لميسـ

السلام عليكم ورحمة الله وبركاته

هذي محاورة موال لها فترة دارت بيني و
بين هامور دار الأركان أيام أعلن عن
توزيع نص ريال وطلعت الأخبار الزينه
وكما هو واضح من المحاورة أستطاع
الهامور خداعي .

عنتاب
أبدا بذكر الله وألقي سلامي
سلام مني في بداية كلامي
لقائد الأركان جل أحترامي
هذا الصحيح وقولوا اللي تقولون

هامور لك مدة تصول وتجول
وراك سهم الدار محتل لها

الهامور
الله يحيي من لفانا يسلم
مالك ومالي عن علومي تعلم
الظاهر إنك ياعميلي تحلم
هذا الصحيح وقولوا اللي تقولون

عان البواخر راسيه بالحمول
أيام رحلتنا و نعلن لها

عنتاب
دام البقا ياللي بضيفه يهلي
أنا أسألك بالله يا الحوت قلي
عطني علومك خل عنك التغلي
هذ الصحيح وقولوا اللي تقولون

جيناك نسمع رايك اللي تقول
نبغى دقاق علومك وجلها

الهامور
عندي مدير أعمال رح له وسجل
أنا معك هامور رجل مبجل
مامن علوم أخلص علينا وعجل
هذا الصحيح وقولوا اللي تقولون

خلك ثقيل ولا تجينا عجول
يبعد عن الأركان من ملها

عنتاب
هامور أنا محتار من كثر ماقيل
أحزاب ترجف فيه وأحزاب تطبيل
أنشد عن علوم السهم بالتفاصيل
هذا الصحيح وقولوا اللي تقولون

يا ذيب مالك نية فالنزول
دون العشر ياذيب تنزل لها

الهامور
ليه ثلاث سنين أجمع فالأركان
عند الشلاش العلم والشيخ حركان
سعر العشر يا صاحبي في خبر كان
هذا الصحيح وقولوا اللي تقولون

لو قلت غير العشر كان معقول
حدي لسعر احدعش و آتلها

عنتاب
أنا خويٍ لك تحت سعر عشره
عطني تفاصيله بموجز ونشره
منع الخوي ياذيب له حق يشره
هذا الصحيح وقولوا اللي تقولون

إحترت فيك وصبتني بالذهول
هامور سهم الدار طبل لها

الهامور
كم فرصةٍ مرت وسعره بلاشي
مالك عليه حق لو كنت كاشي
الخير مقبل فالمزون النواشي
هذا الصحيح وقولوا اللي تقولون

إسمع كلامي هرجكم لا يطول
أول هدف عشرين واصل لها

عنتاب
أخبار فالقمه عليها تصرف
ما يامن الحيتان غير المخرف
ما أنت أول اللي للحقائق يحرف
هذا الصحيح وقولوا اللي تقولون

مالي سلف ومقصده لي حول
خايف سيوف الغدر تستل لها

الهامور
أعطاك نص ريال للسهم توزيع
وتجي بعدها لي وتقول تلميع
عندي هدف من سعره اليوم تجميع
هذا الصحيح وقولوا اللي تقولون

أرباح زادت عن جميع الفصول
يثبت كلامي باقي فصولها

عنتاب
وإن قيل سهم الدار غامض وحوسه
أحسن منه بسيطة بطاطس وكوسه
كم طامع فالروح ضيع فلوسه
هذا الصحيح وقولوا اللي تقولون

حاجز على الرحله معك لو تطول
لعل فيها الخير لعل لها

الهامور
من قال ياعنتاب هالسنهم غامض
قله يطوله قبل لا يقول حامض
العاطفه حملت و ولدت تناقض
هذا الصحيح وقولوا اللي تقولون

ياالله دخيلك وش جرى للعقول
دربل لشمس الظهر دربل لها

عنتاب
أقنعتني بعلومك اليوم يالحوت
واحسرتي على بخَيِّتْ ومبخوت
نصحتهم لكن من يسمع الصوت
هذا الصحيح وقولوا اللي تقولون

بعض العرب تلقاه وسط السيول
ويقول ديمه دون يفطن لها

الهامور
عنتاب يا عنتاب خل العنادي
إن جيتهم سلم عليهم ونادي
الدار يقدح نار تحت الرمادي
هذا الصحيح وقولوا اللي تقولون

المعذره منكم على ذا الفضول
كلمه بسيطه عندكم حلها

عنتاب
...

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

lph,vm auvdm fdkd ,fdk ihl,v !!!