المقال التالي
مقال جميل جدا حبيت أنكم تشاركوني فيه لعلكم تستفيدون
ان شاء الله وتبدأون التسويق الألكتروني
وهو لمدرب في التنمية البشرية اسمه فيصل عبد الواحد
...............................................
انا مدرب تنمية بشرية، تحديداً قانون الجذب، وزي ما قلتلك ، الموقع ده هتكلم فيه عن ازاي تعمل فلوس من عالنت بس هتكلم أكتر عن الجانب النفسي، الجانب الداخلي للحكاية دي فحبيت اتكلم معاك النهاردة عن قانون الجذب وازاي تستخدمه في الربح من الانترنت وانك تعمل فلوس عليه الأول قانون الجذب، للي ما يعرفوش هو ان كل حاجة بتفكر، أو بتحس، أو بتعتقدها، لازم هتلاقي طريقة تظهر فيها في الواقع المحيط بيك ممكن أما تفكر في حد تسمع عنه خبر، او أما تفكر في حاجة أوي عايز تعملها، تحصلك، او حتى تبعد عنك المهم انها هتظهر، ازاي تستغل الحكاية دي، لصالحك، هو قانون الجذب لكن نسبة كبيرة جداً من الناس تفكيرها سلبي، ولما يبدأوا يستخدموا قانون الجذب، ويركزوا على هدف، يبدأ الهدف ده يبعد أكتر لو فكروا في فلوس، ممكن يلاقوا نفسهم وقعوا في ديون أكتر عشان عقلهم، في التعامل مع قانون الجذب، عقل دافع ، مش عقل جاذب تقدر تعرف أكتر عن قانون الجذب من أمير نفسك لكن عشان ما أطولش عليك، علاقة ده ايه بالربح من الانترنت بص ببساطة، خطوات انك تعمل فلوس من عالنت موجودة في كل حتة، وانا هقولهالك الوقتي، وسهلة رغم انها ممكن تكون متعبة عليك في الأول خصوصاً لو ما تعرفش أي حاجة عن الموضوع ده الربح من الانترنت جزئين، لما تيجي تعمل خطة أي موقع في أي نيتش – نيتش يعني مجال معين او مشكلة معينة الناس بتدور ليها عن حل، زي التخسيس أو العلاقات الاجتماعية او..إلخ أول جزء اعداد وتصميم الموقع، وتاني جزء انك تدخل ترافك عليه زي ما بتعمل مشروع سوبر ماركت مثلاً، أول حاجة انك تظبط المحل، وبعد كده تشوف هتخلي الناس ييجوا يشتروا من عندك ازاي الخطوتين دول لأي حاجة سواء بتبيع منتجكك أنت او منتج غيرك تعمل موقع تدخله ترافك
Traffic
مرور ؟
لأ مش مرور، كلمة ترافك معناها كمية الزوار اللي بيجولك، وقولت عليه ملك الكل، لأن لو مفيش زوار، يبقى مفيش فلوس
حتى لو مش هتبقى عن طريق الأفليت ماركتنج اللي هنتكلم عنها بعد شوية، لكن كمية الزوار بتفرق في عوايد الاعلانات وعوايد جوجل أدسنس لموقعك بشكل لا تتوقعه، ودي حاجة مش محتاجة اقناع، مفيش زوار، يبقى الاعلان مالوش لازمة، الناس هتدفعلك فلوس ليه ؟
تاني حاجة..اللي عليه جزء كبير جداً من “لعبة”
الربح من الانترنت..الأفليت الماركتنج
Affiliate marketing
ما بحبش أقول ترجمتها اللي هي التسويق التبعي، ما بحبش كلمة تبعي، ما بحبش الترجمة الحرفية، ممكن تقول عليها التسويق بالنسبة او التسويق بالعمولة، وده باختصار معناه انك بتشوف حد عنده منتج بالفعل، ويكون منتج بيبع فعلاً وفي ناس بتشتريه، وانت تبدأ تسوقله، بس مقابل نسبة من سعر المنتج نفسه، بتوصل ساعات ل75% من سعر المنتج
يعني لو المنتج ب100 دولار وواحد اشتراه عن طريقك انت بتاخد 75 دولار لو صاحب المنتج محدد75% نسبة مسوق الأفليت
