mody30

السسسسساعه 9 بأكبــر الشششركآت ...
ضرب المكتب بيده ووقف : شتقول
بو حمد : ايه ياسيد ..
عطاه ظهره وطالع النافذه : فهمني والحل
بو حمد : والله حنـآ ماتوقعنا سيدي يصير كذا بالاخت فايزه واللحين لازمنا شخص ينظم ديزاين الحفله
التفت ابو طلال بقهر: طيب ترخص
بو حمد بيأس وماسرره ابد حال مديره : طيب ..
طلع وسكر الباب وراه
ابو طلال جلس ع الكنبه وهو مقهور شلوون ومن بيلاقي شخص يثق فيه وينظم له حفلة نجاح مشروع كبير
يحضرها اشخاص مهمين عرب واجانب مين
اخذ مفاتيح سيااارته من ع المكتب ونزل باللفت ووراه ثنين لابسين ملابس سودا وبنظاره واجسامهم قويه
واحد فتح له باب سيارته وركب قدام والثاني ورا
وسسساق السيااره
وكان هدوووء
دخل البيت مهموم جلس ع الكنبه وقدامه التلفزيون مطفي ويفكر من يابو طلال من تذكر من ...
سمع فتحت الباب الرئيسي بضحكات عاليه وهي تكلم بالجوال وطق الكعب على الارض
تقدمت جنب ابوها : هههههه يس افكورس ... هلأ وصلت البيت بسكر بجلس مع احلى بابا ...
ههههههههه اكيد اكيد اشوفك بعدين ياقلبي << سكرت ..
هاااااي بابا
ابو طلال يناظر الاكياس: هااي وانتي كلا بالمول؟
****: شسوي بابا اتونس مع صاحباتي نفطر ونتسووق سوى
ابو طلال : وافري دي هالشيء ؟
**** بشهقه : هههههههه نو افكوورس بس تعرف بنتك تحب تجدد
ابو طلال بتسم على هبال بنته : فديتك طالعه لبوك
****: لعيونك بابا شو اليوم اشوفك راجع بكير ...؟
ابو طلال : ولا شيء بس شووي قلت اريح وانتي يالوليا غريبه راجعه بدري
لوليا : شسوي بابا
ابو طلال بتنهيده : الله يصبرني عليك
لوليا وهي تحووس بأظافيرهااا : يلا اتركك بابا بقوم اريح
ابو طلال : طيب وانا بعد قايم انام ارتاح
لوليا ناظرت ابوها رفعت كتوفها بمعنى شصاير سحبت الاكياس ومشت تصعد فوق
ابو طلال وقف ومشى صعد فوووق طاح بجسمه على سريره الكبير وتنهد شيسوي ماقد طاح بهالموقف من قبل وهو مايثق الا بفايزة ...

,

الضهــر ..
نزلت تكلم بالجوال : هههههههههههههه فديتك شوقوووه ..
شوق : ههههههههههه طيب وافقي
لوليا : طيب موافقه على السسساعه 4 اكون عندك وماشيين بس ايش بتشترين من المول بالاساس
شوق : هههههههههه مدري ودي اشتري كم فستان جديد
لوليا: مو مشكله
شوق : طيب لولا باي على الموعد
لوليا : اوكي سي يااا ..
سكرت وجلست على طاوله الطعام : شخبارك يبه ..
ابو طلال : هلا لوليا
لوليا : يبه شفيك اليوم مو ع بعضك
ابو طلال : ولا شيء .. انتي ليه كل مارزت وحده فيسها بالمول رحتي معاها
لوليا بغرور : هههههههههههههههههههههههههههههههههه ... شسوي يبه عشان اعطيهم رايي بالي يشتروه
ابو طلال رفع حاجب : اوه لهالحد بنتي عندهااا ذووووق
لوليا بزعل : ليش بابا مو واثق من ذوقي
ابو طلال ناظر شكلها ولبسها جد كاشخه حتى بالبيت وذووق جته فكرى : امبلى بس مثل ماهم واثقين بذوقك خليني اثق بذوقك
لوليا وهي تاكل : شلون يبه
ابو طلال : سمعي عندي حفله مشروع نجح والحفله يحضروها ناس مهمين وابي انظم القاعه
بديزاين غيرر والمختصه بهالشيء عندها ظروف .. اقدر اعتمد علييك ...
