اليوم طلعت في كل وجهاتي اللي ذهبت فيها شفت اسعار اول مره تمر علي
في البداية طلعت للتعاونية للتامين من اجل تجديد تامين سيارتي
حتى نزلت قيمه السيارة من فوق 110 الف رغم انها تستاهل اكثر
المهم نزلتها الى 90 الف و 80 الف
لكن مهما نزلت سعر السيارة ما ينزل ولا 300 او 400 ريال
بالاخير التامين يقولي بـ 7000 الف ريال تقريباً
والسيارة جديدة صعب أمنها ضد الغير ومالها سنه
حتى تامين الغير ارتفع اتوقع يمكن يوصل فوق 1500 ريال ويمكن اكثر !!!
طلعت وانا في حيره من امري والله مبلغ موب سهل يدفع
رغم اني العام دفعت حول 4 الف ريال تقريباً
الخوف يصقعني واحد موب مامن ولا تامينه ابو كلب
وقتها يلا كلها الحين رح طارد وراه ولا رح سعر ورح للورش ورح للمرور
وهي السيارة تستاهل تصلح بالوكالة اساساً دامها جديدة
حتى وانا طالع من التعاونية رحت اعبي بنزين لأول مرة بعد الارتفاع
انصدمت بالسعر توقعت حول 40 الريال لاني كنت اعبي فل حول 26 ريال لكن هالمرة الفل 48 ريال !!!
توني صارف خمسين ريال راحت كلها للبنزين
اول فيها خير الـ 50 ريال اعبي بنزين واتعشى فيها وامر البقاله بعد !!
حتى مريت البقاله اللي بنفس المحطه فيها قهوة دانكن دونت شطفت شوي القائمة وانا عند محاسب البقاله
الا اشوف معدلين بالاسعار حاطين لزقه على السعر القديم على كم مشروب مع انه مادري وش سعر القديم كان علي
بعدها طلعت ادور مطعم مريت مطعم مطبق طلع معدل بسعره بعد هو حاط لزقه
على المطبق العادي صار بـ 4 مع انه قبل شهر ماخذه منه بـ 3 ريال
ويجيك المطبلين ويقولون احمد ربك وامن وامان ولا يزعجنا يقول
" هذة بدل ما تشرب قهوة 18 ريال كل صبح ما تفرق معك يوم لاتشرب "
لعنبوا داركم تحسبون الشعب كله يشرب مثلكم قهوة كل صبح
الله يشهد علي انه فطوري سندويشه لوزين جبن كل صبح بدون شاي
موب مثلكم بطرانين قهوة كل صبح من ستار بوكس بـ 18 ريال
المواضيع المتشابهه 
يا عالم وش اللي صاير كل شي ارتفع التأمين وصل 7000 ريال لدى التعاونية .! 
العرض الشجري
