حظ منهو وقع اوراق التقاعد
والاداره وافـقـت والهــم زاحــــي
استلم كامل حقوقه والعوايد
سلم العهـده وغادر واسـتراحــي
اكتبواله نشكرك خدمتك واجد
ونـتــمنى لك بدنيــاك النجاحــي
صار من عقب ارتباطه والمجاهد
حـر مثـل الطيـر كفــاخ الجنـاحـي
ماحداه إلزوم عن بعض المقاصد
لانــوى له ديــرةٍ شــغل وراحـي
واصلن غاليه ولربعه معايــــد
وقت عيد الفطر واعياد الاضاحــي
لا زمه يقضيه وبكيفه يواعـــــد
ما يراجـع ريّسه يبغى السماحـي
لا اشتهى يرقد تخير بالوسايد
وان سهرما هوجس بشغل الصباحي
والهدف عند العرب ماهو بواحد
كل رجـل له مـرام وله مشـاحـــي
من يبي يقنص عساه يعود فايد
فيه بالمقنـاص رزق وانشــراحـــي
لاذكر في صحصحٍ نزل وطرايـد
قال هـيا مايقـول الصيـد نــاحـي
ومن تنيشط حالته جدد بناهـد
ما فهـق لجـازته عقـد النـكاحــي
وكان حاله ماش والا ما يساعد
ينسـدح ويكثـر مـن الانسـداحــي
وكان شفه بالسفر ماهو بناشد
في بـلاد الله مع السـياح ساحــي
وخيرهم من كان في دنياه زاهد
يطلب الله بالثـبـات وبالصـلاحــــي
بين مكة والمدينة والمساجــــد
دايـم دربـه عسى دربـه سـماحـي
قايم بالليل للرحمن ساجـــــد
وكل ما نـادى المنـادي للفـلاحــي
قلتها وانا اعرف ارضاء الناس كايد
ولاني بفارض على الناس اقتراحي
والوظايف جمعت شتى البدايـــــد
من جميع النـاس مجنونٍ وصاحـي
فيهم الطيب عزيز النفس راكـــــد
عل يفـدونه مشافيـح شحاحـــي
وفيهم الانـذال والرديــان تاجـد
خمةٍ دايـم سوالفهم صيـاحــــي
والحظيظ اللي يبي يطلع تقاعــد
دام بِه قـوه وقبل يقــال طـاحــــي
متقاعد
تستطيع المشاركة هنا والرد على الموضوع ومشاركة رأيك عبر حسابك في الفيس بوك
hgjrhu]
المواضيع المتشابهه 
التقاعد 
العرض الشجري
