السلام عليكم ورحمة الله وبركاته
اخباااااااااااركم جميعااا فردا فردا:hawageb:
اشلونكم مع الجو:www:رهيب صح :shy2:
الحمدلله على كل شئ


الموضوع منقول لـــ بحة الشوق:good:
اتمنى ان ينال اعجابكم:good:

انادي .. من ورى صوتي : ( ابيك الحين )
ابي .. ألمسك فعيوني ومايحرق جفوني ملح
وابي القاك وسط الليل ساعة صبحْ !

أحبك كثر ما هالشارع المزحوم ذكّرني ..
أحبك كثر ماصوتك افعز البرد دثّرني
وانا لحالي رضيت بحزني الأول ..
وخوووفي حزني التالي ..
تحبيني ؟
تحبيني .؟
أمانة بسْ قوليها
تراك أكثر
بعد أكثر ..
وحشتيــــــــني
-

أنا واحساسي اف بعدكْ عصافير وشجر وأوراق
ظِلالْ وشمس لو تغرب يجينا ليلنا الثاني
عيونك موطن الساعة ودقّات الحنين أشواق
نسي في شارع الأيام لايعطيك عنواني
إذا أمسي مثل يومي شجن وأخبار ماتنطاق
أبـ..انسى ذكرياتي يوم واذكر بعض نسياني !

يا مسافة !
جاوزت ظلي وما منها حسافة !
يكفي إن الدرب مع صوتك مدينة !
يكفي اني والشوارع لاتغيّبتي حزينة !
آخذ احساسي ..معاي !
واترك الشارع وراي
واتضيّع !
علّمينيْ
كيف ادلِّ الحين دربي
والشوارع كلها نادت عليك ..!

قلبي معكْ مهما تخافين يحميك
حولك مثل ظلك مكانه مكانكْ
أقطف من غصون الوله شوق وأعطيك
وأظلّل الصحرا بغيمة حنانك
يا نايمة في عين نورس تراعيك
كل النوارس حالمة باحتضانك

حتى الطريق
اللي ابتدا فيه االكلام
عيا معي قبل الظلام
اني أمرْ ...
لو انتظرْ
في مدخل الحارة واشوف الناس حولي يعرفون .!
إن القمر نصف الشهرْ ..
وان القهر ..
لا صرتْ ما تقوى السهر ..!!

مثل رش المطر هادي ..
على الوادي
مثل مانتَ بقايا حروفْ
وأنا في حزني الأول مثل ماتشوفْ
أنادي راحة الخاطر
وأنا شاعرْ
وأحنِّط شهقتي ملهوفْ ..!

نمر فيومنا الثالث ..
ولا أشوفك ..
أفكِّر بس بظروفك
وأناظر شوق بحروفك .
أحس برعشتك .. خوفك
من اللي صار ..
أكيد البارح احتجتي لأحد مثلي ..
ومن بعدي .. محد بعدي ولا قبلي
أنا اللي أعرف إحساسكْ ..
وأعيش الخوف بأنفاسك
وأنا اللي فيومنا الثالث
تحريتكْ
ولا جيتي ..
وصرت أخاف من بيتي

على هونكْ ..
خذيني ليل
إن عيا يجيه الصبحْ ..!
خذي من آخر ظلالي ..
خيال الجرحْ ..!
خذي من بحري اللي صار
ما يقوى على أمواجه ..
مرار الملحْ ..!!
خذي من صوتي الدافي
حروف الشاعر ( الوافي )
خذي حتى ( الوفي ) مني
قبل ما أموتْ !

بانتظاركْ ..
آه .. لو تدرين وش معنى انتظارك !
يمكن يكون الغياب وحزني افبابه قراركْ
يمكن اني مرّة ابـ..ـغفلة ظلمتك ...
وكان هذا اللي يزلزلني مع الساعات ثارِك ..!
آه لو تدرين وش يعني تخلّين الغياب اللي يعذّبني خيارك

علميني يا ..
الزيارات الخفيفة
لاتسمّرت افـ ثيابي
كيف من صوتك بنيتي لي سقيفه ..
في غيابي ..!
كيف كل الشيح فالشارع بعد عطرك تمايل مع حفيفه
واعتنابي
ياأنيقة ..
احتباسي داخل أنفاسي حقيقة
آه لو من آخر الشارع رجوعْ
يمكن اللي يرتجف وسْط الضلوعْ
يحتمي في زولك العابر دقيقة ..!

بانتظاركْ .. من سنة
لو سألتي مين أنا
كان جاوبك الغيابْ ..
للعتب ..مليون بابْ
مادخلته
وللعذر صمت وعذاب
ما احتملته
قولي إني والسما نجمة وشاعر
اكتبي لو حرف عني
من مشاعرْ
اكتبيني ..
اجمعيني في حنيني رجّعيني
سيرة الروح الحزينة
وأول أخبار المدينة
واحفظيني
--

الموضوع الأصلي: Mms انادي .. من ورى صوتي : ( ابيك الحين ) || الكاتب: غرام الورد || المصدر: منتديات

المصدر: منتديات شمس الحب - من قسم: سلة المحذوفات والمواضيع المكررة