جاري الثري ، الله يكون في عونه ، البارح جانا في الاستراحة ، وباين علاه القلق وكثير التفكير ، ولاحظت علاه انه مسرح ، واحياناً يتكلم مع نفسه بكلمات ، مبهمات ، وقمت من مكاني لين جيت وجلست جنبه ، وقلت له كيف حالك عساك طيب ، يبو عدنان ، اشوفك اللاله منت مثل عوايدك ، تسولف وتهرج ، عسا ما شر ، قال لي ، الحمد لله على كل حال ، عندي مشلكة ورطت بها ، قلت له سلامات ، ايش هذه المشكلة ، قال لي انا عندي مؤسسات ، وشغلي كله معتمد على الله ثم على الزبائن القديمين ، اللي واثقين في المؤسسات ومصداقيتها .
ولكن كان عندي مندوبين للتسويق ، يزورن العملاء ، ويعلمونهم عن الانواع الجديدة من البضائع المستوردة ، ولا حظت ان الزبائن بدوء في التوقف عن الشراء من المؤسسات ، وقمت جبت لي مندوب جديد ، كلامه كثير ويشرح شرح وافي عن البضائع ويستعين بقوقل وبعض المواقع ، لزيادة معلموماته ومعرفته ، ولكن لا حظت بعد ما اشتغل عندي بشهر ، ان زباينا ، كثرة علينا اتصالاتهم ، ويقولون ان مندوبكم ، طفشنا وكرهنا في التعامل مع موسساتكم ، حيث انه كثير هرج ، وكلامه غير واقعي ، ويضيع علانا اوقات عملنا بكثر كلامه وبربرته ،. اكتشفنا ان كلامه كله كذب ، ولآن زباين الموسسات القداما معاد يتعاملون معانا.
ويقول لي جاري العزيز مدري ايش الطريقة اللي ارجع بها زباين المؤسسات ، واكسب ثقة الزباين ، حيث ان مندوب المبيعات هذا ، اخو زوجة اخوي المصرية ، وانا ما ابا افصله عشان ماتزعل زوجة اخوي على اخوي ، واخوي يزعل علي .
ايش الحل اللي تشوفونه لهذه المشكلة حتى ماتتطور .
المواضيع المتشابهه 
مندوب المبيعات ضيع علاه الزباين الثقات 
العرض الشجري
