ــــــــــــــــــــــــــــــــــــــــــــــــــ
شذى وأثار النوم بعيونها : هاااااااي
أمل : ما بغيتي تقعدين
شذى :ليش شصاير
أمل : ولا شي بس مليت وأنا قاعده لحالي وأمي ما خلت شي ما خلتني أسويه.... وزهقـــــــــــــت
شذى : صدق ما عنك سالفة وين أمي
أمل : قاعده مع أبوي فوق
وليد : مرحبـــــــــا
شذى : هلا وليد
وليد: شفيكي كل ذا نوم
شذى :شفيكم عليّ والله تعبانه ......."بهالحضة رن جوالها....شافت الأسم وأعتفست ملامح وجها "
وليد بخبث : ردي
شذى : وأنت شيخصك "تقوم وتطلع عنهم ودرجة الحرارة ألف عندها
وليد وأمل: ههههههههههه
" طلعت شذى للحديقة وردت "<<طبعا المتصل خطيبها وولد عمها محمد
شذى : الــ ...الوو
محمد بلهفة : هلا حياتي ..شخبارك
شذى : أهلين ..الحمدالله ..أنت شخبارك
محمد : تبيني أسمع هالصوت وما أكون بخيــــــر
شذى ببتسامه : ........... تسلم
محمد : هههههههه <<ضحك ضحكة خلتها تذوب بمكانها
شذى : ليش تضحك ....!!
محمد : مبسوط وااااايد ........ وحشتيني
شذى بحيا : وأنت بعد
محمد بتجاهل : وأنا شنو.....؟
شذى : اللي قلته
محمد يتناسى اللي قاله قبل شوي : وأنا وش قلت ..
شذى : أوه محمد ....خلص وحشتني
محمد : هههههههههه ... أموووووت فيكِ
شذى : ..............
محمد حس أنه أحرجها شوي فحب يغير الموضوع : ما قلتي لي شسويتي اليوم بالجامعه
شذى : نشغلت وااايد حتى أني الحين قاعدة من النوم
محمد : أفااا ... كل هذا نوم
شذى : شسوي بعد .. كنت تعبانه
محمد : لا ..لا .. حبيبتي تعبانه سلامات ما تشوفين شر
شذى : الشر ما يجيك
محمد : ok حبيبتي ماأبي أطول عليك ..تامرين شي
شذى : سلامتك ..
محمد : يالله بـــاااي
شذى بصوت مليان نعومه وأنوثة : باااي
ـــــــــــــــــــــــــــــــــــــــــــــــ
(في غرفة محمد بعد ما سكر.........
سكر محمد الخط الا بدخلت فواز : الأخ رايح فيها مكلم الحب هاااا
محمد : أيه .. توا الحين مسكر منها
فواز يقعد جنبه على طرف السرير :هاا تبي تسمع النغمات ولا شلون
محمد : هاات خل نسمع ...
"قعد مع أخوه فواز فترة .... تعليق ... وضحك على النغمات اللي حاطهم فواز وبعدها أنضم لهم فيصل وصارت القعدة حلوه ......." ....... وبهذا أنتهى اليوم
ـــــــــــــــــــــــــــــــــــــــــــ
أشرقت الشمس تعلن أبتداء يوم جديد ...على أهل الرياض.....
مها : صباح الخيـــر
الكل : صباح النور
أم فهد : حبيبتي اليوم ورانا أشغال واااايد مو تجين وتنامين
مها مو مستوعبه : شورانا
أم فهد وأهي تطالع في خالد : خالد عازم أولاد عمك وعمتك وأصحابه على العشا
مها : كان عطيتوني خبر قبل
أم فهد : ما مداني أخبرك أمس
مها وأهي تطالع أخوها بنظرات : أطلب من المطعم ألا تبي تكســـر ظهورنا
خالد : والله رح أطلب ورح أخلي الوالدة تذوقنا من يدينها عندك مانع ....
مها : اللي يشوفك يقول بس الوالدة اللي رح تطبخ هاا ما كأني رح أساعدها ..
خالد : خلاص من يدينك ومن الخدم بعد لا تزعليــــن
مها : وأنت وش هالعزومه المفاجأة ....!!
