السلام عليكم .. يازين النت تفضفض ولحد حولك ولحد يعرفك .. وموضوعي وكلامي الي أقوله أقوله لأخوان لي بالمنتدى يشهد الله على كلامي أن بعض المعرفات لاشفتها تحس انك شايف اخوك وهذا شئ طيب وإيجابي .. الكلام الي بقوله ماله إلا أنتم ... المشكلة ماعندي أصدقاء وأصحاب ولا أخوان إلا أخ أصغر مني ولا راح يفيدني بحكم أن تجاربه قليلة في الحياة ... أخلص علينا .. طيب ..
أن عندي أرض جرداء صلعاء مساحتها 2000 متر تقريبا ومثل ماقلت بر وحولها كم إستراحة وحوش عادي وكم حوش غنم في ضرما العارضية - الي يعرف هاك المنطقة بيعرفها - تبعد عن الرياض بالسيارة ساعة بالضبط .. المهم شريت الأرض بعد ما أخذت قرض من البنك .. للحين ماعرفنا السالفة .. والموضوع الي ودي أقولكم عنه أن الأرض حلوة في كان قمت بتحويشها وعملها كمنتجع -- في حال توفرت الدراهم -- لكن الي أبغى أقوله أن لدي خوف من مكاني بسبب إعتقاد أن هناك ثعابين من طقة أم جنيب وأنت رايح عندي يالربع فوبيا من شئ إسمه ثعبان وحنش ناهيك عن العقارب وخلافها مع أن الأرض مليئة بالجحور المشكوك بوضعها الجحر بلحاله قصة رعب هههههههههه هذي مشكلة عيال المدن المهم ... والله يالربع فكرت أقلب التربة وفكرت أحط قاز حول الأرض لكن ماستوعب أن هالشئ كافي .. حتى بعض المرات أفضل برامجي في التلفزيون الوثائقيات عن الثعابين أسوي ذيب فيها من خلف الشاشة هههه .. فياليت نصيحة منكم لطيفة وش الحل في هذيك الجحور هل هي جحور ضبان ولا أتوقع أبدا أنها جحور جرابيع أبدا لكبرها .. حقيقة ودي أطلع ذي الأيام خصوصا الويكند الأطفال يلعبون بسياكلهم لكن مخليهم في حدايق الرياض الكئيبة خوفا من أن يطلع ثعبان شاق الطريق علينا وسط هالأرض الجرداء ..
المواضيع المتشابهه 
ياجماعة الربع ... ودي أقول شي ومستحي أقوله لكن للي عقله كبير بيعرف 
العرض الشجري
