توني جاي من تركيا وأقولكم تركيا بلد سيء وشعب أسوء ونصب واحتيال وفوقية للخليج وإليكم قصص واقعية والله على أقول شهيد ..
الرحلة كانت في 10/10/1439هـ ،
24/6/2018
بدأت مرحلة الاستفزاز عند دخولنا لمطار أتاتورك وتختيم الجوازات بدأ التدقيق على السعوديين والعوائل بالذات ويحاولون استفزازهم..
وكان قدامنا رجل وزوجته في شهر العسل راحوا مع بعض للكونتر وصرخت عليهم الموظفة بمعنى واحد واحد ، قال هذي زوجتي ، قالت تجي هي الأول وأنت بعدها ..
جت زوجته وختمت لها بسرعه وقالت لها روحي، وجاء زوجها وحولته لكونتر التحقيق ، وصرخت على البنت وقالت لا تنتظرين هنا روحي ادخلي !!
لين جاء شايب سعودي تدخل وانقذ الموقف بطريقته.
طبعاً من بين خمسة أشخاص يحولون شخص لكونتر التحقيق ويأخرونه نصف ساعة أقل شيء والدعوة مزاجية فقط ولا يوجد سبب مقنع لتحويل السعوديين فقط لكونتر التحقيق !!
وكنت أنا من ضمن الأشخاص اللي حولوني للتحقيق وبعد انتظار أكثر من نصف ساعة قرر الموظف يختم جوازي وقالي باسلوب ساخر وعرفت إن هذا سبب التأخير عطاني جوازي وقال اسمك تركي ولا سعودي !!!
بلعتها ومشيت ، وصلنا لمدخل المطار نبي نأخذ شرائح نت ولقينا شركة فودفون ونمسك سرى مع الناس الي بتطلع شرايح ونشوف الموظف يتجاهل اللي معاه جواز أخضر ويخدم الاشخاص الآخرين بسرعه أو يأخذ ثلاث أربع جوازات ويحطها على جنب ويخلص الجوازات الثانية ويخلي السعودي آخر واحد ..
وأخذنا شرايحنا بعد ساعة طبعاً بعد غضب عليهم شخص سعودي وقال ليش تأخرنا وغيرنا تخلصهم بدري.!!
أخذنا شرايحنا ورحنا للفندق وهناك تعرفنا على واحد سعودي جاي بعائلته يقول أول ماجيت تهاوشت مع إدارة الفندق يقول حجزت عن طريق بوكينق ويوم وصلت ، قال لي معليش الموظف أخطأ في كتابة المبلغ في الموقع ونعتذر منك ولازم تدفع المبلغ الصحيح ، قال لا لن أدفع ليرة واحدة زيادة ، قالوا له طيب عشان الخطأ نبي نتقاسم المبلغ بينا وبينكم ، قال لا ولا ليرة زيادة راح ادفع ، قالوا اجل الحجز يعتبر ملغي تدفع ولا مالك حجز ، السعودي طلع فاهم لحركاتهم وقال اطلب الشرطة السياحية الآن ، وراح اتواصل مع البوكنق وأخبرهم وراح أكتبه في التعليقات والتقييم ..
يوم شافوه فاهم قالوا خلاص بنعطيك إياه بالسعر اللي حجزته ، وللأسف حصلنا عوائل مشت عليهم الحركة.
طبعاً طرق التحايل والنصب عندهم كثيرة وبيخليك تدفع بإي طريقة بالطيب وإلا بالغصب ..
وبقولكم القصص التي مرت علينا حنا أو اللي مرت على السعوديين اللي هناك قابلتهم ..
