_ الـــفــــصــــل الــــأول _




كانت جآلسه بـ غرفتهآ وتهز خصرهآ على أغنية " أرجوك " لـ عبدالقادر هدهود !
وشعرهآ الذهبي يتحرك مع حركتهآ السريعة ..
دخلت عليهآ اختها رنا وجلست ع السرير وهي تقول بطفش : شوق ، طفشآنه بقوه
وقفت شوق عن الرقص وسكرت الاغنية من اللاب وجلست بجنب اختها وهي تقول : وانا كمان طفشآنه ، أواسي نفسي بالرقص
رنا بحمآس : نسوي آكشن ؟
حطت شوق رجل على رجل وهي تقول : آكشن آيش يآ حظي وايام اختبارات الحين !؟
رنا : طيب نعزم البنات ؟
شوق بطفش : رنوو ، كأنج مآ تدرين إنو ابوي مآنع عنآ الطلعه والجمعآت لبعد الإختبارات ، اللهم نروح البحر نفتح نفسنآ شوي ربع أو نص ساعه واحنا راجعين
وقفت رنا وهي تقول : لآ حوول ، ليه انتي متشائمة كذا مدري .. أروح اقابل الكتآب الزفت أبرك لي
قامت شوق ورجعت شغلت الاغنية وهي تقول : روحي ذاكري وانا برقص يمكن تنفتح نفسي للمذاكرة لا سمح الله
ضحكت رنآ وسكرت الباب ، وكملت شوق رقصهآ
..
( بيت أبو سامر ) + بالصالة
ليان : ييوه ، كيف صآرت المعادلة كيذآ ؟
مسكت غادة الكتاب تتفلسف : شوفي ياقلبي ، هذي تصير كذا وهذي تجيبينهآ هنآ والباقي خليهم على جنب وتطلع لج كذا ، خبله انتي ما تفهمين
سحبت ليان الكتاب وهي تقول : اسكتي جآيه تتفلسفين على راسي ، آقص يدي اذا كنتي فاهمه حرف منها
رمت رغد الكتاب وهي تقول بعصبيه : يآربي ، ما تقدرون تسكتون ولو خمس دقآييق .. حتى ايام الاختبارات تتهاوشون يلا اشوف كل وحدة تنثبر قدام كتابها وتذاكر
هنآدي وهي مآسكه كتآبهآ وتحآول تحل المسألة على ورق خآرجي : لو تتكلمين من الحين إلى بكرا ما بتشوفين فايده فيهم .. بنات بليز اسكتوا ابي اركز
وكملوا مذاكرة
..
( بيت أبو مشاري ) + جنآح مشآري
دانة بترجي : مشآري بلييييز
مشاري بعنآد : قلت لج لآ ، يلا اشوف روحي غرفتج ذاكري ..
ضربت دانة برجلها الارض وهي تقول : انت ليه نذل كذا ؟
مشاري : بكيفي ، ب ك ي ف ي .. مابي اطلعج ايام اختبارات لما تخلصين اوديج كل مكان
قامت دانة بقهر وسكرت باب جنآحه بكل قوتهآ ، وبس حس انهآ ابتعدت ضحك بصوت عآلي ، يحب ينرفزهآ هي وشوق مآ يدري ليه
..
( بيت أبو راكان ) + الصآلة العلوية
لانا : بابا بلييز
أبو راكان : يابنتي باقي اسبوعين على انتهاء الاختبارات ، اذا خلصت يصير خير
لانا : بس انا ابي كلمه مو يصير خير
أبو راكان : خلاص بكلم الرجال وبشوفهم ..
نقزت لانا وباست ابوهآ
راكان بضحك : عاد انتي تبينهآ من الله
ضحكت لانا وقالت : آفكورس ، بالذمه من متى مآ رحنآ مزرعتنآ ، صآر لنآ تقريباً سنة .. حتى التغييرات اللي صارت فيها يقولون انها تغيرت 180 درجة ما شفناها
راكان بيهبل فيها : لو تشوفينها يا لانا ، يغمى عليج ، صآرت أحلى بكثيييييير ما اقدر اوصفهآ لج ..
انهبلت لانا : احححلف ، لالالا مآني كيف بصبر لبعد الاختبارات ( ناظرت ابوها ) بابا خليها هالاسبوع
أبو راكان : ههههههههههههههههه ، راكان تأدب عن اختك خليها في حالها
راكان : ههههههههههه ، شـ آسوي .. آحب آهبل فيهآ
جآت أم راكان و وجهها مقلوب وجلست
أبو راكان وهو عاقد حواجبه : شفيج ؟
أم راكان : لا ولا شي ، بس هالخدآمه الجديد مآريآ قآلبة كبدي ، ريحتهآ اللهم يآ كآفي
لانا بقرف : إيوآ ، أنا لما مرت جنبي أول مآ جآت حلفت ما أمر جنبهآ
راكان : مدري ليه تجيبون خدامه جديدة ، الخدامات آكثر منآ وتجيبون وحدة زيآده
وقفت لانا وقالت وهي تتجه لجناحها : قول لأمك وابوك هذا هم قدآمك !
..
بعد اسبوعين روتين عآدي " لآ جديد "
| بعد انتهآء الاختبارات |
كل اللي يدرسون جآبوا نسب لآ تقل عن ( 95% ) > كل العايلة دوآفير خخ
وجآت الإجازه ،
شوق تناقز : يــآي ، من جدك بابا بنروح المزرعه ؟
أبو نواف بابتسامة : إييوآ ، بكرا الفجر بنمشي قوموا جهزوا اغراضكم وحطوا لكم ملآبس كثيرة بنجلس هنآك آسبوعين
رنا : وننآسسسه
شوق بدلع : بآبـآتي
أبو نواف : بدون مقدمآت إيش تبين ؟
ضحكت شوق وقالت : بنجتمع اليوم في بيت عمي أبو مشاري
أبو نواف : طيب بس لا تتأخرون عن 11 ، عشآن يمديكم تجون تنآمون على الاقل 4 ساعات ونمشي
رنا وشوق : طيييب
قامت رنا وشوق ركض وكل وحدة دخلت جنآحهآ
( شوق )
طلعت شنطتهآ الكبيرة حمرآء وحطت ملآبسهآ
جهزت شآحن جوآلهآ واللاب ، الميك آب والعطورآت .. إلخ ،
وآخذت لهآ شآور ، ولبست :
http://up.arab-x.com/Nov10/J5F41969.jpg
جففت شعرهآ بالإستشوآر ، جعدته بالجل واستشورت قصتهآ ، حطت لهآ فيونكه بيجيه على جنب
وحطت كحل وروج وردي خفيف
لبست عبآتهآ وطلعت
( رنآ )
طلعت شنطتهآ الكبيرة ورديه ، وحطت ملآبسها وكل شي تبيه
آخذت لهآ شآور ولبست :
http://up.graaam.com/uploads/imag-5/...6b2e0fa5b2.jpg
بس بدون القبعه طبعاً خخخ ، جففت شعرهآ ولبست طوق أسود عريض
حطت لهآ ظل للعين وكحل ، وروج وردي خفيف درجة لونه آغمق من من روج شوق بشوي
لبست عبآتهآ وطلعت
ركبوا السيارة
رنا : كومآر ، لبيت أبو مشآري
كومار ( السآيق ) : أوكي
دقآيق و وصلوا
فتحت لهم دانة الباب
دانة بصراخ : شووووووووووووووق
شوق بصراخ : داااااااااااااااااانة
وحضنوا بعض ،
رنا : الحمدلله والشكر مجآنين ، موب بآقي الا المجنونة الاخيرة وتكتمل الشله ، الله يعيننآ بسس
نزلت عذاري وهي تقول : لا تعتبين عليهم ، لا يؤاخذ المجنون بتصرفاته
رنيم وراها : ههههههه ، أموتن على اللي تقول الحكم
ضربتها عذاري بخفه : عيب تسخرين علي انا اختج الكبيرة
( بعد نص ساعه )
اكتملوا البنات ..
عذاري لابسة : http://up.graaam.com/uploads/imag-5/...4d87dbae76.jpg
رنيم لابسة : http://up.graaam.com/uploads/imag-5/...41977fd3f3.jpg
دانة لابسة : http://www.3suisses.fr/portail3s_img.../2/6/12267.jpg
هنادي لابسة : منتديات غرام | أقلام لا تتوقف عن الإبداع
رغد لابسة : http://photos.azyya.com/store/up2/081113190358rlCD.jpg
ليان لابسة : http://store1.up-00.com/Jan12/uu063831.jpg
غادة لابسة : http://store1.up-00.com/Jan12/OXj63968.jpg
لانا لابسة : http://store1.up-00.com/Jan12/Doo63831.jpg
> يآ كثرهم خخخخ

