من بعد ما شفت سوء الوظايف القطاع الخاص من ضعف الرواتب
وصعوبة التوظيف في القطاع الحكومي
ورغم من اللي سمعته من اللي حولي بشكل سيئ حول المعاملة في العسكرية
بشتى انواعها لكن عزمت نفسي اسجل فيها رغم اني املك شهادات ادارية ومحاسبة
يعني موب مقدم على ثانوي ولا متوسطه
وقلي ليش ما اسجل وانا جدي من اللي حملوا السلاح ايام الملك عبدالعزيز
وقلت يمكن الله كاتبلي اشتغل في العمل العسكري وسمعت اللي يقولون اللي حملوا
اجدادهم السلاح ايام الملك لهم افضليه عموماً ما عندي شي يثبت
ولا اتوقع يفيدني بشي هالنقطه
عموماً سجلت وتم قبولي وهنا تبدا القصه
وطبعاً من دون ما احدد الجهة
ذهبت الى مركز الموجهه لي لاستكمال الاجراءات
ومن الشكل الخارجي والداخلي تقول داخل سكن عمال شركة
ومكان متهالك جداً
لا اهتمام ولا تنظيف ولا شي وفوق نفسيه العسكري شينه
ومثل ما سمعت يقولون هذة نظامهم وتحمل وانا تحملت
والله تقول العسكري يعاملنا وكأننا بهايم عندة وهو يجلس يصارخ .
المهم وصلنا في مرحلة تقديم ملفات
وانا صحيح غلطان لكن والله ما ندمت باللي سويته
عموماً شوي رفضني العسكري
( الرفض ليس بسبب طولي لانه طولي ووزني مناسب ولا عندي عيب خلقي )
عموماً رفضني مع مجموعة الا واحد من المرفوضين
يناديه العسكري انت ولد الفلان قال اي قال عطني ملفك
وقتها نطقت قلت " احنا عيال البلد المفروض ما في تفرقه
كلنا نبي نخدم الوطن ولا قدمنا الا لهذا الغرض المفروض ما يكون هناك
افضليه ناس عن ناس وواسطات وهنا الجميع سواسيه واكيد ولاء الامر
يؤكدون على ذالك ."
والشباب اللي معي المرفوضين خوافيين وقالوا تعوذ من الشيطان
ما يستاهل هالكلام
وهذا اللي دمرنا نسكت عن حقنا
المهم ....
رد العسكري قال وش عندك قال هذا كلامي وصلك
غير كذا بوصل الموضوع للأمير المنطقه وهو الامير سعود بن نايف
والامير متعب بن عبدالله ولأعلى جهه اقدر عليها
ضحك وقال اللي تقدر عليه سوه واللي ما تطوله بيدك وصله برجولك
وقال اقظب الباب وعطاني ظهرة .
قلت تشوف انا ولا انت
يوم رجعت البيت ما اخفيكم اني كرهت البلد وكرهت اليوم اللي قدمت
وقالي احد اخواني تستاهل هذة القطاعات العسكرية هذة تصرفاتهم
وكلها واسطات
المهم قلت برفع شكوى ببرد قلبي من ذا العسكري
قال اخوي لا تتعب نفسك وبكرا ما تدري يمكن هالشخص واصل عند امير
وتفتح على نفسك باب وتطلع انت الغلطان ويجلسون يمسكون عليك شي
ولا رفعت حتى الحين شكوى لاني اقنعني اخوي واللي اعرفهم
وقال والله بتروح فيها ارجع دور في القطاع الخاص واقطع الشر
وهذا انا رجعت تحت رحمه الاجانب ومديري الفلسطيني
اللي يقولي مردك لي .
المواضيع المتشابهه 
عسكري بعد ما عرفته انه يتوسط لناس عن ناس يقولي " اللي ما تطولة بيدك وصله برجولك " !! 
العرض الشجري