لوليا بلا مباله : عادي يبه ولا يهمك اعتمد
ابو طلال : طيب نشووف بكرى الساعه 7 تعالي لي الشركه وراح يعطيك التعليمات واحد من الموظفين كذا زين ؟
لوليا : ايه يبه زين
ابو طلال : كفوو يبه ..
لوليا ابتسمت وتاكل
(( ناخذ بريك ........... ))
...( لوليا بنت جميله وجذابه شعرها اسود وطوله لنص ضهرها عيونهااا زرقاء مثل لون امواج البحر كل من شافها غرق في بحرهااا
خشمها طويل واشافيها ناعمه نعومة البزران لونها الطبيعي وردي فاتــح وهي بيضا وجسسسمها جسم عارضات ازياء كل شيء متناسق فيه
عمرها 19 سنه تحب الكشخه والتجديد بكل شيء بس عنيده وفيها صفه الغرور احيانا , صاحباتها يثقووو دووم بذوقها ومحبوووبه بينهم )...
...( ابو طلال رجل اعمال لمشاريع وشركه كبييـره عمره 52.. ملامحه حلووووه اسمر وخشمه طوويل عواينها سودا مو مثل لوليا
شكله شكل شخص ب30 مهتم لصحته كثير ...... عنده بنت وحده لوليا .. مرتـه توفت ولا جابت له ولد يعني ماعنده طلال بس الناس
تسميه هالاسسسم ... يمووت بشيء اسمه لوليا يعاملها كأصغر المخلوقات مايرضى احد يأذيها او يضايقها همه الوحيد يشوفها سعيده
وعاطيها الحريه بكل شيء ودوووم يطمح تكون بنته ) ...

تغذت وخلصت جلست تناظر التلفزيون شوي وملت وابووهاا طلع رايح يشووف اوضاع الشششركـه ..
صعدت فووق بدلت ثيابها
لبست لها تنوره سودا قصيره عند الركبه مع بلوزة بدون اكمام سودا فيها كلمه بالابيض بالانجلش any time
لبست لها اكسسوارات خفيفه مع البوووت الاسوود رفعت شعرهاا بأهماال اخذت عباتها الكتف وشيلتها ومشت
نزلت لتحت شافت سونيا
لوليا : سونيا انا طالعه اللحين اوكيه
سونيا : اوكيه مااماا بجي في اتعشى ؟
لوليا ناظرتها : مدري < لفت شيلتها بعبث < .. يلا بااي ..
طلعت برى لسياره اللكززس البيضا ركبت قدااام
لوليا : ها وينك شوووووق
شوق : بالبيت اكييد
لولياا : اني جايه يلا تجهزي
شوق : اوكي ثواني تصلي كمان لبقيه الشله
لوليا : اوكي سيا ...
تصلت لوليا لراما : هااي راما وينك فيه
راما : هينا قريب برى البيت
لولياا : اجل لاترجعين هههههههه روحي *** مول
راما : طييييب تفقنا بتمري على شوق
لولياا : اكيييد يلا سيي يووو ..
راما : سي يوو
لوليا ناظرت السواق : على بيت شووق
السايق : اوكي مدام
لوليا تصلت كمان على ألين
لوليا : هاي الين نايمه
ألين : لا بس نعسسسانه
لوليا : طيب رايحين المول تجي معانا ؟
الين : اكيييد بس ستنوو علي نص ساعه اسبح ونروح
لوليا : خير خير .. لا عيني اقول سبحي وخلي اخوك فهيدان يجيبك
الين : اووووف طيب وين انتوو
لوليا : اللحين بالطريق لشووق
الين : طيب باي
لوليا : باي ..
