السلام عليكم ورحمة الله وبركاته
الرجاء المشاركة وابداء الراي والمشورة وهل انا غلطان او على حق والشكرر مقدما لمن يشارك ويعطينا رايه ووجه نظره في الموضوع وسوف اخذ براي الاغلبية او الراي المقنع حتى لو لم يكن ما اراه
الموضوع باختصار حادث سير بسيط وفيه خلاف بيني وبين صاحب السيارة الاخرى
وهو
قبل رمضان بيومين صار حادث تصادم بين ابني الطالب في جامعة الملك سعود واحد زملائة في الجامعة طالب ايضا في نفس الجامعة في احد التقاطعات في الجامةة ايضا حضرت انا لمكان الحادث وحصلتهم كل واحد يقول للثاني انت المخطي والتقاطع كان فيه اشارة وكل واحد منهم يقول للثاني انت المخطي وانت اللي قاطع الاشارة ومافيه شهود مع احد منهم وحصلت عندهم سيارة من سيارات الامن في الجامعة سالت رجل الامن حق الجامعة هل رايت الحادث وتعرف من المخطي قال ماني متاكد لكن يمكن ولدك هو اللي قاطع الاشارة
المهم قطعا لطول الكلام والنزاع وبناء على انهم كلهم طلبة وسياراتهم شبه جديدة هونداي ازيرا 2015 وسوناتا نفس مديلها سيار ابني السوناتا قلت لهم انتظروا نجم يعطيكم اوراق للمرور وانا مستعد اصلح سياراتكم الثنتين بغض النظر من المخطي صار يحلف ويطالب راعي الازيرا انه ماهو مخطي وان ولدي هو المخطي انا قلت مايحتاج تحلف ولا تطالب خلاص انا معترف ان ولدي هو المخطي المهم خذ سيارتك للورشة اللي انت تختارها وقلي كم تكلفتها وانا اعطيك قيمة اصلاحها كاش قبل تصلحها طبعا التلفيات في سيارته ررفرف وكبوت وشمعه وشبك امامي تقريبا هذا اللي شفته جاء نجم وعطاهم الاوراق وحط ولدي المخطي رغم ان ولدي معتررض على التقرير لكن اجبرته يوافق
اللي صار الرجال راجع المرور واخذ اوراق التقدير وراح قدرسيارته عند شيخ المعارض على انها تالف وماتصلح وطبعا تعرفون طريق شييخ المعارض يقدرها قبل الحادث وبعد الحادث ويحسب عليك الفرق طلع الفرق 25 الف ريال كلمني وعلمني بالسالفة وقال تعال عطني خمسة وعشرين الف انا اعترضت عليه وقلت له سيارتك تالفه ولا بتصلحها قال لا بصلحها قلت طيب ليش ما وديتها الورشة وصلحتها ليش تقدرها على انها تالف قال هذا النظام قلت ياخي هذا النظام يمشي على شركات التامين لكن انا بصلح سيارتك على حسابي وسالت صاحب ورشة اعرفه قال سيارته يصلحها في حدود 7 الاف ريال والفرق كبير بين سبعة وخمسة وعشرين وانا ما اجبرته يصلحها عند هذه الورشة يقدريصلحها عند اي ورشة يختارها ومهما يكون الفرق انا موافق لكن مايستغلني ويروح يقدرها تالف وهو بيصلحها على حسب كلامه وعلى حسب الصدمة اللي فيها ماهي تالفة تتصلح بسهولة
الان الرجال معاند يقول عطني 25 وانا لازلت عند كلامي ومستعد باصلاح سيارته على حسابي وابغى رايكم في الموضوع هل انا على حق ام لا
طبعا انا اقدر اروح للمرور وارفع اعتراض عل التقرير والتقدير واقدر ما اراجع المرور واخليه يراجعهم سنة وكل اللي يسويه المرور ايقاف خدمات وبعد مدة طويلة يحولونه للمحكمة وبعد مدة طويلة ايضا يمكن ياخذ حق ويمكن ما ياخذ شي ويروح في مطالبات ماتنتهي وانا مايضرني شي اخليه يطالب سنتين وبعدين نشوف الحق له ولا لي
لكن انا موفر عليه الدوامة هذي بس هو شكله يدورها وما يفهم
عطونا رايكم وانا جاهز باللي تقولونه وان شاء الله انا مانظلم احد ومانبغى احد يظلمنا وشكرا
المواضيع المتشابهه 
لميسـ 
الرجاء الدخول طلب راي ومشورة 
العرض الشجري
