انا ابحث عن اجهزة تكييف مناسبه وتحييرت بين الاجهزه الاقل صرفية للكهرباء ولاتاكل دراهم واجد بحكم انهم يقولون ان التكييف يعادل 70% من الفاتوره بس الي اعجبني الان انك تقدر تستقعد لشركة الكهرب وتعرف كل جهاز كم يستهلك من ريال اذا شغلته طول السنه
في بطاقة كفاءة موجود مقدار استهلاك الجهاز بالسنه بالكيلو وبكذا انت تقسم استهلاك الجهاز بالسنه على 365 وتضربه بقيمة الكيلو واط مثل جهاز تكييف 4طن استهلاكه مكتوب ببطاقة كفاية 12200 كيلو واط ساعه/سنه تقسم الاستهلاك على 365 ويطلع الناتج 33 تضرب الناتج ب قيمة الشريحة الي انت عليها مثلا الشريحه الاولى 5هللات والثنيه ب10 والثالثه ب20 وبكذا يطلع استهلاك المكيف ال4طن باليوم في الشريحه الاولى 1.65ريال والشريحه الثانيه 3.3 ريال والشريحه الثالثه 6.6 ريال طبعا هذا الكلام اذا كان الجهاز شغال 24 ساعه باليوم وعشان تعرف كم يستهلك بالساعه تقسم الناتج بالريال على 24 وبكذا تعرف كم يكلفك هذا الجهاز بالساعه طبعا لها اكثر من طريقة حساب يعني ممكن مباشره تضرب الاستهلاك السنوي بقيمة التعرفه للشريحه وتقسمها على 365 وثم تقسمها مره اخرى على 24
طبعا الي فهمته من النجوم الموجوده في بطاقة كفاءة هو انه كل ما زادة النجوم كان استهلاك الكهرباء اقل يعني مثل جهاز التكييف ابو 4طن في السبع نجوم يستهلك 12200 يعني بحسبه بسيطه نضربه مثلا ب0.10 قيمة الشريحه الثانية يطلع يكلف بالسنه 1220 ريال اما الاربع نجوم يستهلك 16000كيلو واط ساعه/سنه يصير يكلف بالسنه 1600 ريال الفرق حدود 400 في السنه بالجهاز ايظا ممكن ان الاربع نجوم ترفع استهلاك الكهرباء عندك وتصير على الشريحه الثالثه وبكذا تندبل فاتورك اتمنى اني افدكم بالموضوع هذا طبعا المكيف ال4طن كنه مكييفين 24000وحده تقريبا عشان يوضح الموضوع اكثر ولي ان شاء الله موضوع بفصل فيه الوحدات السكنيه كم تستهلك من كيلو واط وليش تم تصنيفها على الشريحه الي هي عليه
المواضيع المتشابهه 
احد يعرف يحسب كم كل جهاز بالبيت يكلفه من ريال للكهرب 
العرض الشجري