السايق :مدام لوليا وصلنا
لوليا دقت لشوق تطلع لها دقاايق ونزلت شووق
ومششووو للمول
نزلت لوليا مع شووق ودخلوو المول
شوق كانت لافه لفتها بأحكام عكس لوليا مو مهتمه
دخلووو المول وكانوو يمشوووووو بكل هدوء بس طقة الكعب تبع بوت لوليا ههه مطلع صوت
كانت تمشيء وتسسسولف
شووق : خلنا نوقف ندخل هيينا
دخلووو شوق طبعا كانت البرقع اما لوليا كاشفه الاخت مو هامها هع ..
شوق : شرايك ذا الفستان حلوو صح يصلح حتى لحفله ولد خالتي بعد سبوعين
لوليا ناظرته : ممممـ حلو بس اللون الابيض منه اظن احلى بدل الاحمر
شوق : اوكييه اللحين نشوف
نادوو على الي واقف يسألو بكم السعر
اخذت شوق مقاسها بلون الابيض وطلعووو
لوليا خلينا نصعد فووق ع الطاولات على ماتكمل المجموعه ونكمل شوبينغ
صعدوو فوق اخذوو لهم ببسي وجلسوو ع الطاولات هي وشووق يسولوو ويضحكوو
جاهم ثنين من بعيد يرقمووون
لوليا وهي مو مهتمه بالها وبال الجوال تبيهم يبعدو
*****: عطييينا وجه ياحلو
لوليا بسأم : اووف شتبي
*****2: ول ول اخووك مبين رح تاكلنا
لوليا : والاخير تبوو شيء ؟
****: نبي سلامتك ياعوومري اموااااااه اروح لك فدى تتعرفين علي ؟
لوليا : اوووووووووف اووووووف شهالناااس نقلع
*****2 : اقول شوف الثانيه اما ان عواينها تذذذذذذبح
شوق ساكته ماتحب حركات الشباب دي
لوليا : والحل بتنقلعو لو لا
******: اذا هذي عواينها تذبح شووف الي معصبه شلون عواينها بحر
لوليا رفعت الببسي وكبته عليه : يلا نقلع
*****2 بخوف : من سمح لك تكتينه على صاحبي
لوليا : لالااه ياشيخ مسوي فيها دفااع وربي لو مابتعدت ارويك
*****: مايلوق عليك معصبه وربي حلاك تضحكين تكفين خذي الرقم ولا فكرتي دقي علي باي وقت
لوليا اخذت الكرت الي حطاه على الطاوله ومزعته بوجهه ورمته بالارض وداست عليه : كذا زين صح
شووق : لوليا خلينا نمشي
***** يصوفر : ينعل شكلك لوليا ايه والله لوليا تجنني وبالقوة
لوليا ناظرت شوق بقهر : امشي بسرعه
اخذت شوق شنطتها والكيس ومشت ورا لوليا الي تمشي بسرعه
صدمت لوليا بـواحد : آسف
لوليا : اوفففففف بعد عني
ناظرها ونقهر شهالناس اقول اسف تقول بعد عني مدري ليش رافعه خشمها هين .. < ومشى ..