خالد أبتسم : أشتقت لهم وكلمتهم أمس وأنبسطوا وكلهم رح يجون
مها : يالله عن أذنكم السايق وصل
ـــــــــــــــــــــــــــــــــــــــــــــــ
فواز بسيارته قاعد يكلم ولد عمه خالد
فواز : هههههههههه مسوي عزيمه هااا قولتك تبي تلم شمل العايله
خالد : شسوي وحشتني يالغبي
فواز : ههههه ما يوحش حبيب .... تدري أنا وفيصل متحديين بعض من يوصل قبل .....ههههههههههههه
خالد : فشلتونا أول مره تروحون عزيمة
فواز : الله....الله... صاحب العزيمه يتكلم ههههه
خالد : يالله عااااد عطيتك وجه يالله أدلف باااااي
ــــــــــــــــــــــــــــــــــــــــــــــــــ ــ
" بالجامعة "
شذى : الله يعينك
مها : شسوي بعد خويلد وسوالفه ما أدري ليش شاكه أنه تحدي
أمل : يتحداك
مها : يبي يهلكني بس شسوي أخوي ويمون
أمل : والله لو هاذي شذوه كان ما أهتمت وراحت نامت تعرفين أختي ألزم شي راحتها
شذى : يا قليلة الأدب بلا فضايح
مها :ههههههههه يالله لاتسوون سالفة على الفاضي
شذى : أنا أدري عنها
أمل : والله أنا ما كذبت كنت أقول الصدق
ـــــــــــــــــــــــــــــــــــــــــــــــــ
(خلت ريم البيت وبعدها ندى ....
ريم : يمه يمــــه
أم فهد طالعة من المطبخ : هااا وصلتوا روحوا غيروا ملابسكم
ريم وندى : انشالله
راحوا وغيروا ملابسهم ونزلوا وحده ورا الثانية
.....>>عالغدا<<.....
ريم : فيصل
فيصل وعيونه على صحنه اللي قدامه : نعم
ريم بهمس : وديني بيت خالتي اليوم ......تكفى ....
ندى: ما عليك منها
ريم : وأنتِ شكو
فيصل بدون أهتمام ..I am Sorry ..
ريم شهقت :شقلت
فيصل :مو فاضي عندي عزيمه وما أبي أتأخر عليها عشانك
ريم : أهي مو الحين العزيمة الليلة
فيصل ناظرها : ليكون تبيني أوديكِ الحين
ريم : أيه
فيصل : روحي زين أنا أبي أرتاح ....لا وأنا عاطيك وجه
فواز يشجعه : أحقرها ترا أن وديتها اليوم بتزيد بطلباتها وديني .. وجيبني "وهو يقلد صوتها تقريبا "
فيصل : هههههههههه صادق خذ الحكمة من أفواه .... <<وسكت
ريم عصبت من فواز : وأنت من كلمك صدق غثيث
أبو محمد : شفيكم ما خلصتوا كلام
ريم : يبه شوفه موب راضي يوديني بيت خالتي....
فيصل :يعني السايق ينشغل مع أبوي وأنا أبتلش
أبو محمد :شفيكِ يابنيتي خلالالالاص أنا أوديك ِ ولايصير خاطرك الا طيب
ندى :وأنا بروح بعد
أبو محمد : وأنت ِ بعد
ريم بنظره :توك ما تبين تروحين ومسويتها قومه عليّ أنتي و ألاخوان
محمد : أنـــــــا
ريم : أسفه يالغالي أقصد هالثنائي اللي قدامي ..
محمد : أفتكرت ثلاثي
ريم : هههههههه
أبو محمد : يالله يابنيتي أشرب قهوتي وبعدها أوديكِ
ريم والأبتسامه على شفاتها : انشالله
قامت مع ندى وصعدوا فوق وراحت كل وحده الى غرفتها وتجهزت
ــــــــــــــــــــــــــــــــــــــــــــــــــ
في بيت أبو فهد وبالتحديد في المطبخ اللي كان فيه أم فهد ومها اللي كان الشغل ذابحها من التعب بس وش تسوي .
أم فهد :مها خلي اللي عندك وتعالي شغلي الفرن
مها :انشالله يمه
دخل عليهم خالد :السلام عليـــــكم
أم فهد ومها : وعليكم السلام
أم فهد : هااا متى بيوصل طلبك ...؟
خالد وهو يشرب كاس ماء : بيدقون عليّ ..."تذكر".. أوه نسيت جوالي في السيارة
مها : روح جيبه لايبوقون سيارتك علشانه
خالد : وش بيصير يعني نجيب غيره هههههههه
مها : يابرودك الله يعين اللي بتاخذك .
