تزوجت قبل عشر سنوات وبعد سنه ونص من الزواج حملت زوجتي ولم يكتب الله النجاح (سقط الحمل ) وهي في الشهر الرابع او الخامس ..
المراااااد جلسنا بعد التسقيط سبع سنوات لم تحمل بتاتاً !! ارهقتنا اسئلة العالم !!
وانتم عارفين هالاسئله وش فيك ماجبت شي !! وكم عمرك !! ووووالخ ...
على الرغم من فحوصاتي سليمه وكذلك زوجتي !! لكن لا نعلم وش الأسباب ..
سبع سنوات عشتها الم ولكن يعلم الله اني مؤمن بقضاءه وقدره واذا لم يأتي الحمل امسك القرآن واستغفر ربي والحمدالله ..
جلست سبع سنوات من مستشفى الى مستشفى وكلهم خاص وع حسابي
ومن حرمه طبيبه شعبيه الى حرمه طبيبه شعبيه ودهان ومدري ايش !!
وصلت مرحله طفشت تعبت والله توصل لدرجه ان مواعيدي عز الظهر وتوي ظاهر من دوامي ومتى اوصل البيت عشان ارتاح يمكن ع العشا وان بكرت المغرب توي داخل بيتي
وارتاح وعشت ع هالموال سبع سنوات :hawamer1912
.. خلاص طفح الكيل تعبت طفرررررت من تكاليف علاجات صعوبة الحمل واللي جرب عارف انها غاليه وغير الاجار والمصاريف الآخرى!! تعبت نفسياً وجسدياً المراد وقفت عن الروحات والجيات من المستشفيات والمستوصفات بشكل نهائي ..
كنت ساكن ف شقه سابقاً خلف حارتنا عندهم ولد شاب دائم يصلي معنا ماشاء لله .. تبين لي من الشكل الخارجي واللبس بإن حالتهم الماديه صعبه
رحت وسئلت جيرانهم لكي لا أحرج هالشاب وفعلاً تبين ان الشاب يتيم الأب والأم ولديه خوات واخوان ووحده من شقيقاته مريضه بالسرطان أسأل الله ان يعافيها وبيتهم اجار وحالتهم حاله طبعاً هم سعوديين
صراحة عورني قلبي ويعلم الله ما أملك شي لمساعدتهم تمنيت في وقتها املك المال والملايين لكي اسعدهم لكن !!
المهم كلمت اخوياي في العمل وفي الواتس طبعاً بدون الضغط عليهم وبأسلوب لطيف وشرحت لهم ظروف العائله كاملة وبلغتهم بأني ماعندي مشكله اوصف لكم بيتهم وتروحون بأنفسكم وتشاهدون وتقدمون المساعده لهم بأنفسكم ( انتم خابرين البعض قد لا يثق فيك ) الغالبيه صراحة قدموا لي مبلغاً من المال لكي اقدمه لهم وماعليه شي طيب والله يجعلها في ميزان حسناتهم وانا اجري كأجر الدال ع الخير كفاعله ابحكم ظروفي والحمدالله يارب ..
قدمت للعائله المساعده ولو تشوفون فرحتهم نزلت دمعتكم وفرحة الشاب ولدهم :hawamer4412
اقسم بالله ياجماعة الخير رغم اني موقف عن المستشفيات وفي وقتها كنت موقف شهرين او ثلاث شهور عن مراجعات المستشفيات والعلاج عن صعوبة الحمل وووالخ موقف بشكل نهائي تااام ولا سبحانه بعد شهرين تخبرني زوجتي بأنها حامل سجدت لله شكر والحمدالله يارب والآن بنتي عمرها 3 سنوات ...
المختصر يامسلمين : يشهد الله انا صاحب القصه ( جدنا حديبان ) ويشهد الله علي ماقلت هالقصه الا للعبره لكم ولي ولإقاربكم الذين يعانون من صعوبة الحمل وضيق الرزق ليس قصتي للنفاق والله يعلم مافي نواياي .. اعمل خير ستجد رزقك كثر من الاستغفار والدنيا ليست مفروشه بالورود وقد يضيق عليك الرزق والفقر وعدم الانجاب لإن الله يحبك ويختبرك بماذا تفعل مع ظروفك !! وعدم القنوط من رحمة الله لاتستحقر العامل عندما تقدم له ( علبة مويه بارده بريال ) ابداً لا تستحقر افضل من مليون ريال صدقه كلها تذهب للمدح والتطبيل في الاعلام او عند الناس ..
وكذلك مرضاكم اشفوها بمساعدة الاخرين والصدقه ...
المواضيع المتشابهه 
صعوبة حمل زوجتي وقصتي الحقيقيه للعبره لي ولكم 
العرض الشجري
