قبل امس كنت في احدى العيادات وخلال الانتظار شاهد مصري مطوع بلحيته
ومسواك ولابس ثوب وشماغ اللي نوعيه اللي مسوي فيها انا سعودي
ولا ذا حب فيهم بالثوب والشماغ حتى الثوب قصير فوق الكاحل الزبدة قصير ثوبه
وتشوف وجهه تقول قلبه عامر بالايمان وهذا امام مسجدهم
توه جاي لانه على وشك الصلاة الظهر
المهم اشوفه من بعيد يتكلم مع موظفة الاستقبال السعودية
وفيه نقاش حاد تقول والله العظيم ما عندي ويجلس ينافخ عليها
ويوم وصلت وحدة من الموظفات اللي معها بالاستقبال وكانت تبي
تدخل وتوقف النقاش رد عليها المصري المطوع ( اوص ماليكش دعوة يعني يقول لاتدخلين )
ويقول يلا قدامي جيب الملف والمسكين طلعت تمشي معه مادري وين
وقتها قلت لازم افزع للمسكينه وقلت بنفسي "حنا معك في شر ولا في قدا"
يوم قمت الا تناديني الفلبينيه قلتلها اصبري يوم قربت للأستقبال
مادري وين راحوا قلت ان شاء الله خيرة ولا تهاوشت معه
لانه مع الاسف انا لو اتدخل بشي يمكن توصل للصراخ والهياط وابالغ بس اكيد ما توصل للضرب ولا سلاح مثل البعض
المهم اتصلوا علي امس العيادة يسئلوني عن مراجعتي وكيف الخدمه رديت للموظفة
قلت الخدمة ممتازة لكن هالموظف المصري اللي لابس ثوب قهرني وهو يتهاش مع وحدة منكم
المسكينه ما قدرت ترد تلعثمت بسؤالي وقالت " خلها على ربك "
وانا احس اني غلطان اني سئلتها لانه يمكن المكالمه مسجله
بس احسن ما قالت شي غلط ولا في كلام تحاسب عليها
لكن بصراحه شي يقهر هالمصاريه والاجانب بالتحديد ماسكين زمام
الامور هنا في بلدنا وجالسين يطقطقون في بناتنا
وانا اللي اعرفه ان الشخص اللي يلبس لبس غربي مخالف
مثل ما سمعت لبس اللباس الباكستاني للسعودي مخالف ويكون في وضع الشبة
طيب هالمصاريه والهنود وش وضعهم بالنظام ولا النظام علينا وليس عليهم
المصيبه بعضهم يطقن اللهجه السعودية
دخلت محل صيانه كمبيوترات الا الاسمر اللي تقول الشيخ الكلباني
لكن حجم صغير القامة المهم اول مادخل كيف الحال شخباركم شباب
"كنت مع اخوي " واحنا الحمدلله بخير عساك بخير الا شوي انقلب
هندي وهو يسولف مع هندي المحل !!! انصدمنا انا واخوي
هذة النوعيه هي احد اسباب العمالة المخالفة بعضهم يتنكر بهذة اللبس
عشان يبعد عنه الشبهات
عموماً هذة الصورة نفس نوعيه المصري اللي ذكرته بالموضوع
وهي شخصيه بسطويسي اللي في طاش لكن اللي شفته لابس شماغ موب غترة
المواضيع المتشابهه 
مصري لابس ثوب وشماغ جالس ينافغ على موظفة استقبال سعودية .! 
العرض الشجري