أم فهد : الا قولي يا بختها بولــدي
خالد :ههههههه تسلميلي ياالغالية ...هااا كم باقي لتخلصون
أم فهد :لا تخاف كل شي رح يكون جاهز قبل الساعة 8
خالد : أوكي أخليكم بروح أنام ساعتين سمعتوا ساعتين
أم فهد : لا تخاف بنصحيك بس أنت روح أرتاح
مها : أيه ناس ترتاح وناس ميتة تعب
خالد عطاها أبتسامه وطلع ومها عصبت منهه ..لا وينكر أني أشتغل مع أمي أوف ......
ــــــــــــــــــــــــــــــــــــــــــــــــــ ـــ
ندى : واااو وش ذا الفستان ...رهيـــــــب
ريم : لو كنت معك كان شريت لي مثله وااايد حلو
رنا : عجبكم .. ترا مو بس أنا اللي أخترته مشاري كان معاي وعجبه فعلشان كذا شريته .. اذا تبينه خذيه و أنا أخذ واحد ثاني غير ذا اللون <<توجه الكلام لريم اللي سرحت شوي >>
ريم : لا مشكوره
ندى : ليش ما تقولي لي أنـــا
رنا : شقالك أمشي وأعطي <تمزح > هههههههه بس تدرين ما يغلا عليكِ
ندى : لالا مو قصدي أني أخذه أقصد أستلفه منك مثلا
رنا : اللي تبينه ... قوموا ننزل تحت الصالة ترا مليت من هنا
ندى : يالله .. " نزلوا تحت وهم سوالف وضحك... دخلوا الصالة وكان مشاري قاعد على الكنبة وحاط بحضنه مخدة وما سك الجوال " .....
رنا : أنت هني
مشاري : وش شايفه ..
ندى : شلونك مشاري
مشاري أخترع ما كان يدري أن بنات خالته هنا : هلا ندى الحمدالله .. أنتِ شخبارك
ندى : بخير
رنا : تعالوا قعدوا شفيكم واقفين .." راحوا وقعدوا قدام مشاري تقريبا وهم متغطيين "
رفع مشاري عينه في عين ريم اللي دق قلبها من شافت عينه في عينها وغيرت مسار عينها عنه
مشاري : شخبارك ريم
ريم والحيا ذابحها : الحمد الله بخير
دق عليها أبتسامه خلاها تذوب بمكانها
رنا : مشاري وين أمي
مشاري :طلعت من شوي
رنا : ليش أنت من متى هني ..؟
مشاري : أنا دخلت وهي طلعت
رنا توجه الكلام لندى : شتسوين
ندى : أدق على أبوي
رنا : بتروحون
ندى : من الظهر وحنا هني اللحين الساعة 7 لين متى بعد
مشاري بطلب أمر : لاتدقين
ندى : ليش
مشاري : أنا أوديكم "ووجه نظرته لريم بعدها "
ندى : لا لا تحرجنا
مشاري : شفيكِ يا ندى قلت أنا رح أوديكم يعني أنا اللي رح أوديكم
ندى وأهي تطالع في ريم اللي سرحت في مشاري ثواني
مشاري قطع عليهم : متى تبون
ندى : الحين أذا مو مشغول
مشاري : وأذا مشغول وش صار يالله سبقوني لسيارة
((طلعت ريم وندى بعد ما سلموا على بنت خالتهم الوحيدة والحبيبة .. ركبوا السيارة واللي من حظ مشاري أن ريم صارت وراه يعني يقدر يشوفها بأي لحضة ))
ركب مشاري السيارة وطاحت عينه بعين ريم وطبعا ريم علطول غيرت أتجاه نظرتها
مشاري : زاعجكم المسجل ..؟
ندى الناطق الرسمي :لا عادي
مشاري :أذا زاعجكم أطفيه <<كان وده يسمع صوت ريم اللي مجننته ...>>
ندى : لاخليه أنا مرتاحه
مشاري يطالع ريم :وريم ..
رفعت ريم عينها وشافته يطالعها :لا ..مو زاعجني
مشاري : OK "مشاري شاب وسيم وعمره في حدود 23سنة "
((وصلوا البيت ))......
