اللي يشوف تصرفات وزارة العمل واللي تعمله تقول ابد حاله البلد حاله
لا عندنا شركات كبيرة ومتوسطة وصغيرة وحاطه حرتها في المحلات التجاريه
وتاركه الشركات للاجانب معززين مكرمين ولا يقدرون يرفعون صوتهم عليهم
في توظيف السعودي رغم الحملات "الصورية" التي تقدمها الشركات بالتعاون معهم
مثل مكاتب التوظيف ولا يوم المهنة وغيرها من برامج الكذبيه للمواطن السعودي المغلوب على امرة
اللي انفضح امرهم في رمي السير الذاتية في احد البرامج المقامة
حالياً بعد عجزها على اصحاب الشركات في توظيف السعوديين وضغط الشعب عليهم
بالاعلام وفي التواصل الاجتماعي
جالسين الان يرقعون عملهم وعلى انه عمل ويكفي وكأنهم يقولون احمد ربك انت وهو جالسين نشتغل لكم
سمعنا عن حملة توطين محلات الجوالات رغم ان محلات الجوالات في خير ورزق
لكن موب مثل ثبات ورزق العمل في القطاع الحكومي والخاص
والحظ يلعب دور فيه
حدثني احد العاملين في محلات الجوالات وهو سعودي يقول عندي محل جوالات
بالسابق معي يمني يبيع وباكستاني صيانه
اما الحين السعودي ما يجلس في هذا العمل لانه تصبيرة مثل ما يقول عكس اليمني
يشوفها رزقه ( وهذا واقع )
( لا تجي تطقطق علينا تقول مافيها شي وحلو الشغل طيب ابدا في عيالك
خلهم يطلعون من اشغالهم ووظفهم في محل جوالات او اذا قرب يتخرج خلنا نشوف يبروز شهادته وقله يتوظف في محل للجوالات )
واما الصيانه يقول مافي سعودي يعرف بالصيانة من وين اجيبه !!!
زبدة كلامي توطين محلات الجوالات هي تصبيرة فقط وليست ثابته للسعودي
ورزقه على صاحب العمل وكأنه اجنبي يكفله
وكأنه اللي يشوف حالنا يقول ابد حالتهم حاله السعوديين ووظايفهم قليله
والواقع صحيح قلة الوظايف بكثرة الفساد في التوظيف وتوظيف الاجانب على حساب السعودي وخاصه في القطاع الخاص
قريباً سوف نسمع توطين عمال السباكة والبلدية ويحطون حرتهم بالبنغالية
ولو فيهم خير كان شفنا منهم توطين للسعودي في الشركات
لكن ما يقدرون على الاجانب اللي اصبح يشغل عياله فيها وعندة بيت ملك وساكن احلى عيشه هنا
من السعودي اللي حالته حاله وراتبه طفسه وايجار وعليه اقساط ولا هو قادر يتزوج ويشوف حياته
وزارة العمل تحتاج الى غربلة لانه واضح انها ضعيفة عند الشركات القطاع الخاص
والدليل اجازة يومين حتى الان موب قادرين يتفقون معهم على الاجازة
رغم ان الموضوع طول واخذ سنين للنقاش عليه
ولا اتمنى من الحكومة تلغي هذا القطاع ويكون هناك قطاع مكون من شباب البلد واللي عانوا من التوظيف
وليس "شيبان " او "متجنسين" لهم شركات وعلاقات مع الشركات الخاصه
المواضيع المتشابهه 
لميسـ 
قريباً توطين عمال البلدية ومحلات السباكة ( من أهداف وزارة العمل للسعوديين ) .! 
العرض الشجري
