انا استغرب من البعض يخلي حريمه يفتشون والمصيبه اذا طلعت تفتن الناس
في المجمعات اما حاطه مكياج او لجمالها يعني الغيرة عنده صفر عند مرته قدام الناس
في بعض المناطق عندنا تكثر بناتهم انها تفتش وعادي قدام الناس حتى يجلسون مع بعض على طاولة أكل
وفوق هذا كله تلبس عباه تلفت نظر الناس اما بلونها ولا زخرفتها ما يسبب تحرش البعض لهم في الاسواق
"انا موب جالس اعترضهم شي راجعلهم "
وان كان حتى المحتشمات يتعرضون للتحرش لكن بشكل اقل
البعض عندهم سياسه اذا داخل السعودية اتغطى يعني عيب وحرام
اما برا افتش واتحجب يعني حلال برا او من باب مين يشوفنا !!
ولا بعضهم تحصلهم يفسخون الحياه مره وحدة ويلبسون جينز بالخارج
المشكله برضا رجلها ولا اهلها قبل كل شي وبالداخل ماشاء الله عليه
يغير عليهم تغطي تغطي ..
انا ذهبت مع بنت اختي للبحرين وهي عمرها تقريباً 20 سنه يوم ركبت السيارة
شفتها متحجبه فقط بدون غطى قلتلها تغطي قالت ليش رايحين للبحرين
قلت ليش البحرين عادي ماتتغطين وهنا حرام وقلبك عامر بالايمان
موب ماشي الا ماتتغطين واذا ابوك معطيك الحريه شي راجعله
اما انا هذا نظامي اذا تبين او لا ... وتغطت
لاني اغير عليهم ولا اتصور انهم يمشون وهم فاتشين كذا
وخاصه البنات الخليج الاحظ اذا فتشوا تشوف وجها كله مكياج وتلفت النظر
عكس الغرب بطبيعتهم وبدون أي شي
يعتقد البعض اني متشدد لكن لا والله بالعكس
لكن الواحد يغار على محارمه ولا هنا يعني حرام وعيب تفتش وبرا ماحد درى عنا
انا بشوف الموضوع خلال استطلاع هل اصبح الاغلبيه يرضون بـ اخراج محارمه وهم فاتشين
لاني اشوف اصبح الوضع يزيد يوم بعد يوم حالياً في جميع مناطق المملكة
اتوقع يجي يوم يطلع اللي متغطيات اقل من الفاتشات
اتمنى المصداقيه بالتصويت يعني لاتطلع متناقض تسوي فيها ما ترضى وقبل شوي طالع معها فاتشه بالداخل
المواضيع المتشابهه 
هل ترضى انت تطلع مرتك او اختك او احدى محارمك فاتشة معك في الداخل و الخارج.!! 
العرض الشجري