شوق : شفيك معصبه خلااص مو اول مره يغازلوك بعدين تغطي وصدقيني ماراح يقربون لك ويزعلوك
لوليا لتفت لها بعصبيه : خير شوق اني اتغطى عشانهم لا والله يخسووون اني عاجبني شكلي كذا ياختي مزاج
جتهم راما : هاي بنااااااااااااااااااات
لوليا وشوق: هاي
راما : شفيييكم كذا ؟؟
شوق : كالعاده يغازلون لولا وتعصب
راما : هههههههههههههههههههه ياعمري عليك من جمالك يحق لهم يغازلوو طوايفك مشي روقي حببتي لاتخليهم يخربوو مزاجك
لوليا ناظرت راما وبتسمت ومشت معاهم
لين بعد اكثر من ساعه وصلتهم الين وهي تسب
راما : ياربيه شهاليوم لاتعصبوو ياناااس وربي الدنيا ماتسسسوى قولي شفيك الوونه
الين : النذل فهد رفع ضغطي على مايجيبني هنا ليش وووش بتسوي وليش ووش بتشتري ياخييييييي يحل عني
لوليا : هدّي الين .. مشوو نرتااح ونروق الاخت الين ونقووم نتمشى
راما وشوق : اوكيه
راحووو وجلسوو
شوق : شفيك لوليا اليوم احسسسك طفشانه
لوليا : وبالقوووة بعد ..
الين : من حقها تتطفش هع
راما تشرب ببسي : كلي تبن
لوليا بعدم اهتمام : بكرى رح اروح شركة ابوي
شوق شهقت : لييييييييش
لوليا : بصمم له حفله نجاح مشرووع
راما: الله يالولا احلى احلى يعني التصميم بكون منك انتي
لوليا : اي
الين : هالله هالله عاااد ههههههههههههه عزمييينا
لوليا : ههههههههههههههههههههههههههههههه مجانين .. ولا يهمكم معزومين انتووو
راما: وااااااااااااو يمكن اشوف فارس احلامي هنيك
لوليا ضربتها بخفيف وبغرور : لو سمحتي لاتفشلينااا
راما : مالت ...


...


اليييوم الثاني السسساعه 7 صحت وهي نعسسسانه تبي تنام بس هي مانست انها وعدت ابوها قامت ترووشت
ولبست لها فسسستان ناعم سماوي مع اكسسوارات باللون الازرق السماوي اخذت شنطه كبيره زرقاء
وتكحلت بالازرق وغلوس وردي فاااتح وماسكرا وحطت لها ورده زرقاء بشعرها وطلعت اخذت عباتها الكتف
ونزلت تحت لبست شيلتها وعباتها وكالعاده لبستهم بأهمال < مدري متى تعقل البنت ..؟
لبست الشيله والعباه كانت مفتوحه مع ان فستانها قصير بس مو مهتمه طلعت صعدت السسياره الكزس ركبتها وهي متوجهة الشركه
دخلت الشركه وهي تمشي فيها وعباتهاا الهوى يلعب بها وشيلتها تقدري تقول نص مرتبه ونص مو مرتبه
سألت عن ابوها وقالوو لها ينتظرهاا
صعدت فووق بالممر تمشي مافيه احد كلن لاهي بشغله وهي قريب توصل للمكتب فسخت شيلتها وخلت الهوى يتنفس شعرها طلع شخص من المكتب وبيده اوراق
كانت بينهم مسافه ناظرها بكل احتقار وهو من داخله شهالبنت كلمه تجنن قليله عيونها زرقاء وتلبس ازرق شفيهاا ذي جد مو طبيعيه طالعه خق عليها وبقوة
لوليا : خير شتطلع ؟
*****تذكرها هذي الي صدمته بالمول امس : ابد ولا شيء
لوليا ناظرته : وقـــح
****: حترمي لو سمحتي
لوليا تقلده : حترمي لو سمحتي
وصلت الباب فتحته ودخلت
وهو مقهور من ذي ولا ماتستحي داخله شركه تبي تشوه سمعتها بهالعباه المفتوحه وقصير بعد
مشى وهو مو متهم بس باله مشغول شلون المدير بيقابل بنت مثل كذا مو محترمه ابببببببببببد ...