طيب الشخص اللي عايز يضحي ب75% من عوائد منتجه هيكسب ايه، هو الحقيقة مش هيضحي، هي كلها مكسب
ليه، لأنه بالظبط زي واحد بييجي يديله فلوس هو ما تعبش في أي حاجة فيها غير انه تعب مرة واحدة بس في أنه عمل منتج وسابه
وجه الشخص، المسوق بالعمولة أو بالنسبة، وعمل موقع وصممه وكتب فيه مقالات ودخل الترافك – ودي مش سهلة – وباعله منتجه
وهو قاعد في بيته ما عملش أي حاجة
فبالعكس، صاحب المنتج ما بيضحيش، هو كده بيكسب فلوس ما عملش فيها أي حاجة غير انه تعب مرة واحدة بس وعمل منتج
ونسبة كبيرة كمان ما بيبقاش هو اللي عمل المنتج
إزاي ؟
ده اللي هقولك عليه الوقتي،
PLR
أو
Private Label Rights
حقوق الملكية الخاصة، أو حقوق الانتساب الخاصة، وأختها
Master Resell Rights
يعني ناس كل شغلتها انها تعمل بحث على النت وتجمع معلومات قيمة وتعملها في صورة منتج، وتبيعها للناس
لكن بشكل مختلف شوية، اللي بيشتري المنتج بيبقى ليه الحق انه يبيعه مرة تانية، وفي أحيان كتيرة ينسب المنتج لنفسه
ويحط اسمه عليه
عشان كده اسمها
Private
LABEL Rights
عشان ممكن تحط اسمك عليها، طريقة كويسة جداً عشان تعمل منتج عالي الجودة، سواء كتابة أو صوت أو فيديو
وتحط اسمك عليه، وتعمل نسبة التسويق بالعمولة ليه 75% وشوية دعاية صغيرة للمسوقين
! وهما يعملوا الشغل، والكل يكسب
Squeeze Page
صفحة كل مهمتها انها “تلم” إيميلات الزوار عشان ما يبقاش الترافك اللي بتدخله مالوش لازمة
افرض جوجل مرة واحدة غيرت الـ
Algorithms
الخاصة بيها، هكلمك عن الحكاية دي المقالة الجاية ان شاء الله، الترافك اللي كان بيجيلك من نتائج البحث هتجيبه الوقتي ازاي؟
الا اذا كان عندك بيانات للترافك ده تقدر تعتمد عليها؟
وده مرتبط أكتر بالـ
Mailing List
و الـ
Autoresponder
تعمل موقع بقى داخل فيه التصميم، الميلنج ليست، الأوتو ريسبوندر ورسايل الفولو آب الي بتبعتها للزوار -، والمنتج اللي هتبيعه الترافك بقى هو ازاي تدخل ناس للموقع بصفة مستمرة، داخل فيه السيو والاعلانات والسولو آدز والنيوز ليتر آدز والسوشال ميديا، حاجات كتير تقدر تعرف معلومات عن كل ده من جوجل، وببلاش لكن لما المعلومات موجودة ومتاحة، ليه ماحدش بينجح في الحكاية دي كتير بالظبط..عليك نور، الجانب الداخلي 97% من اللي بيحاولوا يعملوا فلوس من عالنت، مش شايفين نفسهم يقدروا فعلاً يعيشوا منه ومن دخله وبياخدوا الحكاية كتجربة، نفعت نفعت ما نفعتش مش مشكلة لكن لو خدت الحكاية ان كل حياتك هتعتمد على كده يا تعمل فلوس من عالنت فعلاً، يا تموت !! بمعنى تموت هقولك على حاجة كويسة جداً، عايزك تجيب ورقة و قلم وتكتب انت هدفك تعمل كام من على النت خلال شهرين بس حط حاجة انت تصدقها والتزم بيها وعلى فكرة، هتحس بتعب وهتحس انك مش عايز تكمل وهتيجي في مرحلة تقول لنفسك ياعم فلوس من عالنت ايه ده بارادايم، اللي مش عايزك تتغير، جزء من عقلك الباطن، الي اتكلمنا عنه قبل كده لكن طالما في مقاومة اعرف ان في تغيير بإذن الله وانت اللي هيبقى قدامك الخيار، يا تقاوم، يا تستسلم لنفسك
المواضيع المتشابهه 
قانون الجذب و الربح من الانترنت ... مقال جميل عن البيع علي الإنترنت 
العرض الشجري