ندى : مشكور ياولد الخالة
مشاري : العفو يابنت الخالة .. أفااا عليك حنا تحت الخدمة
ريم : مشكور مشاري
مشاري : العفو يالغالية " نزلت ريم ووجها شاب أحمرار .. طبعا ندى نزلت قبل لا يقول هالكلام مع أن مشاري يصير جرئ أحيانا "
ــــــــــــــــــــــــــــــــــــــــــ
((الساعة 7ونص)) ....في بيت أبوفهد )).....
صحى خالد من النوم ونزل تحت
خالد : هااا حبايب خلصتوا
مها وأم فهد : أيه خلصنا
خالد : الله يعطيكم العافية ...
الكل : الله يعافيك
خالد : يالله بروح أجيب جوالي أكيد الحين أولاد العم والعمة قاتلينه أتصالات ..أوه المطعم نسيتهم بعد.. عاطنهم رقم جوالي ..خلني أروح أدق عليهم
((طلع خالد وشاف فيصل داخل من الباب الرئيسي وقام الترحيب بينهم
خالد : هااا وصلت قبل فواز
فيصل : قال لك أنا أراويه
خالد : ههههههه يالله أدخل المجلس أنا بروح أجيب جوالي ناسيه بالسيارة وبدق على المطعم وباجيك طيب
فيصل : يالله أنتظرك
(دخل فيصل المجلس وبما أن فيصل من الناس اللي يحبون يهتمون بأنفسهم ويظهرون بمظاهر حلوه أتجه الى المرآة الموجودة في المجلس وقعد يقلب بالغتره كان شكله جناااااان وملامحه جدا جميلة وهذا الكلام يدعي للقول بأنه وسيم فاجئه صوت أحد يدخل وراه من باب الصالة الرئيسية أهو ما ألتفت وظل يعدل بغترته ).. مها وأهي تحط صينية الشاي والقهوة على الطاولة : كاني جبت الشاي علشان ماتقول أختي ما ساعدت أمي بشي وتنكر يالنكور
أساسا خالد كان لابس غتره مثل فيصل وكان جسمه مقارب لجسم فيصل فهي أفتكرته خالد .. وقفت تطالع فيه وأهي مبتسمه وتنتظر كلمة شكر منه وفيصل معطيها ظهره ويطالع بالمرآة .. وبعدها ألتفت لهــــــا
فيصل ومها :................................. <صمت تام >
مها جمدت في مكانها وأنصدمت منو هذا اللي قدامي ..؟؟؟ وفيصل أهوالثاني تفاجئ بالملامح الجذابة والبريئة لمها ..تداركت مها الوضع وطلعت تركض كانت لابسه تنوره جنز زرقة سماوية مع بلوزة بيضه ثلاثة أرباع كانت بعض الخصل اللي بشعرها طايحة على وجها والباقي رافعته بطريقة عشوائية مما عطاها شكل خيالي واااااااو ....... نبهه صوت من وراه
خالد : شفيك واقف
فيصل تذكر اللي صار قبل ثواني : سلامتك بس تعرف "وهو يأشر على المرآيه "
خالد : هههههههه تفضل وخل عنك هالحركات
قعد فيصل جنبه : أخبارك خلوّد
خالد : تمام يالغالي " ألتفت خالد ولقى صينية الشاي والقهوة موجودة تذكر أنه لمن طلع ما كانت موجوده
..طالع فيصل : من اللي جاب الصينية .. ولا لمن دخلت شفتها ....؟
فيصل : لا .. الخدامة قبل شوي جابتها ..
خالد بتصديق واضح : أهااا ...... شفيهم هذول تأخروا
(دخل عليهم وليد مع فواز وهم يضحكون ...)
فواز وليد :السلام عليــــكم
خالد وفيصل : وعليكم الســـلام
خالد : شفيكم متأخرين
وليد : هذا فوازوه قال خل ناخذ فره ونرجع
خالد : كان جيت بسيارتك
وليد : هو اللي لزم عليّ أجي معااه .. والله أنا مالي خلقه
فواز يشهق : ماسمعت ..مالك خلقيّ
الكل: هههههههههههه
وليد : أيه ..مالي خلقك
فواز بهمس وبكلام غير مفهوم رفع يده يدعي
الكل : ههههههههههه
وليد : حسبي الله ونعم الوكيل فيك
فواز : بعد تتحسب عليّ
قطع عليهم دخول محمد : السلام عليكم
الكل : وعليكم السلام
خالد : هلا والله بالقاطع ...أهو من خطب رفع خشمه علينا ونسانا
محمد : هذا تفكيركم فيني ......