دخلت على ابوها : هااااااااااااااااي بابا
ابوها نقهر من داخله انها شايله شيلتها من على راسها : ليش يبه شيلتك شلتيها
لوليا : يبه حرااااااااانه واني ماشيه ماشفت احد قلت افسخها
ابو طلال : وعسى ماشافك احد
لوليا تذكرته " وع ": لا يبه ماشافني احد
ابو طلال : تمام يلا لفي شيلتك عشان اروح اياك مع العامل يعلمك التفاصيل وهالله هالله خلصيها بأسرع ماتقدرين لان ورا بكرى الحفله وماعندنا اي وقت
لوليا: شفيك يبه ذبحتنا وربي بسوي الي تبيييه ورح تنذهل كمان بس عندي طلب
ابو طلال : ايش هو ...؟
لوليا : ممممممــ .. صاحباتي يبوو يحضرو الحفله احم .. هي حفله كبيره اكيد صح ؟ تكفى يبه
ابو طلال : هههههه طيب ولا يهمك يحضرو ليش لا بس هاا مو تتهوري بالعباه
لوليا : شدعوه يبه ولا يهمك تامر
ابو طلال : يلا تحجبي يابنت صيري بنت سنعه
لوليا بزعل : يبه
ابو طلال : عيون ابوك يلا بسس ..
لوليا لفت شيلتها وابو طلال اخذها ووداها عند العامل وجلس يعلمها التفااصيـــل ...
لوليييا : طيب ممكن ترويني القاااعه
العامل : اكييد مدام
لوليا : اوكي ثانكس وقفت ووقف وراها العامل مشى قبلها ومشت وراه نزلوو تحت
بالسرداب الي فيه قاعه كبيره طاولات ومكان القااء
لولياا : مممممــ طيب شتقترح اي لون
العامل : اسف مدام هذا انتي تختاريه
لوليا ناظرته بغرور : كنت امزح معك ومشت وهي تتفحصهم ..
خلااص راح تجيب لي كتلووج لـ ورد منسق لان راح نحط على كل طاوله فيهاا مزهريه وورود
وكمـان كتلووج لشموع راح نملي حواف الي هنا شمووع وممممم وكمان كتلوج لأقمشه طاولات راح نغيرهم وايش ياربي
وهي تناظر القاعه ..
طيب روح اللحين جيبهم لي يلا عشان نشتغل من اللحين وابيك تجيب لي كتلوجات لاأفخمهم
العامل : طيب
راح ورجع لها بعد 10 دقايق
فتحت كتلوجين للاقمشه تصفحتهم لين عجبها اللون البني الي مطرز بحوافه ذهبي عجبتها درجة اللون وحتى طريقه التنسيق بالكراسي بكتلوج ثالث
وقررت يكون هذا لون البني والذهبي فتحت كتلوج الشمووع وختارت شموع بنيه وفيها شرايط ذهبيه
وعند الورود ختارت يكون الورد الاصفر وتفقت يكون على كل طاوله ورد مجفف مبعثر عليها وتفقو على البقيه من اكل وشرب وغيره ..........

وباليوم الثاني ...
كتملت القااعه وطلع شكلها رهيب من بعد ماكان يمليها اللون الابيض
حتى العامل شاف التنسيق كثر منيح كل التنسيقات الي قبل كان فقط تغيير الاقمشه واكل وشرب بدون شموع ورد وغيره
دخل ابوها بعد ماخلصوو العمال شغلهم بانت بوجهة ابتسامه عريضه : جد اختيارك رهيب لولا
لوليا : ولوو باباا .. ^_^
ابو طلال : جد ماتوقعت كذا
لوليا : اكيييد اني لولا مو اي وحده
ابو طلال : هههههههههههههههههه بدأ الغرور يشتغل عندك يابنت ابوك
لوليا حركت خصل شعرها بغرور : اكيد ..

اليوم الثالث يوم الحفله
كل البنااات تجهزووو ولبسووو وطبعا شددت عليها لولياا ان يلبسوو الكتف ...