جلسوا في الصالة اللي تحت ..
شوق : عذاري شغلي اغنية ارجوك ، خلينآ نرقص شوي
عذاري : اوكييه
قامت عذاري وشغلت المسجل ، رفعت ع الصوت وقاموا البنات ويلا يالرقص خخ ..
كانوا ماخذين راحتهم لإنو ما كان فيه احد في البيت
رنا بصراخ : شوووق ، هـزي
وقفت شوق وناظرت البنات اللي وقفوا يناظرون لها بصدمه ، حست بإحراج .. محد كان يعرف انها تقدر تهز وتحرك خصرهآ غير رنا
والحين فضحتها ، ركضت عذاري للمسجل وطفته ،
قربوا البنات ما عدا رنا لشوق وهي ترجع ورى بخوف وقالوا بصوت واحد : تعرفين تهزييين ؟
شوق بارتباك : هاهـ ؟ لآ ما اعرف هذي رنا تكذب !
رنا بخبث : لا يا غلاتي مآ آكذب ،
نآظرتهآ شوق بنظرة حآدة فيهآ نوع من التهديد ، جلست رنا على الكنبه وحطت رجل على رجل وهي تقول : ما بتخوفيني
وبعد ترجي وافقت شوق تهز خصرهآ ، شغلت عذاري الاغنية مرة ثانيه
وبدأت شوق تهز وتحرك خصرهآ بحركات بارعة ، والبنات يناظرونها بصدمه

/
\

ههذا بارت قصير كـ بدآية
انتظروني فالبارت الثاني ^__^