الاسبوع اللي راح كنت في احدى الوكلات السيارات
وكنت اشوف سعر احدى السيارات مع اخوي
الغريب مندوب الوكالة جلس ينصحنا في الشراء عبر التأجير منتهي بالتمليك عن الشراء بالكاش
مع اني من الناس ضد شراء السيارة تأجير بالتمليك ليس بكلامي اني كاش لا والله على حالي
لكن لأسباب عديدة ومنها ناس تقول حرام وناس تقول حلال رغم الفتوى تطلع
من مشايخ والله يحاسبهم على افتائهم
وايضاً المشكله الاخرى الفايدة الكبيرة مثلاً سيارة سعرها 100 الف
تطلع يمكن الفايدة 30 الف ريال وتصل الى 50 بعد 5 سنوات اقساط
غير ان السيارة موب بـ اسمك وبـ اسم البنك وكأنك موظف لدى البنك
لانه طبعاً السيارة بـ اسمهم وترجع لهم في اي شي ولا لك حق تلعب فيها
وحتى عند السفر للخارج لازم تصريح للدخول البحرين والكويت وقطر مثلاً
واشياء مخفيه بالعقد
انا من الناس الحمدلله حرمت نفسي لفترة حتى ما جمعت وربحت بالاسهم
وشريت سيارة ما كنت احلم فيها ولا كنت افكر اشتري بالتأجير حتى لو مامعي القدرة المالية
لكن الموضوع ومافيه ان المندوب يقول ان اغلب السعوديين يطلع السيارة بالتأجير منتهي بالتمليك
والمصيبه يقول ناس في وظايف كبيرة ويطلعها بالتأجير على خمس سنوات
وتطلع عليه السيارة بالكاش 200 الف مثلاً وبالايجار تطلع يمكن 80 الف ربح زيادة تقريباً
وقال عندي معلومة لو تشوف السيارات اللي بالشارع لكزس ومرسيدس
اكثرها الناس مطلعينها تأجير وتحصل عندة القدرة المالية لكن ما يبي يدفعها كاش
وهالكلام يقولي من ناس شغالين في هذة الوكالات موب من كيسه .
انا اشوف هذة نقطه سلبيه غير المشاكل اللي ذكرتها بالاعلى لكن ليش البعض
اصبح يبحث عن الفشخرة بالسيارات يعني اغلب اللي يطلعون رنج ومرسيدس
ولكزس اغلبهم تأجير وفوق كذا خسارة عمرة وهو يدفع هالمبلغ وهي موب بـ اسمه
صحيح بعضهم ما تفرق معه الخصم من راتبه كل شهر
لكن عمر 5 سنين وانت تدفع وفوق كذا نهاية الخمس سنين تدفع لها ههههههههه
يعني تخيل السيارة قديمة وبعد خمس سنين قالوا يلا ادفع 40 الف كما مكتوب بالعقد
وش شعورك شي يصدم الواحد وانت تشوف السيارة منتهيه عمرها .
عشان كذا اشوف التأجير منتهي بالتمليك سبب في زحمه الشوارع
وخاصه بعد العروض العديدة اللي تنزل من الوكالات بدون دفعه وبدون رسوم
وبدون كفيل ووووالخ بس وقع وتحملنا خمس سنوات من الشفط
المواضيع المتشابهه 
معقولة ... اغلب السعوديين سياراتهم تأجير منتهي بالتمليك.! 
العرض الشجري