شوق : لبست تنوره ورديه لنص الركبه وبلوزة ورديه فخمه تناسب الحفلات < عشانها مارح تفسخ العباه ماتبي تضايق نفسها بفستان ..
مع الكحله والماسكراا والقلووس الوردي الفاتح طالع شكلها رهيب ولاننسى الاكسسوارات مع البوووت كمان وخلت شعرها براحته فيه فيونكه ورديه ..
راما : لبست نفس لبس شوق بس تنوره سماويه والبلوزة كمان سماويه ونفس ستايل شوق بالضبط .. بس هي سماوي .. < متفقه مع شووق ..
ألين : لبست ليها فستان نااااعم مره برتقاالي فيه ورده عند الخصـر وحطت ليهااا اكسسوارات خفيفه مع الكحله والماسكراا والقلووس البرتقالي الفااتح
طلع شكلها قمه البراءه وشعرهااا خلته كمان على كتووفهاا ..
لوليــآ < بعدين نعرف ايش لبست ^_*
طبعــآ جى المسااء الساعه 8 وربع .. الحفله تبدأ من 9
لولياا كانت بالقااعه تشوف ايش الناقص وتقوم ببعض التعديلات
وكانت لوحدها فسخت العباااه وجلست تدور على نفسها من الوناسه صار نفسها تروح عرس< اقولكم البنت مدري متى تعقل ...
لوليا راحت عند الشمووع عدلت شمعتين كانووو قريب رح يطيحووو .. وبعدين مشت على طاوله طاوله تشووف اذا التعديلات موجوده او لا او ناقص شيء
نتبهت لطاوله موضوع عليها وردتين صفرا تعجبت وبقيه الطاولات كلهم ورده وحده .. أخذتها وحطتها تحت اذوونها
دقت على ألين : هااي الين وين انتووووو
الين : هييينا والله مجتمعات في بيت شووقه شوي ونجي ..
لولياا : اوكيه مو تطولو وتخلوني لوحدي
الين : ههههههههههه طيب طيب ..
لوليا : باي
الين :بايااااااااات .....

/

شووق : شرايكم فيني اجنن صح ؟؟
الين : ايه تهبلين وبالقوة والله بس حسسافه مدري ليش ابو طلال متشدد ههههههه نبي نفلها ونفسخ العبي
شوق : تأدبي الين مو تتهوري
الين : ههههههههه طيب بس ماقلتيلي شرايك فيني
شوق : من يوم يومك تجنني بالبررتقالي
راما بغرور : ماظنها تجنن اكثر مني
شوق ناظرت الين متعودين هم على غرور راما الي مايخلص : ههههههه مو مشكله اصلا كل الشله حلوين ويجننو طالعين علي
راما وهي تحط المناكير بأظافيرها خلصت : مممـ ماظن يمكن حلوين لاني معاكم بسسس
الين تنهدت : ماقلت لكم
شوق : ايشش
الين : ههههههههههه بابا يمكن يسفرنا هالاجازة الى باريس
شوق : واااااااااو جد والله ؟؟
الين : ايه .. حياكم ..
راما تغير السالفه : يحيك البااري .. بنات متى بتروحو الحفله مليييت ..
شوق : بعد شوي ستني شنسوي نروح من اللحين
راما : مممـ مو مشكله كمان ... شرايكم بأظافيري
الين : تهبل زي راعيتها
راما : تسلمين قلبي ..

/

ابو طلال وهو يمشي بالممرات شاف واحد من الموظفين : فيصل
لتفت فيصل : نعم طال عمرك
ابو طلال : وعمرك يارب .. روح لي القااعه وقول لـ لولا القاعه جاهزة لو لا
فيصل " من لولاااا هذي ؟؟ " : طيب بس اخلص هذوول
ابو طلال : ماعليك خلي مشااري يكملهم عنك روح اللحين اخاف ناقص شيء
فيصل: طيب تامر شيء ثاني
ابو طلال ببتسامه : ابد الله يسلمك ..