" خذ تهم السوالف والضحك وبعدها تعشوا والكل أنبسط من هالعزيمة
ــــــــــــــــــــــــــــــــــــــــــــ
أم وليد : شلون الشغل معاك
أبو وليد بتعب : الحمدالله ... أنا بطلع فوق برتاح
أم وليد : أنا جايه معاك (طلعت معاااه وظلت أمل وشذى بالصالة متابعين فيلم وهم يشربون عصير وياكلون حب ومندمجين على الأخر
أمل : كلمتي محمد اليوم
شذى : أيه كلمته
أمل : أخبــــاره
شذى وعيونها ناحية التلفزيون : بخير
أمل : معزوم عند بيت خالي أبو فهد ...
شذى تشهق : وش قالك دون الناس أهو
أمل : أسفين أسفين أكلتينا ...هاذي أخر مره أسألك عنه
شذى : يالله عاد خلني أتابع الفيلم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

الكل : هههههههههههههههه
فواز : أقول لكم تفشــــــــلت أحراج ما تتخيلون وجهي شلون صااااار هههههههههه
فيصل : فشلتنا الله يفشلك
خالد : أكثر من هالفشيله هههههههههه
فواز : خلالالالالاص حرمت أروح بنوك أقول لكم بغيت أضرب الموظف
محمد : يعني ماتشوف أسم البنك معلق بكل مكان
فواز : كنت عمي ذيك اللحضه
الكل : هههههههههههه
وليد : وين رح تحط أحسابك
فواز يطالع أخوه فيصل ويبتسم : عند فيصل
فيصل اللي شرق بالماي : والله لو أشوفك داخل لي البنك أشوووووتك سامع
الكل : ههههههههههههههه
وليد : حرام عليك الولد صار يخربط بالبنوك
فيصل : مو مشكتي مشكلته أهو <<وهو يأشر على فواز بيده >>
محمد وهو يضحك : ما عليك فواز منه روح وأفتح حساب بالبنك اللي فيه فيصل وش رح يصير...أصلن مارح يقدر يتحرك من مكانه ..ألا أذا ناوي بتفنيشه
الكل : هههههههههههههههههه
فيصل : خل يجي ورح تندم أنت وياه
فواز : خلاص رح أخلي فلوسي بالبيت
خالد : أحسن لك
وليد : وشو اللي أحسن له يمكن يبوقون بيتهم أويصير شي لا قدر الله رح تنفعهم بديك الساعة
محمد : وليد صادق
فواز يطالع فيصل : هاااا وش قلت
فيصل : تعال بكره نتفاهم
فواز يقوم ويحب خذ أخوه : تسلم يالحبيب ..ههههه الحين أثبت لي أنك أخوي
الكل : هههههههههههههه
...أستمرت السواليف بينهم ..ضحك ووناسه وبعها الكل راح لبيتهم حوالي الساعة 11ونص ...............
طلع خالد من المجلس وما شاف حد في الصالة فراح الى غرفته ..غير ملابسه وراح لفراشه وغرق بالنوم ..
ــــــــــــــــــــــــــــــــــــــــــــ
أما فيصل اللي من دخل الى غرفته ما داق طعم النوم وطول الوقت يفكر بالملاك اللي شافها ووده يعرف أسمها يسمع صوتها مره ثانيه ..بس مو عارف شلون ..أستغرب من نفسه هالتفكير اللي جاهـ ..وفي باله سؤال مجنننه ..ليش قاعد يفكر بهالأنسانه .؟.......مع أن اللي صار بينهم صدفة في صدفة ......؟؟!!
ــــــــــــــــــــــــــــــــــــــــــــــ
(الصباح ..".بداية يوم جديد ."...في بيت أبو وليد )
أمل : صباح الخير
أبو وليد : صباح النور.. هلا حبيبتي
قعدت أمل جنب أبوها بالطرف الأيمن وقعدت تفطر
أم وليد : بتتأخر اليوم بالشغل
أبو وليد ما يبها تحاتيه : لا..لا و..أذا تأخرت بدق عليكِ أطمنك
أم وليد : يصير خير انشالله
وقفت شذى : يالله أمل لا نتأخر عالجامعة
قامت أمل ولمت أغراضها وطلعت مع أختها
ــــــــــــــــــــــــــــــــــــــــــــ
أم محمد : فيصل قوم الساعة 9وربع الحين
فيصل : يمه تكفين خلني أنام خمس دقايق
أم محمد تجر اللحاف : فيصل يالله قوم ما فيه وقت "أهي ترفع اللحاف وهو يجره منها "
فيصل : أوهوووو يمه الساعة كم الحين
أم محمد : تسع وربع
فيصل قعد مخترع : متــــــأكدة
أم محمد تأشر على الساعة اللي بغرفته : شوف
قام فيصل من فراشه ..أنا شلون تأخرت كل هالوقت .. <تذكر>..اللي صار معاه البارح والتفكير اللي ما خلاه ينام زين واستغرب كيف نام .......
