قصص - روايات - حكاياتلطرح القصص والروايات الخيالية و الحقيقه و الكتابات الخاصة " ذات العبرة و الفائدة ",
القصص والروايات قصص واقعية و روايات - قصص واقعية، قصص عربية، قصص أطفال، قصص حب، قصص غراميه، قصة قصيره، قصة طويلة قصص روايات ادربيه طويله قصص واقعيه قصص روايات قصص حب قصص رومانسيه روايات رومنسيه قصص واقعيه قصص و روايات حب ,
السلام عليكم ورحمة الله وبركاتة
حابة انزل رواية من كتاباتي
طبعا هاي اول رواية الي
نزلتها في منتدى وهاد المنتدى التاني الي بنزلها فيه
وان شاء الله بلاقي تفاعل منكوا
واي انتقاد انا جاهزة
اترككوا مع البارت الاول
الساعة (2) ظهرا
بعد انتهاء دوام المدرسة
رغد :- سلام يا الهنوف بشوفك بكرة .
الهنوف :- سلام يا حبيبتي بشوفك بكرة .
رغد :- يلة يا سلام نروح .
سلام :- يلة انا جاهزة .
رغد وسلام مروحات من المدرسة لاحظت رغد انو في واحد في الشارع بيتطلع فيها نظرات مو طبيعية .
رغد ( يا الله شو مالو هاد بيتطلع فية هيك بس يا الله شو حلو وشعرو كمان بيجنن .......)
قطعت سلام عليها تفكيرها :- شو يا رغد مالك اليوم ساكتة وسرحانة وله زعلانة مني وما بدك تحكي معي .
رغد :- لا والله بس تعبانة شوية وراح اموت من الحر .
سلام :- اها . طيب يله سلام .
رغد :- سلام .
رغد (( بنت حلوة كتير شعرها اسود وبشرتها بيضة وطولها حلو ومناسب لون عيونها خضر في الاول ثانوي و صديقة الهنوف ))
الهوف (( بنت امورة خفيفة دم بتحب رغد كتير شقرة وعيونها زرق طولها حلو في الاول ثانوي ))
سلام (( صديقة رغد بيضة عيونها سود وشعرها اسود ))
راحت رغد على غرفتها وغيرت ملابسها وطلعت عشان تتغدى مع اهلها .
ام محمد (( ام رغد وبتحب البنات كتير متحجبة لكنها متحررة شوية ))
ابو محمد (( ابو رغد عندو شركة كبيرة ووضعو المادي منيح كتير ))
محمد(( اخو رغد الكبير عندوا (22) سنة في السنة الاخيرة من الجامعة . طويل وحلو كتير شعرو اسود وبشرتو قمحية وعيونو سود ))
مشاري (( اخو رغد اكبر منها . سنة اولى جامعة وتوام ريم حلو كتير اشقر وعيونو خضر وما في شبه بين مشاري وريم ))
ريم (( اخت رغد حلوة بيضة هية ورغد مو بس خوات اكتر من خوات بس رغد احلى منها ))
مشعل (( اخو رغد الصغير في الصف التاسع دلوع العيلة حلو وشعرو اسود وبشرتو شوية حنطية ))
ريم :- رغد نادي محمد ومشاري ومشعل ع شان نتغدى .
رغد :- طيب هسة بناديهم .
ام محمد :- يله يا ابو محمد الاكل جاهز .
ابو محمد :- هيني جاي .
اجتمع الكل على السفرة وسموا وبلشو اكل
محمد :- طمني يابا ان شاء الله انحلت المشكلة في الشركة .
ابو محمد :- لا الحمد لله انحلت المشكلة واتحسن الوضع .
ام محمد :- الحمد لله .
ابو محمد :- يلا يا رغد ومشعل بدي همة لانو الامتحانات بلشت .
مشعل :- ولا يهمك قدها وقدود .
رغد :- ما تخاف علينا .
ابو محمد :- اذا جبتو علامات عالية رح انسافر .
رغد :- جد بابا .
ابو محمد :- يعني بمزح .
ريم :- يابا احجز من هسة .
رغد :- لا ما تثقي كتير .
ريم :- اذا ما انجحتي ما تروحي .
رغد :- لا بدي اروح . بابا بدي اخذ صديقتي .
ابو محمد :- ولا يهمك يابا .
خلصو الكل اكل وقعدوا عند التلفزيون .
رغد :- ريم ممكن تيجي معي ع غرفتي .
ريم :- خير شو في .
رغد :- لا بس بدي تفهميني اشي في الرياضيات .
ريم :- اها طيب .
طلعت رغد على غرفتها ولحقتها ريم .
ريم :- احكي شو في ما تفكري مشا علي انك بدك افهمك رياضيات .
رغد :- ولي داهية ما بفوتك شي .
ريم :- طيب يلا احكي .
رغد :- صار معي اليوم شي من الاخر .
ريم :- شو في .
رغد :- اليوم وانا مروحة شفت واحد بالشارع ........
قاطعتها ريم :- جد فكرتك شفتي وحدة .
رغد :- بلشنا يعني روحي بطلت احكيلك .
ريم :- ما تحكي قال يعني حكو عني اني ميتة تاعرف شو صار انتي حكتيلي تعالي اقلك شي مو انا الي سالتك . ( عاد هية ميتة تتعرف شو صار )
رغد :- الحق مو عليكي الحق على الي بحكيلك .
ريم :- لا خلص حقك علية احكي شو صار .
رغد وحكتلها كل الي صار
ريم :- اكيد معجب يا حبيبتي ما شاء الله عنك ما في حد بقاوم جمالك يا حلو .
رغد :- والله ( ورمت عليها المخدة ) اقول اسكتي واطلعي برا بدي ادرس .
ريم :- طيب اذا صار شي بتحكيلي اول باول .
وسكرت الباب وطلعت .
المواضيع المتشابهه 
رواية لا تسألني كيف و لماذا أحببتك 
العرض الشجري