طلعنا من الفندق اللي كنا فيه ونبغى نروح لمنطقة حلوه وأكثر أماناً وتطبيقاً للنصائح طلبناً من الفندق تاكسي ، أول سؤال سألنا إياه قال عرب سعودي ، إذا سألك عن هذا السؤال أعرف أنه ناوي يسرقك ، شغل العداد ومشينا وقال مكانكم اللي بتروحون له بعيد بس دقيقة بأخذ خبز وبوديه لعيالي الصغار وهم على طريقنا ، ويروح يلفلف في الحاره ويدور مخبز ويأخذ خبز ويلفلف لين وصل بيت عياله وحط الخبز عندهم ومشينا، وهذا طبعاً على حسابنا سكتنا وقلنا 15 ليرة مقبولة ، ونروح نمسك الخط رايحين لمنطقة السلطان أحمد، وكل ماشاف زحمه راح دخل حاره يقاله يبغى يتفادى الزحمه وهو نصاب عشان يزود العداد ، المره الأولى مشيناها الثانية قلنا لا تطلع عن الخط خلك في الزحمه ، المرة الثالثة تهاوشنا معه ، المرة الرابعة حاول يقنعنا إنه يبغى يتفادى الزحمه ، المشكلة هذا يعتبر تاكسي رسمي وأكثر أمان وإن نزلنا ممكن نطيح أصحاب التكاسي النصابين والتابعين للعصابات ، المهم المشوار بالعاده 80-90 ليرة أخذ علينا بالعداد 140 ليرة ، الشعب هذا لا بغى يسرقك بيسرقك بأي طريقة كانت ..
وصلنا لفندقنا والمطاعم في كل مكان ، نزلنا نتغدا دخلنا مطعم مكتوب نتحدث العربية، قلنا كويس نطيح بواحد عربي، لقينا واحد تركي مولود وعايش حياته كلها في مكة،وكلامه حجازي درجة أولى ، قلنا بس هذا اللي بيعلمنا كل شيء والزين والشين في هالديرة ، وأخذ رقمنا وتواصل معنا على الواتس، ويحرص يتواصل باستمرار أول يوم وثاني يوم ، جينا ثاني يوم نتعشاء في المطعم شوي بدأ يتشكى يقول المدير خصم علي يوم شافكم تكلموني ويوم اخذت أرقامكم ومن هالكلام ، سوينا نفسنا مافهمنا ومانفعت الحركة، راح ثم جاء بعدها بدأ يعرض علينا بنات وشراب ، قلنا مانا براعينها ، شاف مانفعت الحركة قال أنا أخلص دوام الساعة 11 ونبي نطلع نفلها وأوريكم الفلة وين ومن هالكلام ، قلنا يصير خير ، قبل الساعة 11 بدأ يتواصل معنا ، وينكم قلنا في المقهى المقابل للفندق نتقهوى ، قال بعد شوي جايكم ، قلنا حيّاك جانا وبدأ يحاول فينا نروح تقسيم والفلة هناك ومن هالكلام قلنا لا تقسيم ماجيناه ولا يمكن نجيه ، حاول فينا رفضنا ثم راح أخذ ساعه ، ثم بعد ساعة يتواصل معنا على الواتس وتعالوا والسعوديين هنا واجد ومن هالكلام وتركناه ، طبعاً إصراره يدل فيه شيء ،
وقد حذرنا الشباب من كلمة تعال خاوني لتقسيم وإلا أي مكان ثاني ، وتقسيم عبارة عن شارع مقاهي ومطاعم فيه عصابات تصطاد فرائسها من السكارى والسياحة الجنسية والمغفلين ..
