حوار شعري هادف
 

الابن:
يابوي انا جيت لك والنفس ندمانه = وفي القلب نار تشب وتشعل أشعالي
ولدك تاه الطريق وكثرت أحزانه = وشرب المراره وغيره يشرب الحالي
الاب:
روح خلي ينفعك من طاوعت شيطانه = صاحبك راعي الوفا اللي ماله أمثالي
صديقك اللي يعـــــــدك ثالث أخـوانه = وشلون خلاك وقت الضيق لافضالي
الابن:
يابوي عطفك رميت الروح باحضانه = نثرت دمعه تجي من شاف الاهوال
لا عاد تذكـرلي الماضي وخلانه = راحو وشفني وحيد جــــالس الحالي
الاب:
غرتك دنيـاك والايـــام خوانه = ورضيت بالصحبه الحسنا بالانذالي
وأغضبت أبوك وفضحته بين جيرانه = ونزلت راسه وهو فيما مضى عالي
الابن :
انت السبب في الخطا وأنا أدفع أثمانه = أهملتني وانشغلت بجمع الأموال
خليتني للهوى وابليــس وأعوانه = يلعب بي الجهل من جال ليا جال
الاب :
أنا اجمع المال وأتعب حيل من شانك = قرش على قرش وريال على ريالي
واشريلك اللي تبي من وسط دكانه = وتختار سيارتك لو سعرها غــالي
الابن :
يابوي انا جيت والعينين غرقانه = تايب على الذنب وأرجي رحمة الوالي
السجن قطع فؤادي صمت جدرانه = وظلما زواياه عنها مـوتي أشوالي
الاب:
تعال ياروح ابوك ونبض وجدانه = لا عاد تشكي وتبكي يابعد حالي
الذنب ذنبي وصار وشفت برهانه = وقررت أخلي الطمع وأهتم بعيالي
الابن:
استغفر الواحد المعبود سبحانه = ومن رفقة السوء أحذر كل الأجيال
الاب :
وأنا أوصي الأب من فضله وإحسانه = لا تشغله عن عياله كثر الأعمالي
طبعا منقول 55

بووفوووون



مشكور يالغاااالي عالنقل الراااائع




تقبل مرووري وتحيااااتي

مشكور بوووفوون عالنقل الهادف

مشكوووووووور

مشكورين على مرور