شاهدت فعل فاضح واتصلت للتبليغ؟
 

السلام عليكم

ساحكي لكم موقفين حصلا معي واريد رايكم
يشهد الله انهما حقيقيين وليسا من نسج الخيال


الموقف الاول: بعد عيد الفطر المبارك

اخذت اسرتي وطلعت اتمشى على شاطيء البحر
نزلنا الاغراض وجهزنا الجلسة
بدينا سواليف ونتقهوى ونحلي
تخيلوا امامنا بالبحر رجل مع امراة احضان وبوس ومسخرة

تعالوا دوروني اناظر بالاهل واقول شيلوا قشكم بنغير المكان
واخذ الجوال اتصل على الهيئة ماكان في رد "ليتهم ردوا"
اتصل عالشرطة ورد علي احدهم , حكيتله السالفة
قالي "اشتكت عليكم الحرمه"!!
قلت لا والله بس مايصلح اللي صار معنا عوايل وبزارين وهذا مكان عام
قال مانقدر نسوي شي مادام ماشتكت .
حسيت انه يقول لي انت ملقوف بطريقة غير مباشرة.

يعني ما دام ما اشتكت تصير هالمسخرة قدام الله وخلقه وين عايشين؟

غيرنا مكاننا وعساهم بحريقة

الموقف الثاني
رحت اخذ عشا البارحه ووجدت سعر البرست مبالغ فيه
فتذكرت تطبيق وزارة التجارة على الايفون "بلاغ تجاري"

واسوي الشكوى وارسلها وما شاء الله كم دقيقة الا وهم متصلين وليتهم ما اتصلوا

قلت له بالسالفة قال هذي مو مسؤوليتنا مسؤولية الامانة
كلامه صح والا ؟
الاسعار من مسؤولية من؟

الزبدة قلت توبة ابلغ عن شي دام الموظفين لا يريدون القيام بواجبهم