لقينا سعودي في الفندق مسوي حادث وكان يتعالج في التشيك له 6 شهور وهو راجع للسعودية وجاي يسوي أسنانة في تركيا ، يقول كان عندي مراجعة في المستشفى وخلصت متأخر ورجعت نمت ولا صحيت إلا الساعة 1.30 ص ، يقول طلعت أدور مطعم حول الفندق واسأل عن مطعم ، يقول فيه اثنين شكلهم مهب أتراك ويكلموني بالانجليزي ويقولون أنهم من ألمانيا ويسألون فيه مطعم هنا قريب قلت مدري أنا أدور ، المهم فجأة كذا قال خويه لقيت مطعم قريب من النت ، قال خويه يلا مشينا فجأة مر تاكسي قالوا خلنا نركب بسرعة أفضل وأمن ، ركبنا التاكسي وصلنا مطعم في تقسيم ، دخلنا المطعم ، طلبت مشوي قال 80 ليرة قلت طيب ، يقول ماارتحت لهم قلت بطلع اكلم وأجي ، طلعت ولقيت مطعم مقابله قلت أبي مشوي قال ب25 ليرة ، طلبت ورجعت لأخوياي الالمان قلت لهم أنا بطلع عندي شغل وهذا حساب المشوي 80 ليرة ، يقول شوي يوم طلع المدير وتجمعوا العصابة قال لا ياحبيبي أخوياك طلبوا 750 ليرة ادفعها واطلع ، قلت ماني دافعها أنا طلبت مشوي 80 ليرة وهذي حقها وهم يدفعون الي طلبوه ، شوي أخوياي الالمان قلبوا علي وطلعوا أتراك من العصابة وتجمعوا علي وقالوا طلع الي معك كله منا منا ويأخذون اليي معي بالغصب كله 250 ليرة ويطردوني برا المطعم ، يقول انغبنت لكن مافي اليد حيلة وكل اللي صار من يوم قابلتهم كان مخطط له !
طبعاً أسلوب الدفع بأي طريقة هذا يستخدم بالمطاعم إذا كنت خليجي يخلونك تدفع بأي طريقة ، إذا أنت خليجي جاب لك منيو خاص بالعربي وأسعاره دبل الدبل ، لكن مره صدناهم عطانا منيو عربي ، وطلبنا من العامل الثاني منيو بالانجليزي وشفنا الأسعار مختلفة !
وفيه حركة جديدة يجيب لك منيو عربي وتركي لكن الأسعار تختلف من طلب إلى طلب ، وإذا كشفته قال أنا أحسبك تقصد هذا الطلب ، وأنا ماأعرف عربي ومن هالكلام !!
يتبع
المشرف على الفندق يتكلم عربي بطلاقة وكان يسولف معنا ويعزمنا على شاهي كل ماشافنا ، طلع له أهداف تكلم عن الدخان وسعره في السعودية قال هذا بـ12 ليرة وعندكم ب25 ريال ، قال هذا بن سلمان خرّب السعودية ، قلت له لو سمحت الضرائب ليست من ولي العهد الأمير محمد بن سلمان وإنما على دول الخليج كلها ومخطط لها من سنوات ، ثم حاول يصرف وقال حتى الرسوم قبل ابني يدفع مدري كم والحين بعد الرسوم رجع لتركيا ، قلت هذا شأن داخلي عندنا وأنتم عندكم رسوم على أشياء كثيرة حتى بعض الشوارع ماتدخل من شارع لشارع إلا برسوم بالأضافة إلى بعض الأشياء التي تخالف الفطرة ولا قلنا أردوغان سوى كذا وكذا ، تنرفز ثم قال لا بن سلمان قلت لو سمحت الأمير محمد بن سلمان ، قال الأمير محمد بن سلمان وش سوى في قطر وتضررت قطر بالحصار ، قلت آيه قل كذا ، طيب قطر وش سوت بالدول الإسلامية ، وش سوت بالسعودية من سنوات ؟ ثم حاول يقاطع وقلت لو سمحت الأمور السياسية لها رجالها وأنا مواطن وأنت مواطن ثم قام من عندنا ..
وجانا من بكره وعزمنا على شاي ثم قام يسرد لنا قصص محزنة وطفلة مسكينة بتسوي عملية تقرب لي وبحاجة لعلاج 12 ألف ليرة ، وأنتم ماتقصرون تبرعوا لها قلنا يصير خير ، ثم جاب ورقة وكتب أسماءنا وقلنا خلاص بنعطيك بكره ما معنا صرف الحين ، قال خلاص أنا بدفع عنكم والأجر لكم إن شاء الله ، قلنا بكره يصير خير وطلعنا ، ويوم جاء اليوم الثاني وكل ماشاف واحد منا قال وين الصدقة أنا مسجل اسمك ، قلنا ابشر بتجيك الصدقة ، وحنا طالعين ويجينا قال ماعطيتوني اسلم الصدقة ويطلع خوينا 100 ليرة ويعطيه قال هذي عنا كلنا ويناظر فينا حاقد توقع أكثر من كذا مبلغ ، قال وأنت وأنت ليه مادفعت صدقة .. قلنا هذي كافية قال لا يأخي أجر وطفلة ومن هالكلام قلنا خلاص السواق جاء وطلعنا وبعدها كل ماقابل أحد منا قال الصدقة بسلمها لأهل البنت ..
