منتديات شمس الحب - عوائل هندية في السعودية تدفع اكثر من 500 ريال لأجل عشاء في مطعم .!

لالسلام عليكم ورحمه الله وبركاته

امس بعد ما نزل الراتب قلت بعزم خواتي الصغار للعشاء في الخارج
وقلت بوديهم لمطعم هندي بدلاً من المطاعم المعتادة العادية او المشهورة من ابل بيز وتشيلز وغيرها ووافقوا
وشفنا مطعم هندي ممتاز قلت في قلبي ان شاء الله سعرة حلو ويكون معقول ولا يكون غالي
لكن صدمت ان السعر اغلى من مطاعم ابل بيز وتشيلز وفرايدز
اطباق توصل لـ 60 و 70 ريال وحمص حول 20 ريال على ايش غالي مادري
قلت حرام اقول لخواتي نشوف غيرة لانه تقريباً حطوا عينهم على كم اكلة قلت امري لله ونطلب منه ..
وانا ذاهب الله يعزكم لدورة المياء الا اشوف اغلب المطعم هنود زبائنه
وعوايل حتى شفت عايلة هندية جايه من زوج وزوجه وولدين صغار وبنتين متوسطات وحدة كبيرة شكلها جدتهم
جلست افكر الله يعزكم بالحمام كم بيدفعون الحساب
والهنود جميعهم هل مدراء الشركات ولا اصحاب مناصب عليا .
والسعودي المسكين اللي هو انا شايل هم الحساب لكن عشان خواتي يهون كل شي
المهم طلع الحساب 260 ريال !!:hawamer5712
اتوقع اغلب العوايل الهنديه وبالتحديد اللي ذكرتها اتوقع دفعوا اكثر من 500 ريال
واعتقد ولا شي عندة 500 ريال يمكن هذة دخلة اليومي في العمل
في البداية بصراحة شكيت لايكون المنيو يختلف عنا قلت لا مستحيل
موب في تركيا احنا اللي يعطون العرب والسياح بشكل عام منيو يختلف عن الاتراك والسعر دبل
المهم وانا طالع الا امر البقاله وبجانبها فوال الا اشوف الشعب السعودي كلهم متزاحمين عند الفوال والخباز
وجلست اقول والله ما اللومكم ..