر اللي تقرونها باعلان الشركه هي نتائج السرقات وليس العمل
العمل ماشي بس يبيلهم يشدون حبتين بس ,,, ولكن من يوقف السرقه بالشركه
,,,,,,,,
وصدقوني ياملاك المعجل ماراح ينفع اي اكتتاب وماراح ينفع اي قرض
كل شيء بيدخل الشركه هناك خطه لسرقته من قبل اشخاص داخل المعجل
,,,,,,,
ممكن ينفع الاكتتاب بارجاع الشركه لتداول
اما ان الاكتتاب سينفع للمستثمرين ,, للاسف اقولها ماراح ينفع
,,,,,,,
المواضيع المتشابهه 
موظف سعودي في شركة المعجل يفضح بلاوي الشركه !مطلوب تدخل الدوله والمباحث! 
العرض الشجري