وأكثر مايواجه الأشخاص هناك العوائل يخلونه يدفع بأي طريقة ، صار موقف قدامي محلاتهم تعرض بضاعتها عند الباب وفيه بعض أصحاب المحلات الملكعين يحط أشياء عند الباب مثل التحف اللي على أشكال هندسية وإهرامات موجود في محلات أبو ريالين عندنا ، ويحطها على طرف أي شخص يمر يمشي من عندها تطيح، مر سعودي بعائلته وطاحت ويقوم يصارخ صاحب المحل ويهاوش ويتكلم عليه أنكم كسرتوا التحفة ومن هالكلام والناس تجمعت قال السعودي كم حقها قال 50 ليرة ، قال أدري أنها أقل من كذا لكن هذي 50 ليرة حذفها عليه ومشى طاح وجهه صراحه التركي ..
وشخص قابلناه علمنا بقصة يقول دخلت بشتري شنطة أنا وزوجتي في إحدى الممرات في الليل وقالي 120 ليرة قلت غالية لا ماتصلح ، طلعت من عنده جاني واحد تركي قال أنا عندي نفسها ب35 ليرة بالضبط تعال شفها هنا في اللفة جنب المحل ، يقول رحت معه يمين يسار وأطيح بمكان مظلم ويطلعون لي ثلاثة أتراك قالوا طلع اللي معك كله احاول أخارج نفسي منهم ويطلع السكين وممر مظلم ولا حولي أحد وزوجتي هناك عند المحل لحالها اختبصت واطلع اللي معي كله 350 ليرة ويدفوني واطيح وينحاشون ويختفون في لحظة ..
قصص النصب والاحتيال كثيرة ولازالوا يحقدون على الخليجي والسعودي ويحتقره وينظر له بدونيه
طبعاً الخليجي محارب هناك وصيدة ثمينة لكن سلمني على عيال زايد ولا واحد شفته رغم إني طالع على خطوطهم ولا واحد شفته منهم في المطار ولا في تركيا ، وكذلك إخواننا القطريين ماشفت منهم أحد ، مافيه إلا الكويتي وطبعاً مدلل هناك في التعامل ،
والسعوديين رغم التحذيرات إلا أغلبهم هناك..
وطبعاً حنا رايحين رحلة علاجية اثنين صلعان و واحد اسنان وواحد مرافق ..
والحين صاروا يتعاملون الشركات السياحية والفنادق بااسلوب حلو حتى يغيرون السمعة السئية ومصدر رزقهم ، وهذولاء الأشخاص يقولون ماشفنا إلا كل خيرمن الاتراك لأنهم مستفيدين منك دبل يودونك أماكن معينة ومطاعم معينة ورحلات معينة ومأخذينها منك دبل الدبل ، لكن اطلع للسوق وإلا المطعم لحالك وشف التعامل والسرقات والنصب ..
الخيارات كثيرة وإني لكم من الناصحين أذربيجان ممتازة للعوائل ورخيصة ، البوسنة جميلة وغيرها الكثير ..
أنا كنت اتوقع الكلام كذب لكن رحت والله إن تركيا خطر خطر خطر ..
ولازم الخارجية تحذر من السفر لها ، والخليجين ماشفنا أحد منهم إلا السعوديين فقط ..
المواضيع المتشابهه 
❌❌ التحذير من السفر لتركيا ، تركيا خطر ، احذر ثم احذر ثم احذر قصص واقعية❌❌ 
العرض الشجري