مشى فيصل وهو يرد لمديره الابتسامه رايح القاعه ..
مشششى وهو يفكر من لولا يمكن موظفه جديده .. دخل القاعه وهو يشوف لون البني ينعكس على الارضيه من اللمعان ..
شاف بنت عاطيته ظهره بنهايه القاعه وهي تشييل الورده تحطها بأذونها : احم احم ..
لوليا بدون ماتلفت : خير ؟
فيصل وع مبين مغروره : انسه لولا
لوليا منقهره من جالس يدلع اسمها لتفت وطاحت عيونها عليه : خييير قلت
فيصل شافها خق " وع اللحين انا جاي اسال وحده مثل ذي " تكلم بغرور يستهزأ : الرئيس يقولك خلصتي ؟ مع اني ماظن لان مبين عليك
لاهيه بدل ماتشوفي شغلك
لوليا تقربت ليه وتكلمت بثقه : عندك شيء ثاني
فيصل بقهر : لا ابد والله بس قلت تراك مزودتها داخله شركه مين تحسبي انتي مع هاللبس تبي تخربي سمعتها !؟
لوليا تقربت ومشت وصار وراها ولتفت له : تدري تكلم من ؟
فيصل بستهزاء :اكلم لولا الوقحه
لوليا بعصبيه : لاتغلط فاهم
فيصل : اوه نسيت الناس الي مثلك تسمح لنفسها تقول لناس وقحين بس ماتسمح لحد يقولها صح
لوليا تقربت له بكل جراءه من القهر ناظرته تحس انفاسها بتنقطع وقفته واثقه عيونه ذبحتها وجسسسمه رياضي ماقدرت تطلع فيه اكثر : سمع زييين لو صدقني ماعدلت اسلوبك رح تنطرد تفهم
فيصل : ومن انتي تطرديني
لوليا : من ؟ طييييييييييب ستنى شبسوي
راحت تجيب جوالها من على الطاوله
فيصل حب يعرف ايش رح تسوي عيونها تدل فيها ثقه مو طبيعيه امواج ثابته : اسمي فيصل فيصل سمعتي ؟ فيصل
لوليا دقت عليه وبعصبيه وهي تناظره : هلا
ابو طلال : هلا لولا هااا شصار معك ومع فيصل ناقص شيء ؟
لوليا بعصبيه < اذا عصبت تنسى احد اسمه بابا : هذا الي انت جايبه وربي اذا ماتأدبه مالي جلسسسسه هنا
ابو طلال لما شافها معصبه خاف مايحب احد يعصبها او يزعلها:قوليلي قلبي شمسوي لك
فيصل ناظرها يبي يعرف تكلم من ؟؟؟؟؟ وهل هي تكلم صدق لو تتلعب بس شكلها مره جااده
ابو طلال : قولي لولا شفييييك ياحياه ابوك انتي
لوليا : هذا الوق اقصد الي جايبه وربي يبه اسلوبه وقح تفهم تعامله اياي يقهر ترضاها لي يقول اني بخرب سمعة الشركه
فيصل ناظرها وبوجهه الف علامه استفاهم من اي ابوو !
ابو طلال : طيب هدّي وخليه يجيني
لوليا : طييييب .. باي
سكرت وناظرت فيصل رمت الجوال وببتسامه فيها انتصار : يلا تقدر تروح لمكتب المدير؟
فيصل مو مستوعب : كيف ؟
لوليا : قلت لك روح مكتب المديــر لو حاب اوديك بنفسسسسي
فيصل: وليش؟
لوليا : انت نويت ع عمرك نقلع يلا
فيصل ببتسامه: اوكي باي يا لوولا
لوليا : باي
طلع فيصل متوجه لمكتب المدييير منقهر بس مو مبين عليه
دخل مكتب المدير بعد مادق الباب وهو يشوف المدير عاطيه ظهره يناظر برى من الزجاج
ابو طلال : اجلس
جلس فيصل
لتفت له ابو طلال : شمسووي مع بنتي لوليا ؟
فيصل بصدمه " بنتـــــــــــــــــك " ؟؟: !!!!!!!!!