أم محمد من وراه : شفيك اليوم ما صحيت من بدري مو من عوايدك
فيصل يختار ثوب من الكبت : أبد يمه بس ما جاني نوم البارح
أم محمد : ليش عسى ما شر ..تعبان من شي .أح مضايقك
فيصل بابتسامه : لا يمه ما فيني شي <وببتسامه أكثر بانت أسنانه فيها > أتدلع ..ههههههه أبيك أنتي اللي تقعديني
أم محمد : أنت تدلع وأنا أحاتيك وأخاف عليك
دخل عليهم فواز : صباح الخير
فيصل مخترع : ليش ما رحت الجامعة .....!!!؟
فواز : بصراحة مالي خلق ...وبعدين عندي موعد مع أحد البنوك
أم محمد وفيصل يطالعون ببعض ومستغربين منه
فواز : شفيكم ..حاب أرتاح ولا أحد يجيني وينصحني روح أو هذا اللي تسويه غلط أوشي ومن هالكلام ....
جت أم محمد بتتكلم لكنه قاطعها :كله يوم واحد ..والله يوم واحد ..يالله بنزل أتريق
أم محمد : شفيه هالولد يمشي كل شي على بكيفه ..أنا أراويه
فيصل : خله عنك مثل ما قال يوم مو أسبوع
دخل فيصل الحمام وأم محمد نزلت تكمل أشغالها
ـــــــــــــــــــــــــــــــــــــــــــــــ
((بالجامعة ....))
شذى : ههههههههههه
مها : أقولك أستحيت ما عرفت وش أسوي وش أقول
شذى : ههههههههه ما عرفتيه
مها وأهي حاطه يدها على الطاولة ومسنده الثانية الثانية على خذها : ما عرفته .. بصراحة كان وايد حلو .. بصراحة عجبني ههههههههه
شذى : تتكلمين جد
مها : بصراحة جاني فضول أعرفه ملامحه واااااااو
شذى : أول مره أشوفك بهالجرئه وش صاير لك
أحمّر وجه مها : مو صاير شي بس شكلي زدت بالكلام واللساني زل زياده عن اللزوم
شذى : عالعموم لا تخافين هالكلام بيني وبينك وما رح يطلع مني شي ......
مها ببتسامه بريئة : أنا واثقة فيك أكثر من أني أوثق بنفسي ههههههههه
شذى : ههههههه أوه باقي خمس دقايق على المحاضرة
مها بملل : أوف صدق ملل
شذى : قومي بس قومي
مها وأهي واقفه : وين أختك أملوه ما أشوفها الخايسه
شذى : يوصل انشالله ههههههههه
مها : تأدبي أحسن لك
راحو المحاضرة وكل وحده تتوعد للثانية بشي
ـــــــــــــــــــــــــــــــــــــــــــ
فيصل كان الشغل عندهم بالبنك متعب خاصة اليوم مع أنه التفكير كل شوي يجيه وهو يحاول يتفاداه بأي طريقة ............((رن جواله ورد وهو مبسوط ))....
فيصل : هلا والله
أحمد : هلا فيك شخبارك
فيصل : تمام أنت شخبارك
أحمد : تمام التمام .. واحشنا
فيصل : أنت أكثر
أحمد : تعال الليلة المقهى الشباب كلهم مجتمعين
فيصل : انشالله أكون فاضي
أحمد : هالكلام ما يهمني .. الربع كلهم مشتاقين لك لازم تجينا
فيصل : ok
أحمد : تعال نسيت أسألك عن خلوّد شخباره
فيصل : الحمد الله
أحمد : جيبه معاك
فيصل : ههههههههههه ماتبيني ألمّ العايلة وأجيبها
أحمد :ياليت يكون أفضل لنا
فيصل : أوكي أكلمه وأشوف
أحمد : يالله نشوفكم الليلة ..فمان الله ..
