مدير شركة قال للسكرتير :

عندي رحلة عمل الأسبوع الجاي رتب أمورك بتكون معاي ..

السكرتير اتصل على زوجته قال لها :
عندي رحلة مع مديري لمدة اسبوع ، رتبي أمورك أبي اوديكِ عند اختك .

الزوجة اتصلت على أختها وقالت لها :
زوجي بيسافر اسبوع وابي اجي عندك ، خلينا ننبسط الاسبوع الجاي مع بعض ..

أخت الزوجة تعمل مربية ( لطفل صغير )
اتصلت على الطفل وقالت له :
أنا عندي شغل اسبوع كامل ما أقدر اجيك .

الطفل اتصل على جده :
وقال له : جدي ترى المربية عندها شغل اسبوع كامل ..
وما راح تجي ، خلنا كل يوم نروح مكان ونغير جو..

الجد طلع هو مدير الشركة :
إتصل على السكرتير وقال له : إلغي رحلة العمل ، لأني مشغول مع حفيدي الأسبوع الجاي !!

السكرتير اتصل على زوجته وقال لها :
ترى لغوا رحلة العمل ..
وخلاص ما راح أوديك لأختك .

الزوجة اتصلت على أختها قالت لها :
زوجي ما راح يسافر وما أقدر اجيك .

أخت الزوجة " المربية "
اتصلت على الطفل الصغير قالت له :
خلاص ما عندي شغل وأنا راح اجيك .

الطفل اتصل على جده وقال له : خلاص يا جدي المربية راح تجيني خذ راحتك ..

الجد رجع اتصل على السكرتير وقال له :
خلاص حضِّر نفسك راح نقدر نسافر الاسبوع الجاي...

عاد انتوا كملوا الين ينزل الراتب
أنا بروح مشغول شوي