ابو طلال : فييييصل
فيصل : ايوا طال عمرك .. مدري انها بنتك ولما شفتهاا هناك قلت لها بتخربي سمعة الشركه مو قاصد اي شيء صدقني ..
ابو طلال : وليش قلت هالكلام ماسمح لك يافييصل
فيصل: بنتك كانت فاسخه العباااه
ابو طلال نقهر بقووة معقوله شافها بدون عبااه : الخطا منك شلون تدخل وماتدق الباب هااااااه
فيصل " الله ينتقم منك يالوليا ع حركتك هيييين ماتركك بحالك " : اسف وربي اسسسف قلتلك ماكنت اقصصد ..
ابو طلال تنهد : حركتك ذي ماتنعاد انا ماراح اطردك ولا اي شيء بس هذا انذار لك يافيصل مفهوووم لانك موظف ممتاز ولك مكانتك الغاليه واتمنى
كل التمني انك ماتعيد هالحركه
فيصل : ان شاء الله طال عمرك
ابو طلال : تقدر تترخص ..
فيصل وقف وطلع وهو مقهور معقوله هذي بنت المديييـر الي مدلعها مبين عليها الغرور راكبها من عاليها لواطيهاا نقـهــر وبقووة بعد ..
قرر يروح القااعــه من جديد < شكله ناويهاا طرده اخونا فيصل ..
دخل القااعه وهي تعدل بالورود : شكراا
دق قلبها وبقووووة تحس بيطلع قلبها من دقااته لتفت له ماحطت عيونها بعيونه : مممـ تمام العفوو بالخدمـــه حنــآ
فيصل تعجب ليش ماتناظره ؟ راح ووقف جنب الطاوله الي هو واقفه فيهااا : تدري
لوليا بتمشي : مابي ادري ..
فيصل مسك ايدها وجرها لعنده وبهمس : حركتك دي ماراح انسااها وتذكري كما تدين تداان
لوليا مو قادره تتنفس تحس بتختنق منه وبكلمات متقطعه : بع بعد عن عني
كانت تحس من شوي انها اقوى ماخلق ربهااا بوقفتهاا انها تستهزأ بس اللحين بعد ماشتكت تحس انها ضعفت قوتها استهلكت ..
فيصل ناظرهاا : مممـ قبل ماتقوليلي ليش ؟
لوليا بعصبيه : اقولك بعد عني تقولي ليششششش ؟
فيصل :هههههههههههههههههههه ايه ليش ابي اعرف لي حق اظن ؟
لوليا رفعت راسهااا شاف وجهها من قرب لانها صايره قريبه بالاساس واجد : انت مالك حق تمسك يدي تفهم
ناظر ايده الي فوق يدهاا ويحسهاا نار تغلي من الحراره شال يده وشااف كيف اصابيعه نطبعت باللون الاحمر على بشرتها البيضا
تنهدت وبعدت شوي : تبي شيء
فيصل ناظر عيونها وشال الورده من على اذونهاا باسها ورجعها : ابد ولا شيء قلت لك ابي اشكرك واللحين طالـع
مشى وجى بيطلع حب يقهرها عشان لاتقول لبووها: هههههههههههههههه اذا بتقولي لبوك مثل البزران اني بعد مسكت يدك ترى ماتفرق معااي بااي ياعسسسسسسل ..
رمت الورده بالارض وبصوت عالي : اكـــــــــــرهـــــــــــــك
صرخ ليها : وانا بعـــــــــد ..

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

v,hdm udkd d,l rhfgj udki u[.j dh khs Hk.gih v,hdm u[.j udkd udki