فيصل : في أمان الكريم
ــــــــــــــــــــــــــــــــــــــــــــ
ريم كانت بنفس جامعة أمل ومها وشذى بس في مبنى ثاني .........
ريم : هاااااااااااي
مها مبسوطة لشوفتها : أهلين شلون جيتي
ريم : طلعت وجيت لكم
شذى : زين سويتي
مها : أجل رح أشوف لي يوم وأجيك
ريم : حياكِ أنتِ والبنات .....أمممممم وين أمل
شذى : مع صاحباتها ما تخليهم لو ويش يصير ههههههه
ريم ومها : هههههههههه
ريم : كل ذا أخلاص ههههههه
شذى : خلها ما رح أقول لها أنك جيتينا ألا لمن نوصل للبيت علشان تحترق وتشب
ريم : ههههههه حرام عليكِ .........شرايكم يوم الخميس أنسوي جمعه ببيتنا ..عزيمة
شذى : الله رح تكون جمعة حلوه
مها : شفيكم أشوف العزايم أكثرت أخوي البارح عازم ربعه وأنتِ يوم الخميس عازمة البنات شفيكم
شذى : العايله كل ما جاها تتطور ماشألله
مها : لا باينه التطورات
ريم : هااا رح تجون .....
شذى : أنا عن نفسي ما عندي مانع
ريم : هااا مها وأنتِ
مها : أفااا عليكِ أول الحاضرين ههههههه
ريم : تمام ورح أعزم بنت خالتي رنا
شذى : الله العزيمة رح تكون وااااو متحمسة
مها : لاتنجنين علينا .. بعد يومين
أمل : هااااااي صبايا ..... ريموه عندنا
ريم : أهلين " وبنبرة زعل " كان ظليتي معاهم .. وما جيتي تشوفيني
أمل : وأنا شذراني أنك هنا كان جيت من زمااااااان
ريم : المهم قولي لأختك يلا بروح <<توجه الكلام لشذى "وسلمت عليهم "
أمل : وش اللي تقوليه لي ...؟!
شذى : عازمتنا يوم الخميس
أمل : واااو وناسه
مها : يالله عن أذنكم ....السايق ينتظرني ...بااااااااي
أمل وشذى : باااي
ــــــــــــــــــــــــــــــــــــــــــــــــــ ـ
دخلت مها البيت وأهي منهلكه :السلام عليكم
أم فهد : هلا حبيبتي ... وعليكم السلام
مها : هلا يمه ...... وين أبوي
أم فهد تأشر للصالة : قاعد يشاهد الأخبار
مها : أجل بروح أسلم عليه ........ شخبارك يُبه
أبو فهد : هلا مها تعالي قعدي جنب أبوكِ
مها : ما قلت لي شخبارك
أبو فهد : تمام
دخلت عليهم أم فهد : يالله قومي غيري ملابسك ونادي أخوكِ للغدا ...
مها : انشالله
" راحت فوق وغيرت ملابسها ..لبست برموده باللون الأبيض مع بلوزه بيضه فيها كلام وعبارات باللغة الانجليزية باللون الأصفر ورفعت شعرها وراحت لأخوها ودقت الباب ...
خالد : نعم
مها : أنا أختك .. أدخل
خالد : ايه دخلي الباب مفتوح
دخلت مها : يالله قوم الغدا جاهز
خالد : يالله ( كان منسدح ومريح عالأخر )
((وهم نازلين دق جوال خالد ...
مها : من هاللي داق الحين
خالد : هذا فيصل.. (رد) .. الوو .. هلا والله .. الحمدالله ..ههههههههه ... حاضرين ..... أوكي الساعة ثمان ونص أكون عندكم ......... باااي ..
" مها ماكانت تدري أوتعرف أن فيصل اللي قاعد يكلمه أخوها أهو نفسه اللي شافته بالمجلس ليلة العزيمة ...كان عندها فضول تعرفه أو تعرف أسمه بأي طريقة ...
مها: شعندك الساعة ثمان ونص
خالد مبتسم : عندي موعد مع الشباب في المقهى
وصلوا الى أخر عتبه من الدرج وشافوا أبو فهد مع أم فهد قاعدين ينتظروهم عالطاولة كل واحد راح و أخذ مكانه
ــــــــــــــــــــــــــــــــــــــــــــــ